Is your name register_Kodava

ನೀನ್‍ ಈ ಲೋಕತ್‍ಲ್‍ ಪುಟ್ಟ್‍ವಕ, ನೀಡ ಅಪ್ಪವ್ವ ನೀನ್‍ ಪುಟ್ಟ್‍ನ ನಾಳ್‍ನ, ಪುಟ್ಟುವ ಪಿಂಞ ಚಾವ್‍ನ ದಾಖಲೆ ಮಾಡುವ ರೆಜಿಸ್ಟ್ರಾರ್‌ರ ಪಕ್ಕ ಪೋಯಿತ್‍ ದಾಖಲೆ ಮಾಡಿತಿಪ್ಪ. ಇಂಞು ನೀಡ ಪೆದ ಈ ಲೋಕತ್‍ಲ್‍ ದುಂಬ ಜಾಗತ್‍ಲ್‍ ದಾಖಲೆ ಮಾಡಿತ್ತಿಪ್ಪ. ಉದಾ:

ನಿನ್ನ ಶಾಲೆಕ್‍ ಕೂಟ್‍ವಕ
ನೀನ್‍ ಒರ್‍ ಕೆಲಸಕ್‍ ಕೂಡುವಕ
ನೀನ್‍ ಒರ್‍ ಜಾಗ ಪಿಂಞ ಮನೆ ಎಡ್‍ಪಕ
ನೀಡ ಗಾಡಿಕ್‍ ಇನ್‍ಷ್ಯುರನ್ಸ್ ಮಾಡುವಕ
ನೀನ್‍ ಬ್ಯಾಂಕ್‍ಲ್‍ ಒರ್‍ ಲೆಕ್ಕ ಸುರು ಮಾಡುವಕ
ನೀಕ್‍ ರೇಶನ್‍ ಕಾರ್ಡ್‍ ಕ್‍ಟ್ಟುವಕ
ನೀಕ್‍ ಒರ್‍ ವೋಟರ್‍ ಐ.ಡಿ. ಕ್‍ಟ್ಟುವಕ
ನೀಡ ಮನೆಕ್‍ ವಿದ್ಯುತ್‍ ಬಪ್ಪಕ

ಈ ಪಾಳಾಪ ಲೋಕತ್‍ಲ್‍ ಬಾಳುವಕಾಯಿತ್‍ ನೀಡ ಪೆದತ್‍ನ ಇಚ್ಚಕ್‍ ಜಾಗತ್‍ಲ್‍ ದಾಖಲೇ ಮಾಡಂಡೂಂದ್‍ ಇಂಜತೇಂಗಿ, ಪರಲೋಕತ್‍ಲ್‍ ಬಾಳುವಕಾಯಿತ್‍ ಮಾಡತೆ ಇಪ್ಪಕ್‍ ಕೈಯುವ? ಇಕ್ಕಲೇ ನೀಡ ಪೆದತ್‍ನ ಪರಲೋಕತ್‍ಲ್‍ ದಾಖಲೆ ಮಾಡುವದ್‍ ಎಚ್ಚಕ್‍ ಬೋಂಡಿಯಾನದ್‍. ನೀನ್‍ ಚತ್ತ ಪಿಂಞ ಸಂತೋಷವಾಯಿತ್‍ ಸಮಾದಾನವಾಯಿತ್‍ ಏದ್‍ ಪಾಪವು ಇಲ್ಲತೆ ನಿತ್ಯ ರಾಜ್ಯತ್‍ಲ್‍ ಎಕ್ಕಾಲು ಇಪ್ಪಕಾಯಿತ್ ನೀಡ ಪೆದತ್‍ನ ಪರಲೋಕತ್‍ಲ್‍ ದಾಖಲೆ ಮಾಡಂಡು. ಅಕ್ಕು ನೀಡ ಪೆದತ್‍ನ ಕಂಡಿತವಾಯಿತ್‍ ಇಕ್ಕಲೆ ದಾಖಲೆ ಮಾಡಂಡು. ನೀಡ ಪೆದತ್‍ನ ಪರಲೋಕತ್‍ಲ್‍ ದಾಖಲೆ ಮಾಡುವಕ್‍ ನೀನ್‍ ಎಂತ ಮಾಡಂಡು? ನೀಡ ಪೆದ ಅಲ್ಲಿ ದಾಖಲೆ ಆಪಕ್‍, ನೀನ್‍ ದೇವಡ ಪರಲೋಕತ್‍ರ ಮನೆಲ್‍ ಒರ್‍ ಕುಂಞಾಯಿತ್‍ ಪುಟ್ಟಂಡು. ಅದ್ಂಡ ವಿಷಯತ್‍ ದೇವಡ ಪುಸ್ತಕ ಇನ್ನನೆ ಎಣ್ಣಿತ್ತುಂಡ್‍: “ದಾರೆಲ್ಲಾ ಅಂವೊಂಡ ಮೇಲೆ ನಂಬಿಕೆ ಬೆಚ್ಚಿತ್‍ ಅಂವೊನ ತಕ್ಕಾರ ಮಾಡ್‍ಚೋ ಅಯಿಂಗಕೆಲ್ಲಾ ದೇವಡ ಮಕ್ಕ ಆಪಕುಳ್ಳ ‍ಹಕ್ಕ್‍ನ ಅಂವೊ ಕೊಡ್‍ತತ್‍” (ಯೋಹಾನ 1:12).

