Is your name register_Manipuri

নহাকনা তাইবংপানসিদা খোঙদারকপা নুমিত্তা নহাক্কী নমা অমদি নপানা পোকপা অমদি শিবাগী চেদা নহাক্কী মিং চনশিনবীখ্রে । মসিদগীসু হেন্দোক্তুনা তোঙান-তোঙানবা লম জগাগী মীংচন চেশিংদসু নহাক্কী মীং চনশিনবিরে খুদম ওইনা :

স্কুল অমদি কলেজদা,

থবক থানা তৌবদা,

য়ুম কৈ, লম ইংখোল লৈবদা,

গারি লৈবা মতমদা,

বেঙ্গ একাউন্ট হাংবা মতমদা,

রশন কাত লৌবা মতমদা,

ভোটর আই –কাত লৌবা মতমদা,

য়ুম –মৈ, ঈশিংনা চিংবা লৌবা মতমদা ।

অসুম তৌনা নহাকনা, য়াম্না থুনা মাংখিগদবা তাইবংসিদা হিংনবগীদমক মীং অসুক য়াম্না চনশিল্লবদি লোম্বা নাইদবা স্বরগগী মফমদুগীদমক্তদি নহাক্কী মীং চনশিনল্লোইদ্রা ? নহাকনা শিরবা তুংদা লোম্বানাইদবা মফমদা নুংঙাই য়াইফবগা লোইন্না শান্তি ফংগে খল্লবদি স্বরগদুগীদমক্তা মীং চনফম থোকত্রা ? চুম্মী,   মীকুপশিমক্তদা নহাক্কী মীংদু চনশিনবীয়ু ।

মফমদুগীদমক্তা নহাক্কী মীং করম্না চনগদগে, নং খংলব্রা ? নহাক স্বরগগী মপূ ঈশ্বর মহাক্কী ঈমুংগী মী অমা ওইনা পোকপা তাই । মশিগী মরমদা ঈশ্বর মহাক্কী শেংলবা লাইরিক বাইবলনা অসুম্না হায় । “তৌঈগুম্বসুং ইবুংঙোবু লৌশিল্লবা মখৈদা, হায়বদি ইবুংঙোগী মীংদা থাজবা মখৈ অদুদা, ঈশ্বরগী  মচাশিং ওইরকনবা ইবুংঙোনা মতিক পীবিরে” (যোহন ১:১২) । নহাকনা যীশু খৃস্টবু নশাগী কনবীবা মপুনি হায়না থম্মোই পুম্বদা চেতনা থাজরগা মহাকপু লৌশিল্লবদি নহাক ইবুংঙো মহাক্কী মচা ওইরে । নহাকনা পাপচেনবগীদমক্তা ফংগদবা দন্দি পুম্বা মহাক্কা কালবারিগী ক্রোসতা পুরগা নহাক্কী নহুত শিন্দুনা শিবিরে । মহাকনা শিবিখীবা ঙক্তা নত্তনা শিরবা মতুং হুম্নিসুবা নুমিত্তা হিংঙ্গত্তুনা মতম পুম্বগী ওইনা হিংলে । নহাকনা নহা ওইরিঙৈ মতমদগী তৌখিবা  পাপশিংদু অমমম হায়দোকলবদি, ইবুংঙো মহাকনা পাপ কোকপিরগনি মহাক্কী মচা ওইনা লৌশিনবিগনি । নহাক্কী থম্মোইদা ঈংথাবা অমসুং হরাউবনা থলহনবীগনি । মহাকনা পৃথিবিদা লৈরিঙৈ মতমদা অসুম হায়না হায়, ‘হরাউজৌ, মরমদি নখোয়গী মীং শ্বরগদা ইখ্রবনি” (লুক ১০:২০) ।

প্রভু যীশু থাজদুনা পাপ কোকপিবা ফংখ্রবশিংগী মমীং স্বরগদা চনখ্রবনি । মখাতানা বাইবলনা অশুম্না হায়, “ইশ্বরদগী পোক্লবা মী খুদিংমক পাপ চেন্দে” (১ যোহন ৩:৯)। পাপ্না থল্লবা তাইবংসিদা অশেংবা পুন্সিদা হিংলগা পাপ তৌদনবগীদমক ইশ্বরনা থৌজাল পিবি । প্রভু  যীশুনা ক্রোসতা শিবিবা অসি নহাক্কী পাপ পুবা ঙাক্তা নত্তনা অনাবশু পুবিরে । মরম অদুনা ইবুংঙোবু থাজবশিংনা লাইকন্নবা ঙমদবা লায়নাদগী কনবিবা ফংদুনা হকচাং ফনা হিংগনি ।

অদু ওইরবদি, স্বরগদা মীং লৈতবশিংগী অরোইবদি করি ওইগনি ?

মখোয় শিবা মতুং ৱায়েনবা নুমিত অদুদা থোক্কদৌবা থৌদোকশিং অদু অসুম হায়না ইরি, “অদুদা হিংবগী লাইরিক মনুংদা মীং ইশিনদবা কনাণ্ডম্বা মী লৈরবদি, মাবু মৈগী পাত মনুং অদুদা হুঞ্জিল্লে” (ফোং ২০:১৫) ।

যীশুগী ঈনা নহাক্কী পাপ লৌথোক্তুনা নহাকপু কোকপিরি মহাক্কী ক্রোসনা নহাক্কী শিরাপ লৌথোকপিরগা বোর পিবী । মহাক্কী দাগফম্না নহাক্কী অনাবা ফহনবিরে । মহাক্কী শিবগী মপান্না নহাক্কী শিবা অমদি কিবা লৌথোকপিদুনা হিংবা অমদি থৌনা পিবীরে । প্রভু যীশুগী পুন্সিগী মপান্না নহাকনা লোম্বা নাইদবা হিংবসু ফংগনি । নহাক্কী মীং তাইবংদা ইদদনা স্বরগগী হিংবগী লাইরিক্তা ইগদবনি । ঙাসিমক প্রভু যীশুদা চংজৌ তাইবংনা পিবা ঙমদবা ঈংথাবা, নুংঙাইবা অমদি শিরবা তুংদা স্বরগদা চতনবা খুদোংচাবা ফংগনি । প্রভু যীশুদা অসুম হায়না হায়জৌ :-

প্রভু যীশু নহাকপু ঐনা থাজৈ অমসুং ঐগী ইশা পুম্নমক নঙোন্দা পিশিঞ্জারি । ঐগী পাপ পুম্বা ইবুংঙোগী শেংলবা ঈনা শেংদোকপিয়ু । হৌজীক ঐবু নচানি লৌশিনবিয়ু অমসুং হৌজীকমক স্বরগদা ঐগী মীং ইশিনবিয়ু । হৌজক্তাগী ঐগী পুন্সি চুপ্পা নচানি হিংজগে, অমেন ।

For more information please contact: contact@sweethourofprayer.net
You can find equivalent English tract @

Is your name registered ?