where will you spend your eternity_Kodava

ಒರ್‍ ಪ್ರೊಫೆಸರ್‍ ಪೊಲಾಕ ಊರ್‍ರ ಪೊರಮೆ ವಾಕಿಂಗ್‍ ಪೋಪಕ, ಬಟ್ಟೆ ತಪ್ಪಿ ಪೋನ ಒರ್‍ ಕಥೆ ಉಂಡ್‍. ಅಂವೊ ಒರ್‍ ಅಡ್ಡರಸ್ತೆಕ್‍ ಬಪ್ಪಕ ಒರ್‍ ಚೆರಿಯ ಕ್‍ಣ್ಣ ನಾಯಿನ ಪುಡಿಚ್ಚಂಡ್‍ ಪೋಪದ್‍ನ ಕಂಡತ್‍. “ಮೋನೆ, ಆ ಬಟ್ಟೆ ಎಲ್ಲಿ ಪೋಪೋಂದ್‍ ಕೇಟತ್‍. ನಾಕ್‍ ಗೊತ್ತಿಲ್ಲೇಂದ್‍ ಆ ಕ್‍ಣ್ಣ ಎಣ್ಣ್‍ಚಿ. ಈ ಬಟ್ಟೆ ಎಲ್ಲಿ ಪೋಪೋಂದ್‍ ಕೇಟತ್‍. ನಾಕ್‍ ಗೊತ್ತಿಲ್ಲೇಂದ್‍ ಅಂವೊ ಎಣ್ಣ್‍ಚಿ. ಪಿಂಞ ಇದ್‍ ಎಲ್ಲಕ್‍ ಪೋಪೋಂದ್‍, ಅದ್‍ ಎಲ್ಲಕ್‍ ಪೋಪೋಂದ್‍ ಕೇಪ್ಪಕ, ನಾಕ್‍ ಗೊತ್ತಿಲ್ಲೇಂದ್‍ ಅಂವೊ ಎಣ್‍ಣ್‍ಚಿ. ಓ ಮುಟ್ಟಾಳಾ, ನೀಕ್‍ ಒಂದೂ ಗೊತ್ತಿಲ್ಲೆಯಾಂದ್‍ ಈ ಪ್ರೊಫೆಸೆರ್‍ ಕೇಟತ್‍. ಅದ್ಂಗ್‍  ಆ ಕ್‍ಣ್ಣ, ನಾಕ್‍ ಒಂದ್‍ ಮಾತ್ರ ಗೊತ್ತಂಡು, ನೀಡನೆಕೆ ನಾನ್‍ ಬಟ್ಟೆ ತಪ್ಪಿ ಪೋಯಿತ್ತಿಲ್ಲೇಂದ್‍ ಎಣ್ಣ್‍ಚಿ.

ಚಂಙಾದಿಯೇ, ನೀಡ ಮಿಂಞತ್‍ ಒರ್‍ ನಿತ್ಯ ಜೀವತ್‍ರ ಬಟ್ಟೆ ಬೆಚ್ಚಿತ್ತುಂಡ್‍. ನಿತ್ಯ ಜೀವ ಅಲ್ಲ ನಿತ್ಯ ಕಂಡನೇಂದ್‍ ಉಳ್ಳ ಒರ್‍ ಬಟ್ಟೇಲ್‍ ನೀನ್‍ ಪೋಯೇಂಡುಳ್ಳಿಯ. ಚತ್ತಿತ್‍ ತೂಟ್ಂಗಳತ್‍ಲ್‍ ಉಳ್ಳಯಿಂಗ ಎಲ್ಲಾರು ಅಂವೊಂಡ (ಯೇಸುರ) ಸ್ವರ ಕೇಪ ಕಾಲ ಬಪ್ಪ. ಅಕ್ಕ, ನಲ್ಲದ್‍ ಮಾಡಿನಯಿಂಗ ಎದ್ದಿತ್‌ ನಿತ್ಯ ಜೀವತ್‍ನ ಪಡೆಯುವಕಾಯಿತು, ಕೆಟ್ಟದ್‌ ಮಾಡ್‍ನಯಿಂಗ ತಂಡನೆರ ತೀರ್ಪ್‍ಕಾಯಿತು ಎದ್ದಿತ್‍ ಬಪ್ಪಾಂದ್‍ ಬೈಬಲ್‍ಲ್‍ ಎಣ್ಣಿತ್ತುಂಡ್‍ (ಯೋಹಾನ 5:28-29). ನೀನ್‍ ಎಲ್ಲಿ ಪೋಯಂಡುಳ್ಳಿಯಾಂದ್‍ ನೀಕ್‍ ಗುತ್ತುಂಡಾ? ನೀನ್‍ ನೀಡ ನಿತ್ಯ ಜೀವತ್‍ನ ಎಲ್ಲಿ ಕಳೆಯುವಿಯಾಂದ್‍ ನೀಕಕ್‍ ಗೊತ್ತುಂಡಾ? ಆ ಪ್ರೊಫೆಸೆರೆನೆಕೆ ನೀಕ್‍ ಈ ಬದ್‍ಕ್‍ರ ವಿಷಯ ದುಂಬ ಗೊತ್ತಿಪ್ಪಕೈಯು ಆಚೇಂಗಿಯು, ಈ ಬದ್‍ಕ್‍ಲ್‍ ನೀನ್‍ ಚತ್ತ ಪಿಂಞ ಎಲ್ಲಿ ಪೋಪಿಯಾಂಪ್‍ ಗೊತ್ತಿಲ್ಲತೆ ಇಪ್ಪಕೈಯ್ಯು.

