Jesus Loves Jesus Helps_Tulu

ಎನ (ಯೇಸುನ) ಕೈತಲ್ ಬಲ್ಲೆ; ಯಾನ್ ನಿಕ್ಲೆಗ್ ವಿಶ್ರಾಂತಿ ಕೊರ್ಪೆ. (ಮತ್ತಾಯ 11:28)

ಕಷ್ಟ ಪಡೆದ್, ದುಣ್ಣದ ಪುದೆ ತುಂಬೊಂದಿನಕುಲೇ ದೇವೆರ್ ಲೋಕೊನು ಏತೊ ಪ್ರೀತಿ ಮಲ್ತ್‌ದ್ ತನ ಒರಿಯೆ ಮಗನ್ (ಯೇಸುನು) ಕೊರ್ತೆ; ಆಯನ್ ನಂಬುನ ಏರ್‌ಲಾ ನಾಶ ಆವಂದೆ ನಿತ್ಯಜೀವ ಪಡೆಯೊಡು ಪಂಡ್ದ್ (ಯೋಹಾನೆ 3:16)

ಈ ಬಡ ನರಮಾನಿ ಲೆತ್ತೆ. ಕರ್ತವೆ(ಯೇಸು) ಕೇಂಡ್ದ್ ಆಯನ ಮಾತ ಭಂಗೊಲೆಡ್ಪ್ ಬುಡುಪಾಯೆ. (ಕೀರ್ತನೆ 34:6)

ಆಯೆ ತನ ಪಾತೆರೊನು ಕಡಪುಡ್ದು ಅಕ್ಲೆನ್ ಗುಣ ಮಲ್ತೆ; ಬೊಕ್ಕ ಮಾತ ನಾಶನೊಡ್ದು ಅಕ್ಲೆನ್ ತಪ್ಪಾಯೆ (ಕೀರ್ತನೆ 107:20)

ಒರಿಯನ್ ಅಪ್ಪೆ ಆದರಿಪುಲೆಕ್ಕ  ಯಾನ್ ನಿಕ್ಲೆನ್ ಆದರಿಪುವೆ. (ಯೆಶಾಯ 66:13)

ಯಾನ್ ನಿಕ್ಲೆನ್ ಮದಪಯೆ (ಯೆಶಾಯ 44:21)

ದೇವೆರ್ ಎಡ್ಡೆಂತಿನಾಯೆ ಪಂಡ್ದ್ ಅನುಭವ ಮಲ್ತ್‌ದ್ ತೂಲೆ (ಕೀರ್ತನೆ 34:8)

ಯೇಸು ಕ್ರಿಸ್ತೆ ಕೋಡೆಲಾ, ಇನಿಲಾ ಏನಿತೇನಿಗ್‌ಲಾ ಒಂಜೇ ಲೆಕ್ಕನೇ ಉಲ್ಲೆ. (ಹೆಬ್ರಿಯೆರೆಗ್ 13:8)

ಯೇಸು ಮಾರ್ಗಲಾ, ಸತ್ಯಲಾ ಜೀವಲಾ ಆದುಲ್ಲೆ. ಅಮ್ಮ ಕೈತಲ್ ಪೋಯೆರೆ ಯಾನೇ ಮಾರ್ಗ, ಬೇತೆ ವಾ ಮಾರ್ಗಲಾ ಇಜ್ಜಿ.(ಯೋಹಾನೆ 14:6)

ಯೇಸು ತತ್ತ್‌ ಪೋಯಿನೆನ್ ನಾಡಿಯೆರೆಲಾ ರಕ್ಷಣೆ ಮಲ್ಪೆರೆಲಾ ಬತ್ತೆ.“(ಲೂಕೆ 19:10)

ಆಂಡ ಏರೇರ್ ಯೇಸುನು ನಂಬುದು, ಅಂಗಿಕಾರ ಮಲ್ತೊಂಡೆರಾ, ಯೇಸು ಪುದರ್‌ಡ್ ನಂಬಿಕೆ ದೀಯೆರಾ ಅಕ್ಲೆಗ್ ದೇವೆರೆ ಬಾಲೆಲು  ಆವೆರೆ ಅಧಿಕಾರ ಕೊರಿಯೆ.(ಯೋಹಾನೆ 1:12)

ಬೊಕ್ಕ ಆಯೆ ಕೃಪೆಡ್ದ್‌ ದಿಂಜಿನೆಡ್ದವರ ನಂಕ್ ಮಾತೆರೆಗ್‌ಲಾ ಆಶಿರ್ವಾದದ ಮಿತ್ತ್ ಆಶಿರ್ವಾದ ತಿಕ್ಕ್ಂಡ್. (ಯೋಹಾನೆ 1:16)

ನಮ ಪಾಪೊಲೆಗಾದ್ ಆಯಗ್ ಗಾಯ ಆಂಡ್, ನಮ ಅಪರಾದೊಲೆಗಾದ್ ಆಯೆ ಗುದ್ದು ತಿಂದೆ; ನಂಕ್ ಸಮಮಾಧಾನ ಆವೆರೆಗಾದ್ ಆಯ ಮಿತ್ತ್ ಶಿಕ್ಷೆ ಬೂರುಂಡು; ಆಯ ಪೆಟ್ಟ್‌ಲೆಡ್ದ್ ನಂಕ್ ಗುಣ ಆಂಡ್ (ಯೆಶಾಯ 53:5)