ಒಡೆಯನಾನ ಯೇಸುನ ನೀನ್‍ ನೀಡ ಪೂರ್ತಿ ಹೃದಯತ್‍ಲ್‍ ನಂಬಿತ್‍, ಅಂವೊನ ನೀಡ ಸ್ವಂತ ರಕ್ಷಕನಾಯಿತು, ಒಡೆಯನಾಯಿತು ಸ್ವೀಕಾರ ಮಾಡ್‍ಚೇಂಗಿ, ನೀನ್‍ ಅಂವೊಂಡ ಕುಂಞಿ ಆಪಿಯ. ಅಂವೊನೇ, ನೀಡ ಪಾಪಕ್‍ ಕ್‍ಟ್ಟ್‍ವಕಿಂಜ ಶಿಕ್ಷೇನ ಅಂವೊಂಡ ಮೇಲೆ ಎಡ್‍ತಿತ್‍, ಕಲ್ವಾರಿ ಶಿಲುಬೇಲ್‍ ನೀಕಾಯಿತ್‍  ತಾಂಡ ಜೀವತ್‍ನ್‍ ಬುಟ್ಟತ್‍. ಅಂವೊ ಚತ್ತದ್‍ ಮಾತ್ರ ಅಲ್ಲತೆ, ಮೂಂದನೆ ದಿವಸತ್‍ಲ್‍ ಚಾವ್‍ಯಿಂಜ ಜೀವವಾಯಿತ್‍ ಎದ್ದಿತ್‍, ಕಾಲಕಾಲಕೂ ಬದ್‍ಕಿಯಂಡುಂಡ್‍. ನೀನ್‍ ಚೆರಿಯ ಪ್ರಾಯತಿಂಜ ಮಾಡ್‍ನ ಎಲ್ಲಾ ಪಾಪತ್‍ನ ಒಂದೊಂದಾಯಿತ್‍ ಅರಿಕೆ  ಮಾಡ್‍ಚೇಂಗಿ, ದೇವ ನೀಡ ಪಾಪತ್‍ನ ಮನ್ನಿಚಿಟ್ಟಿತ್‍, ನಿನ್ನ ಅಂವೊಂಡ ಕುಂಞಿಯಾಯಿತ್‍ ಸ್ವೀಕಾರ ಮಾಡುವ. ನೀಡ ಹೃದಯತ್‍ನ ಅಂವೊಂಡ ಸಂತೋಷ ಸಮಾದಾನತಿಂಜ ದುಂಬ್‍ಚಿಡುವ. ಇನ್ನನೆ ಅಂವೊಂಡ ಕುಂಞಿಯಾಯಿತ್‍ ಆನಯಿಂಗಳ ನೋಟಿತ್‍, ಅಂವೊ ಈ ಲೋಕತ್‍ಲ್ ಇಪ್ಪಕ ಇನ್ನನೆ ಎಣ್ಣ್‍ಚಿ: “ನಿಂಗಡ ಪೆದ ಸ್ವರ್ಗಲೋಕತ್‌ಲ್‌ ಎಳ್‌ದಿತ್ತುಳ್ಳಗುಂಡ್‌ ಸಂತೋಷ ಪಡಿರಿ (ಲೂಕ 10:20)