ಚತ್ತ ಪಿಂಞ ಉಳ್ಳ ಬದ್‍ಕಂಜ ನಂಗ ತಪ್ಪುವಕೈಯ್ಯುಲೆ; ಆಚೇಂಗಿ ನಂಗ ಎಲ್ಲಿ ಪೋಕಂಡೂಂದ್‍ ಉಳ್ಳದ್‍ನ ನಂಗ ಆಯ್ಕೆ ಮಾಡುವಕೈಯ್ಯು. ಒಡೆಯ ಇನ್ನನೆ ಎಣ್ಣಿಯಂಡುಂಡ್‍, “ ಜೀವ ಪಿಂಞ ಚಾವ್‍ನ ನೀಡ ಮಿಂಞತ್‍ ಬೆಚ್ಚಿತ್ತುಳ್ಳ. ಆನಗುಂಡ್‍ ಜೀವತ್‍ನ ಆಯ್ಕೆ ಮಾಡ್‍” (ಧರ್ಮ ಪೂಸ್ತಕ 30:19).

ನೀನ್‍ ಪೋಯಿತ್‍ ಎತ್ತುವ ಜಾಗತ್‍ನ ನೀಕ್‍ ಬದ್‍ಲ್‍ ಮಾಡಂಡೂಂದ್‍ ನೀನ್‍ ಆಸೆ ಪಟ್ಟತೇಂಗಿ, ಆ ಸ್ತಾನತ್‍ರ ದಿಕ್ಕ್‍ನ ನೀನ್‍ ಇನ್ನನೆ ಕಂಡ್‍ ಪುಡಿಪಕೈಯ್ಯು.

ತೂಟಂಗಳತ್‍ಗಿಂಜ ಆಬರಿ ಈ ಲೋಕತ್‍ಲ್‍ ದಂಡ್‍ ಮುಕ್ಯ ಜಾಗ ಉಂಡ್‍. ಅದ್‍ ಎಂತ ಎನ್ನ್‍ಚೇಂಗಿ, ಪರಲೋಕ, ಇದನ ದೇವಡ ರಾಜ್ಯಂದ್‍ ಎಣ್ಣುವ. ಅದ್‍ ಬೊಳಿ ಪಿಂಞ ಚಾಯಿ ಜಾಗ. ನೇರಾನ ಸಮಾದಾನ ಪಿಂಞ ಸಂತೋಶತ್‍ರ ಜಾಗ. ಒಡೆಯಂಡ ಪ್ರಸನ್ನತ್‍ಲ್‍ ಪಿಂಞ ಅಂವೊ ನಂಗಕ್‍ ಬೆಚ್ಚಿತ್ತುಳ್ಳ ಎಲ್ಲಾ ಸಂತೋಶತ್‍ನ ಅನುಬವಿಚಿಡುವ ಒರ್‍ ಬದ್‍ಕ್‍ ಅದ್‍. ಒರ್‍ ಸಾದಾರನ ಮನುಷ್ಯ ಇದ್‍ನೆಲ್ಲಾ ಅರ್ಥ ಮಾಡುವಕ್‍ ಕೈಯ್ಯುಲೆ. ಎನ್ನಂಗೆಣ್ಣ್‍ಚೇಂಗಿ ದೇವಡ ವಾಕ್ಯ ಇನ್ನನೆ ಎಣ್ಣುವ, “ದೇವ, ಅಂವೊಂಡ ಮೇಲೆ ಪ್ರೀತಿ ಬೆಚ್ಚಿತುಳ್ಳಯಿಂಗಕ್‍ ತಯಾರ್ ಮಾಡಿತ್ತುಳ್ಳದ್‍ನ, ‍ಓರ್‍ ಕಣ್ಣೂ ಕಂಡಿತ್ತಿಲ್ಲೆ, ಕೆಮಿ ಕೇಟ್ಟಿತ್ತಿಲ್ಲೆ, ಅದ್ಂಡ ಗೇನವು ಮನುಷ್ಯಂಡ ಹೃದಯತ್‍ಲ್ ‍ಪುಟ್ಟಿತ್ತಿಲ್ಲೆ” (1 ಕೊರಿಂಥ 2:9).

