Healing is yours_Thado

Housatna, chihna, minthanna chule adang tamtah mihiem ten anei vang uvin, koiman, kipana, chamna le lungmonna chuleh damtheina alhangpin aneijoupoi. Mihem ten abolthei chan in chamna le lungmonna munading in sum le pai, chuleh leiset nupsah na ajat choum chom in ahol un amavang amujou deh po uve. Hiche cheng hin lhagao’a kichol theilouna, dammona chule thinna alhun sah ahi akihet thiem ji pouve.

Pathien’in mihiem te asiem chun, ama limp u seh a asiem hilou in, ama mel pua jong ana siem a, chuleh kipana, chamna le lungmona, damthiena chule tonsot hinna toh anasiem tha ahi. Amavang hiche mihiem ten Pathien thupeh apal keh uva, chonsietna’a alhah niu va pat chun hiche phat thei nacheng ho chu alha so uvin, thinna, lunghemna, boldam theilou natna ho soh in atahsa chung uvah ahung lhung tan ahi.

Lou le ai, damdoi jat chom chom, lhagao boh nodoh nachan aum vangin damthieng na tahbeh mihiem ten anei thei tapoi. Loi le ai tamtah aum vangin natna jong ajat choum chom ahung um doh kit in lou le ai thiem doctor ho ding in lhohsat nale lungboina tam tah ahung umdoh tan ahi. Hitabang dingmun ahin lungkhamna le lunboina mihiem ten anei in, hiche 21st century doctor (lou le ai thiem ho) hin kanat nale kadammo naho hi adm sah jou nadiuvem tin mitam tah lungboi na chu ahi.

Loilegoul teho, hiche ho sudam theia a damthiengna dih tah napethei mikhat aume. Ama kom chu tahsan na neitah in hinjon lechun amn dam thei na tahbeh napeh ding ahi. Amachu doctor ho lah’a doctor chung nung pen ahi. Chuleh amin Jesu ahi. Jesun hitin asei’e, “Keima nanat na ho jousea kon damsah Pathen chu kahi” (Exd. 15:26). “… ama kijepna maha chun eiho eidam sah tauve”; “amatah in ehatmonao alan, inat na jouseu apo mangtai”; (Isa. 53:5; Matt. 8:17). Aman eiho eikou un, hitin asei’e, “tonggim te le pohgih te kakom’ah hung un keiman nangho cholsah unge ati” (Matt. 11:28). Jesun chonsietna, dammona, gaosapna chule thinna gaal ajouin tonsot in ahing jing’e. chule koi hile ama tahsan jouse hiche gaal jona chu pe inge ati!

Lungkisih pum’a Pakai kom’a nachonsiet naphondoh a, ama nahuh hing pua nakisan le, aman nangma nangaidam kiuseh hilou’a, nalhagao chouldu na jong pea, nanatna lamang’a tahsa damthieng na napeh ding ahi. “Nachonsetnau ngaidam’a nanat naho jouseu damsah pa,” “Thinna kokhuh akon nahinkho huh doh pa” (Psa. 103:3,4). “Aman thu apen chule adam sah tai; thinna kon ahuh doh tauve” (Psa. 107:20). Pathien thun hitin asei’e, “aman eiho chonset jouse atahsa chunga apon thingleh geijin apodoh tan ahi; ama kijep na mahaa chu nangho kiboldama nahitauve” (I Peter 2: 24).

Jesun damlouho khoto nale lungset na anei’in. aman elbai mi som asudam in. kumsot tah athisan a long nu jong adam sah e. koi hile adammo napuma Jesu kom hinbel jouses, dam thiengna anei soh kei uve. Mitcho kho amusah in, nangong kho ajah sah in, paothei louho apao sah in, chatmo ho lam ajot sah in ahi. Athi jong athoudoh e. Jesu hi aema tih’a kikhiel lou ahi. Tunin chanin ami suh dam na thei thahat na aum jinge.

Loi le ai thiem hon Natasha bou ajan dam thei u ahi. Amavang hiche manbeia kipa van a Pathien midam sah nathei thahat nahin, natahsa kie hilou in, na lungthim, na lhagao chule adang nangaichat chen adam sah thei ahi.

Tunia dam thiengna nanei nom le hungin pakai komah. Epi natna hijong leh, lou le ai thiem hon adam sah jou lou natna hijong le, pPakai komah seplhan lang nahinkho pumpi ama komah pelut in chuteng aman nadamsah ding ahi. Pathien misuh dam thieng theina thahat tahsan pum in hiche taona hi mangin:

“Pakai Jesu, Nangma calvary cross chung’a kachonsiet jeh boua thi hilou in, kadam mo na jong dam sah nading’a thi nahi katahsan e. name lungsiet nachun kachonset na ngaidam in lang, neidamsah tan. Tonsot a damthieng thei na chu nei petan. Keima nacha deitah thienna hinkho mang din kahung kipe doh tai. Amen.”

For more information please contact: contact@sweethourofprayer.net
You can find equivalent English tract @

Healing is yours!