ಒಡೆಯನಾನ ಯೇಸುನ ನಂಬಿತ್‍, ಅಂವೊಂಡ ಮನ್ನಿಪ್ಪ್‍ನ ಪಡ್‍ದಯಿಂಗಡ ಪೆದತ್‍ನ ಪರಲೋಕತ್‍ಲ್‍ ದಾಖಲೆ ಮಾಡಿತ್ತಿಪ್ಪ. ಇಂಞು ದೇವಡ ಪುಸ್ತಕ ಎಣ್ಣುವನೆಕೆ, “ದೇವಡ ಮಕ್ಕಳಾಯಿತ್‍ ಆನಯಿಂಗ ಪಾಪ ಮಾಡಿಯಂಡೇ ಇಪ್ಪುಲೆ. (1 ಯೋಹಾನ 3:9), ಈ ಪಾಪ ದುಂಬ್‍ನ ಲೋಕತ್‍ಲ್‍ ನಂಗ ಪಾಪ ಮಾಡತೆ ಒರ್‍ ಪವಿತ್ರವಾನ ಬದ್‍ಕ್‍ ಬಾಳುವಕ್‍, ಒಡೆಯನಾನ ಯೇಸು ನಂಗಕ್‍ ಅಚ್ಚಕ್‍ ಬಲ್ಯ ಕೃಪೆನ ತಪ್ಪ. ಇಂಞು, ಯೇಸು ಕಷ್ಟಪಟ್ಟಿತ್‍ ಶಿಲುಬೇಲ್‍ ಚಾವಕ, ಅಂವೊ ನೀಡ ಪಾಪತ್‍ನ ಮಾತ್ರ ಅಲ್ಲತೆ ನೀಡ ಕಾಯಿಲೆನ ಸಹ ಅಂವೊಂಡ ಮೇಲೆ ಎಡ್‍ತಂಡತ್‍. ಆನಗುಂಡ್‍, ಅಂವೊನ ನಂಬುವಯಿಂಗ, ವಾಸಿ ಮಾಡುವಕ್‍ ಕೈಯ್ಯತ ರೋಗತಿಂಜ ಸಹ ಬುಡ್‍ಗಡೆ ಆಯಿತ್‍, ತಡಿಲ್‍ ಓರ್‍ ಕಾಯ್ಲೆಯು ಇಲ್ಲತ ಬದ್‍ಕ್‍ನ ಬಾಳುವಕ್‍ ಕೈಯು.

ಇನ್ನನೆ ಇಪ್ಪಕ, ಪರಲೋಕತ್‍ಲ್‍ ಪೆದ ದಾಖಲೆ ಆಕತಯಿಂಗಡ ಅಂತ್ಯ ಎಂತಾಪ? ಅನ್ನನೆ ಉಳ್ಳಯಿಂಗಕ್‍, ಚತ್ತ ಪಿಂಞ ನ್ಯಾಯತೀರ್ಪ್‍ ದಿವಸತ್‍ಲ್‍ ಎಂತಾಪಾಂದ್‍, ಇನ್ನನೆ ಎಳ್‍ದಿತ್ತುಂಡ್‍, “ದಾಡ ಪೆದ ಜೀವ ಪುಸ್ತಕತ್‍ಲ್‍ ಒಳ್‍ದಿತ್ತಿಲ್ಲೆಯೋ, ಅಯಿಂಗೆಳೆಲ್ಲಾ ತಿತ್‍ತ್‍ರ ಕಡಲ್‍ಲ್‍ ಚಾಡಿರವ. (ಪ್ರಕಟನೆ 20:15)