ಅನ್ನನಾಚೇಂಗಿ, ದೇವಡ ರಾಜ್ಯತ್‍ರ ಗುಟ್ಟ್‍ ಬೋರೆ ದಾರ್‍ಕ್‍ ಗೊತ್ತಾಪ? ಪರಲೋಕಕೂ ಬೂಲೋಕಕೂ ಒಡೆಯನಾನ ನಾಡ ಅಪ್ಪನೇ, ನೀನ್‌, ಈ ಸತ್ಯವಾನ ವಿಷಯತ್‍ನ ಜ್ಞಾನಿಯಂಗಕೂ ಬಲ್ಯಯಿಂಗಕೂ ಮರೆ ಮಾಡಿತ್‌, ಒಂದು ಗೊತ್ತಿಲ್ಲತ ಸಾದಾರಣ ಜನಕ್‍ ಎಣ್ಣಿ ಕೊಡ್‌ತಿತ್ತುಳ್ಳಿಯಾಂದ್‍ ದೇವಡ ವಾಕ್ಯತ್‍ಲ್‍ ಎಣ್ಣಿತುಂಡ್‍ (ಮತ್ತಾಯ 11:25). ಪಿಂಞ ಈ ಕುಂಞಿರನೆಕೆ ಉಳ್ಳಯಿಂಗ ಮಾತ್ರ ಅಲ್ಲಿ ಪೋಪಂದ್‍ ಎಣ್ಣಿತುಂಡ್‍ (ಮತ್ತಾಯ 18:3). ಆನಗುಂಡ್‍, ನಾಡ ಚಂಙಾದಿಯೇ, ನೀನ್‍ ನೀಡ ಸ್ಥಾನ ಪಿಂಞ ಬಲ್ಯ ಬಡಾಯಿನ ಬುಟ್ಟಿತ್‍, ನಿನ್ನ ತಗ್ಗಿತ್‍ ಒಡೆಯನಾನ ಯೇಸುರ ಪಕ್ಕ ತಿರುಗ್‍ಚೇಂಗಿ, ನಿತ್ಯತ್‍ಲ್‍ ನೀಕ್‍ ಎಚ್ಚಕ್‍ ಗನತ್‍ರ ಸ್ತಾನ ಕ್‍ಟ್ಟುವಾಂದ್‍ ನೀನ್‍ ಕಾಂಬಕೈಯ್ಯು. ಒಡೆಯ ಸಹ ಆ ಜಾಗತ್‍ರ ಬಟ್ಟೇನ ಕಾಟಿತಪ್ಪ.

