The one who gave his life for you_Thado

Pathien in mihiem ama lim le mel in ana siem in. Hiche mihiem chu Pathien toh ana kilawikhom in, chamna le kipa na ama chung ah ana nei in, chule damthei na hinkho hoitah jong anei in ahi. Amavang chonsiet na a ahung lhah phat in, Pathien toh akilawikhoum na chu ahung tent tan, chamna le kipa na jong anei tapon, genthei nale hah sah nain ahinkho aboum khum in, natna le lunghem na toh lhon in atahsa le alhagao hinkho kichol theilou in hinkho amang tan ahi. Hiche chonsiet na a lhasa mihiem huh doh a, masang a ama a anaum chamna le kipana hocheng thah piek kit thei nading in, eisiem pau Pathien amatah hiche leisiet ahin kum 2000 masang chun tahsa le thisan pu in mihiem in ahung pieng in, amin chu Jesu Christa ahi. Ama chu chonsiet bei in ahung pieng in. hiche chonsietna leisiet ahin nolna bei hiel hinkho ahin mang in, mite adia thilpha bol peh din khopi neo le lien ah ana vah le in ahi. Mitchote kho amusah in, nangong kho ajah sah in, paothei loute apao sah in, tiphah adam sah in, thilha anodoh in, chule mivaicha, genthei te heng ah kipa na thupha anal hang sam le in ahi.

Thisan suo lou a chonsiet ngaidam na aum poi. Danthu achun hitin akisun e, lhagao lhat do nading achun thisan agai je, hichun Jesu Christa amatah, athisan a mihiem te lhat doh a cross chung a thidin ahung kipedoh in ahi. Rome sepia ten melse tah in ana kichiep na uvin, anah tieng in asut peh uvin; chule ling lukhuh chu ana khuh peh uvin. Chuin cross chung ah thihkil thum in ana khai uvin ahi.

Pakai Jesu, chonsiet epi ham jong heloupa, chon jong chonselou pa chule ama a chonsiet na bei hiel pa chu, eiho chonsiet na jal in aman cross chung ah genthei athoh in ahi. Eiho thiem echan thei nading uvin  aman thisan long in hesoh genthei ana thoh e. hichun ama a um chamna chu eiho eimu sah ta uve. Chonsiet man chu thina ahi. Jesu Christa ama tah in hiche gotna mihiem ten athoh dingpa chu aman athoh in cross chung ah ahinkho an ape tai.

“Ajeh chu Pathien in eingailut nau photchenna eimusah-un ahi; ajeh iham etile eiho chonset’a eum laitah un Christa eiho khel in athitan ahi” (Rome 5:8). Pakai Jesu cross chung’a athi keu hilou in, aman ana sei masat bang in, aman thina le damun gaal jou in, nithum lhin nin lhan akon athou doh tai. Lhan a kon a thou doh pa chu vaan ah akal tou in, tuni geijin eiho lah a aching jing e.

Sopite ho! Pakai Jesu thoh genthei naho chieng lunglut tah a nagel tiengle, Jesu nang naki mupi intin, nalungsung song bang a tah chu achamlou in nemlha tan te. Chule mitlhi long pum a Pakai kom a nachonsiet nale nabol khiel naho ngaidam na nathum teng le, aman nangaidam intin chutieng chamna, kipana chule olna napeh ding ahi. “Jesu Christa thisan, Pathien chapa thisan chun echonsiet naho jouseu va kon a eisop thieng diu ahi… eihon echonsiet nau ephon doh tieng uleh; Aman kitah tah le tahsan umtah a echonsiet nahuo ei ngaidam diu ahi” (I John 1:7-9).

Jesu Christa chu eiho chonsiet nading she bou a cross chung a thi hilou in, edam mo nao jong dam sah ding nading a thi ahi. “Jesu Christa ama tah in ehatlou nau le enat nau jouse apo mang tai” (Matthew 8:17). “Ama thoh genthei nachun eiho eidamsah tau ve” (Isa. 53:5).

Mihiem chonsiet najeh in, sapsiet na ahung um in chule hiche sapsiet najeh chun nat nale dammo na mihiem chung ah ahung chun ahi. Pakai Jesun hiche natna le dammo nachu cross chung ah aki kheh beh peh tai. Eihon ama kijep na maha vang a dam a sohcha a kahi etui leh, a ematih a natna hephalou a dam jing ding ehiu ve.

Sopite ho! Jesu Christa kei jeh in athi in chu jou in athoudou in, nitin in keia din ahing jing e ti natahsan le, ama thisan a kon a chonsiet ngaidam nale damthieng na nanei ding ahi. Jesu Christa nangma lungsiet tah in thiena hinkho mang a vanggam lut ding in nakou jing e.

Jesu Christa thina a kon a phat theina bullhingsiet nachan nom le hiche taona hi mang in:

“Pakai Jesu! Cross chungah nahinkho kei adin nape e ti katahsan in, chule calvary a nathisan kei adin along e ti jong katah san e. hijeh chun lungset tah nathisan chun neisil thieng inlang nei sopthieng in. keiman nangma hi kapakai le kalengpan kakisan in, chule nacha deitah din hingjing tang e.”

For more information please contact: contact@sweethourofprayer.net
You can find equivalent English tract @

The one who gave his life for you