ಯೇಸುರ ಚೋರೆ ನೀಡ ಪಾಪತ್‍ನ ಕಳೆಂದಿತ್‍ ನೀಕ್‍ ಮನ್ನಿಪ್ಪ್‍ ತಪ್ಪ. ಅಂವೊಂಡ ಶಿಲುಬೆ ನೀಡ ಶಾಪತ್‍ನ್ ಕಳೆಂದಿತ್‍ ನೀಕ್‍ ಆಶೀರ್ವಾದ ತಪ್ಪ. ಅಂವೊಂಡ ಗಾಯ ನೀಕ್‍ ಕಾಯಿಲೆಯಿಂಜ ಸೌಖ್ಯತ್‍ನ ತಪ್ಪ. ಅಂವೊಂಡ ಚಾವ್‍ ನೀಡ ಚಾವ್‍ರ ಪೋಡಿನ ಕಳೆಂದಿತ್‍ ನೀಕ್‍ ದೈರ್ಯತ್‍ನ ತಪ್ಪ. ಒಡೆಯನಾನ ಯೇಸುರ ಜೀವತ್‍ರ ಮೂಲಕ ನೀಕ್‍ ನಿತ್ಯ ಜೀವ ಸಹ ಕ್‍ಟ್ಟುವ. ನೀಡ ಪೆದ ಈ ಲೋಕತ್‍ಲ್‍ ಅಲ್ಲ, ಆಚೇಂಗಿ ಪರಲೋಕತ್‍ಲ್‍ ಉಳ್ಳ ಜೀವತ್‍ರ ಪುಸ್ತಕತ್‍ಲ್‍ ದಾಖಲೆ ಆಯಿತ್ತಿಪ್ಪ. ಇಂದೇ ಒಡೆಯನಾನ ಯೇಸು ಕ್ರಿಸ್ತಂಡ ಪಕ್ಕ ಬಾ. ಅನ್ನನೆ ಬಾತೇಂಗಿ, ಈ ಲೋಕ ತಪ್ಪಕೈಯ್ಯತ ನೇರಾನ ಸಮಾದಾನ ಪಿಂಞ ಸಂತೋಷತ್‍ನ ನೀನ್‍ ಪಡೆಯುವಕೈಯ್ಯು. ಅದ್‍ ಮಾತ್ರ ಅಲ್ಲತೆ ನೀನ್‍ ಚತ್ತ ಪಿಂಞ ಪರಲೋತ್‍ಲ್‍ ಪ್ರವೇಶ ಮಾಡುವ ಯೋಗ್ಯತೆ ನೀಕ್‍ ಕ್‍ಟ್ಟುವ. ಒಡೆಯನಾನ ಯೇಸುನ ನಂಬಿತ್‍ ಮಿಂಞಕ್ಕುಳ್ಳ ಪ್ರಾರ್ಥನೆನ ಮಾಡ್‍:

ಒಡೆಯನಾನ ಯೇಸುವೇ, ನಾನ್‍ ನಿನ್ನ ನಂಬುವಿ, ನಂಬಿತ್‍ ನಾಡ ಪೂರ್ತಿ ಬದ್‍ಕ್‍ನ ನೀಡ ಪಕ್ಕ ಒಪ್ಪ್‍ಚಿಡುವಿ. ನಾಡ ಎಲ್ಲಾ ಪಾಪತ್‍ನ ನೀಡ ಪವಿತ್ರವಾನ ಚೋರೆಯಿಂಜ ಕತ್ತಿತ್‍ ನನ್ನ ಪವಿತ್ರವಾಯಿತ್‍ ಮಾಡ್‍. ನನ್ನ ನೀಡ ಕುಂಞಿಯಾಯಿತ್‍ ಸ್ವೀಕಾರ ಮಾಡಿತ್‍, ನಾಡ ಪೆದತ್‍ನ ಪರಲೋಕತ್‍ಲ್‍ ಇಕ್ಕಲೆ ದಾಖಲೆ ಮಾಡ್‍. ಇಂದ್‍ಯಿಂಜ, ನಾನ್‍ ಚಾವಕತ್ತನೆ ನೀಡ ಕುಂಞಿಯಾಯಿತ್‍ ಬಾದ್‍ಕುವಿ. ಆಮೇನ್‍

For more information, please contact: contact@sweethourofprayer.net

You can find equivalent English tract @

Is your name registered ?