ನಿತ್ಯತ್‍ರ ಇನ್ನೊಂದ್‍ ಜಾಗ ನರಕ. ಅದ್‍ ಕತ್ತಲೆ ಪಿಂಞ ನೊಂಬಲ ದುಂಬ್‍ನ ಜಾಗವಾಯಿತ್‍ ಉಂಡ್‍. ಆ ಜಾಗತ್‍ಲ್‍ ಯೇಸುನ ತ್‍ಕ್ಕಾರ ಮಾಡ್‍ನ ಜನ ನಿತ್ಯ ನಿತ್ಯಕ್‍ ಕಷ್ಟತ್‍ಲ್‍ ಗೋಳಾಡಿಯಡಿಪ್ಪ. ಈ ಜಾಗ ಸೈತಾನಂಗಾಯಿತೂ, ಅಂವೊಂಡ ದೂತಂಗಕಾಯಿತೂ ಅಯಿಂಗಡ ಸ್ವಂತ ಗುಣತ್‍ಲ್‍ ತಯಾರ್‍ ಮಾಡ್‍ನ ಜಾಗವಾಯಿತ್ತುಂಡ್‍. ನರಕತ್‍ನ ತಿತ್ತಾಯಿತ್‍ ಮಾಡುವದ್‍ ಅಯಿಂಗಡ ದುಷ್ಟತನವೇ (ಮತ್ತಾಯ 25:41). ಸೈತಾನಂಡ ಕೂಡ ಮನುಷ್ಯ ಸಹ ಅಲ್ಲಿ ಎತ್ತಿಯಂಡುಂಡ್‍. ಎನ್ನನೆ ಎಣ್ಣ್‌ಚೇಂಗಿ, ದುಷ್ಟತನತ್‍ನ ಮಾಡುವಕ್‍ ಕುಸಿಪಟ್ಟಿತ್‍, ಈ ಲೋಕತ್‍ರ ಪದ್ದತಿರ ಪ್ರಕಾರ, ಪಿಂಞ ದೇವಡ ವಾಕ್ಯಕ್‍ ತಗ್ಗಿತ್ ನಡಕ್ಕತ ಜನತ್‍ರೆಡೇಲ್,‍ ಇಕ್ಕ ಕ್ರಿಯೆ ಮಾಡಿಯಂಡುಳ್ಳ ದೆವ್ವಲೋಕತ್‍ರ ಅದಿಕಾರತ್‍ರ ಅದಿಕಾರಿಯಡ ಆತ್ಮತ್‍ರ ಪ್ರಕಾರ ಬದ್‍ಕ್ಕಿಯಂಡುಂಡ್‍. ಸೈತಾನಂಗ್‍ ತಗ್ಗಿತ್‍ ನಡ್‍ಪಕ್‍ ಆಯ್ಕೆ ಮಾಡಿತ್‍, ಅಂವೊಂಡ ಶರೀರತ್‍ರ ಇಚ್ಛೆರ ಪ್ರಕಾರ ನಡ್‍ದಂಡ್‍, ಅಂವೊಂಡ ತಡಿ ಪಿಂಞ ಮನಸ್‍ ಇಷ್ಟ ಪಟ್ಟಾನ ಮಾಡಿಯಂಡ್‍ ಉಳ್ಳಾಂಗ್‍ ಅಂವೊ ಸಹ ಸೈತಾನಂಡ ಕೂಡೆ ಅಲ್ಲಿಕ್‍ ಕೂಡುವ (ಎಫೆಸ 2:2-3). ದುಷ್ಟತನ ಮಾಡುವಂವೊನ ಅಂವೊಂಡ ಪಾಪವೇ ಪುಡಿಪ್ಪ, ತಾಂಡ ಪಾಪತ್‍ರ ಕೇರ್‌ ಅಂವೊನ ಕ್‍ಟ್ಟುವ (ಜ್ನಾನ ಪುಸ್ತಕ 5:22) ನರಕ್ ಎಣ್ಣುವ ವಾಕ್ಯಕ್‍ ಚಾವ್ ಎಣ್ಣುವ ಅರ್ಥ ಉಂಡ್‍ (ಪ್ರಕಟನೆ 21:8)  ಅದ್‍ ನೀನ್‍ ಮಾಡುವ ಪಾಪತ್‍ರ ಸಂಬಳ (ರೋಮ 6:23). ಪಾಪತ್‍ರ ಗುಣ ಕಾಟಿ ತಪ್ಪ ಬಟ್ಟೆಲ್‍ ನಡಕಂಡೂಂದ್‍ ಉಳ್ಳ ಗೇನ, ನಂಗಳ ಆತ್ಮೀಯ ಚಾವುಕ್‍ ಬಲಿಚಂಡು ಪೋಪ (ರೋಮ 8:6); ಸುಖ ಬೋಗತ್‍ಲ್‍ ಬದ್‍ಕ್‍ವದ್‍ ಚಾವಕ್‍ ಸಮವಾಯಿತ್ತುಂಡ್‍. ನಿಂಗ ಚೆನ್ನ ಚೆನ್ನಂಗಾವಯಿತ್‍ ಚಾವ್‍ರಗೊಂಡ್‍ ಮುಗ್ಗಿಯಂಡುಳ್ಲಿರ.