ಯಾನೇ ಎಡ್ಡೆ ಕುರುಬೆ ಆದುಲ್ಲೆ. ಎಡ್ಡೆ ಕುರುಬೆ ತನ್ನ ಕುರಿಕ್ಲೆಗ್‌ ಜೀವ ಕೊರ್ಪೆ.(ಯೋಹಾನೆ 10:11)

ಪಾಪೊಡ್ದು ನಿಕಲೆ ಮನಸ್ಸ್‌ನ್ ತಿರ್ಗಾಲೆ, ಪರಲೋಕ ರಾಜ್ಯ ಕೈತಲ್ ಉಂಡು.”(ಮತ್ತಾಯ 4:17)

ಕರ್ತವೆ ಆಯಿ ಯೇಸುನು ನಂಬುಲ; ಅಪಗ ಈಲಾ ನಿನ ಇಲ್ಲದಾಕುಲುಲಾ ರಕ್ಷಣೆ ಪಡೆಯೊನುವೆರ್. (ಅ.ಕೃ. 16:31)

ಯೇಸು ಕೈತಲ್ ಬರ್ಪಿನಾಯನ್ ಯೇಸು  ಪಿದಯಿ ನೂಕಾಯೆ (ಯೋಹಾನೆ 6:37)

ಆಯೆ ಯೇಸು ಮಿತ್ತ್ ಮನಸ್ಸ್ ದೀತೆ; ಐಕಾದ್ ಯೇಸು ಆಯನ್ ತಪ್ಪಾವೆ. ಆಯೆ ಯೇಸುನ ಪುದರ್ನ್ ನಂಬಿನೆಡ್ದ್ ಯೇಸು ಆಯನ್ ಕಾಪುವೆ. (ಕೀರ್ತನೆ 91:14)

ಯೇಸು ಪೋದು ನಿಕ್ಲೆಗ್ ಜಾಗ್ ತಯಾರ್ ಮಲ್ಪುವೆ; ಯೇಸು ಕುಡ ಬತ್ತ್‌ದ್ ನಿಕ್ಲೆನ್ ಯೇಸುನಡೆಗ್ ಸೇರಾವೊನುವೆ; ಅಪಗ ಯೇಸು ಉಪ್ಪುನವುಲು ನಿಕುಲುಲಾ ಉಪ್ಪುವರ್ (ಯೋಹಾನೆ 14:3)

ಪಾಪದ ಸಂಬಳ ಮರಣ; ಆಂಡ ದೇವೆರ್‌ನ ಧರ್ಮಾಥ ವರ ನಮ ಕರ್ತವೆ ಆಯಿ ಕ್ರಿಸ್ತ ಯೇಸುಡುಪ್ಪು ನಿತ್ಯಜೀವ. (ರೋಮಾ 6:23)

ನಮ ಬಲದಾಂತಿನಕುಲಾದುಪ್ಪುನಗನೇ ಯೇಸು ಕ್ರಿಸ್ತೆ ತಕ್ಕ ಸಮಯೊಡು ಭಕ್ತಿದಾಂತಿನಕುಲೆಗಾದ್ ಪ್ರಾಣ ಕೊರಿಯೆ.(ರೋಮಾ 5:6)

ಕರ್ತವೆ ಆಯಿ ಯೇಸು ಕ್ರಿಸ್ತೆ 2000 ವರ್ಷ ಪಿರವುಡು ಈ ಲೋಕೊಗು ಬತ್ತೆ. ಆಯೆ ಮಾತೆರೆಗ್‌ಲಾ ಎಡ್ಡೆ ಮಲ್ತೊಂದು ಪೋಯೆ. ಮಾತ ತರತ ಸೀಕ್‌ಲೆನ್ ಗುಣ ಮಲ್ತೆ. ದೇವೆರೆ ರಾಜ್ಯದ ವಿಷಯದ ಸುವಾರ್ತೆನ್ ಸಾರಿಯೆ. ಆಯೆ ಸೈತಿನಕುಲುಲೆಡ್ದ್ ಲಕ್ಕ್‌ದ್ ಬತ್ತೆ, ಇತ್ತೆಲಾ ಜೀವೊಡು ಉಲ್ಲೆ. ಆಯ ಕೋಡೆಲಾ, ಇನಿಲಾ, ಏಪಲಾ ಒಂಜೇ ಲೆಕ್ಕನೇ ಉಲ್ಲೆ. ತನ ಕೈತಲ್ ಬರ್ಪಿನಕ್ಲೆಗ್ ಇನಿಲಾ ಆಯೆ ಎಡ್ಡೆನೇ ಮಲ್ಪುವೆ.

ಪ್ರಾರ್ಥನೆ: “ಯೇಸೋ, ಯಾನ್ ನಿನನ್ ಪ್ರೀತಿ ಮಲ್ಪುವೆ. ಎನ ಪಾಪೊಲೆನ್ ಮಾಪು ಮಲ್ಪುಲ; ಎನ ರೋಗೊಲೆನ್ ಗುಣ ಮಲ್ತ್‌ದ್ ಸಂತೋಷ, ಮಲ್ಪುಲ. ಎಂಕ್ ಸಮಾಧಾನ ವಿಶ್ರಾಂತಿನ್ ಕೊರ್ಲ. ಎನನ್ ಆಶಿರ್ವಾದ ಮಲ್ತ್‌ದ್ ನಿತ್ಯಜೀವೊನು ಕೊರ್ಲ. ಆಮೆನ್.”

ಹೆಚ್ಚಿನ ಮಾಹಿತಿ ಬೋಡುಡ: contact@sweethourofprayer.net

You can find equivalent English tract @

Jesus Loves, Jesus Helps