ಆ ನಿತ್ಯ ನೊಂಬಲತಿಂಜ ಬಚಾವ್‍ ಆಯಿತ್‍, ನಿತ್ಯ ಜೀವತ್‍ನ ಪಡೆಯುವಂಗಕಾಯಿತ್‍ ಒಡೆಯನಾನ ಯೇಸು ಈ ಲೋಕತ್‍ ಬಾತ್‍. ಅಂವೊಂಡ ಮೇಲೆ ನಂಬಿಕೆ ಬೆಚ್ಚಿತ್‍ ಅಂವೊನ ಸ್ವೀಕಾರ ಮಾಡಿವಯಿಂಗ ಬಚಾವಾಪ. ಅಂವೊಂಡ ಚೋರೆನ ನಂಗಕಾಯಿತ್‍ ಅಂವೊ ಬೂಕ್‍ಚಿ. ಅಂವೊನೇ ನೇರಾನ ಬಟ್ಟೆಯು, ಸತ್ಯವು, ಜೀವವುವಾಯಿತೂ ಉಂಡ್‍. (ಯೋಹಾನ 14:6) “ ದೇವಡ ಮೋಂವೊನ (ಯೇಸುನ) ನಂಬುವಯಿಂಗಕ್‌ ನಿತ್ಯ ಜೀವ ಉಂಡ್‍; ಅಂವೊನ ನಂಬತಯಿಂಗಕ್‍ ನಿತ್ಯ ಜೀವ  ಕ್‍ಟ್ಟುಲೇ, ದೇವಡ ನ್ಯಾಯ ತೀರ್ಪ್ ಎಣ್ಣುವ ದೇವಡ ಬಲ್ಯ ಚೆಡಿ ಅಯಿಂಗಡ ಮೇಲ ಎಕ್ಕಾಲು ಇಪ್ಪಾಂದ್‍ ಎಣ್ಣ್‍ಚಿ. (ಯೋಹಾನ 3:36)

ಇದ್‍ನ ಓದಿಯಂಡುಳ್ಳಂವೊನೇ, ಇಕ್ಕ ನೀನ್‍ ಪೋಯೇಂಡುಳ್ಳ ಬಟ್ಟೇಲ್‍  ನಿಲ್ಲ್‌, ಇಕ್ಕ ನಿನ್ನ ನೀನೇ ಈ ಪ್ರಶ್ನೆನೆ ಕೇಳ್‍: ನಾನ್‍ ಎಲ್ಲಿ ಪೋಯಂಡುಳ್ಳ್? ನಾನ್‍ ಚತ್ತ ಪಿಂಞ ಎಲ್ಲಿ ಎತ್ತುವಿ? ನೀನ್‍ ಇಂದ್‍ ಸರಿಯಾನ ದಿಕ್ಕ್‍ಲ್‍ ಪ್ರಯಾಣ ಮಾಡಿಯಂಡುಳ್ಳಿಯಾಂದ್‍ ಉಳ್ಳದ್‍ನ ಗೇನ ಮಾಡಿತ್‍ ನೋಟ್‍!

ಪ್ರೀತಿಯ ಒಡೆಯನಾನ ಯೇಸುವೇ, ನಾನ್‍ ನಿನ್ನ ನಾಡ ಒಡೆಯನಾಯಿತೂ, ರಕ್ಷಕನಾಯಿತೂ ಸ್ವೀಕಾರ ಮಾಡುವಿ. ದಯಬೆಚ್ಚಿತ್‍ ನಾಡ ಹೃದಯತ್‍ಲ್‍ ಬಾ. ನಾಡ ಎಲ್ಲಾ ಪಾಪತ್‍ನ ಕತ್ತಿಚಿಟ್ಟಿತ್‍, ಪರಲೋಕ್‍ (ನಿತ್ಯ ಜೀವ) ಯೋಗ್ಯನಾಯಿತ್‍ ಮಾಡ್‍.

ಒರ್‍ ವಿಷೇಶ ಸುದ್ದಿ: ದೇವಡ ರಾಜ್ಯತ್‍ಲ್‍ ದುಂಬ ದುಂಬ ಜಾಗ ಉಂಡ್‍, ಅದ್‍ ಮಹಿಮೆಯಿಂಜ ಪಿಂಞ ಚಾಯಿ ಜಾಗತಿಂಜ ವೆತ್ಯಾಸವಾಯಿತ್ತಿಪ್ಪ.

For more information, please contact: contact@sweethourofprayer.net

You can find equivalent English tract @

Where will you spend your eternity ?