Live to die_Phom

Kahdoknyu kü science homei lemphu li küshi shah lei dai nyüke, vangshang hatü lenyü kahdok thahshi aong aoknyüke. Shejao dipü hapa yü üpai ao yap-ei nü aok nyü. Hanei am doctor, scientists hatü philosopher thü i hapa di pü meheang nüvaiju diphei kü mehe vaihen ang shei longi yemnyuke. Kahdok nyü kü nyingpümanpü(scientist) thü jen hango nyülei yembüm mükei meishi nyühen nüvaiju mükei meishi tuh hen hajong longi yem oak nyüke. Shejao jomphongi hapa di pü kaü tük nung nüaok nyü. Shennyak mani mon hapa dipü jongü nying aok nyü ke halang mao shao jomphongi dipü jong epeyü düngpü, aok ha ma shapü, nyempü, mong tük mong shang, mong dang din hatü vakpü phakpü pei pai shennyak kü di pü koei pei nyu kheh shei nying oak pü nyüke. shennyak hük nyüei vom mong ei pü laopü hepak kü ung dihen hean han tüktü nyünyuke hapa dipü hen kü üiyao lümnyeih, nüvai jü nülüm nyih shei enüng nüaok. Laihing i hapakei enyüke, Mehenang kü peüi mang thahteke hatu kahvang müknyin shekhang nengoi nyü ( Rom:3: 23) mehenang kü mangei lat ü dipü. Shejao ang kübü kahvang thintho ü khrista jisu jenei shembupa kü yangnyu nyüke.(Rom 6:23) shennyak peü dihen hatu peüi shah phen pü nyih pong hen. ( Hebrebw 9:27) shennyak hük mekei chem mon dihen temtük, hatü hapheikü shahphenpü nyüpa üpa yangnyü kahvang mü nünyü pu dihen shang ünyu/ ünyupa i doh pü nüshu pü yangnyü yem, mongong hatü ngioshem mei nüdang hen hajao ünyü/ üpa shang mang kü tokvia hanghi i maei nyuhen.

Jisu khrista i mon hapa dipü yü kaütük oak hen hatü bupai hanggo nyü kü mechem ao nümah nümenpü yangnyu yem shouh oak nyüke (II Timoti 1:10) shejao shaang hapayü jenyemleipu khrista jisu yiupu homei dipü mahtük. Hatü shangjang meipü homei yangnyu hatü numahnümenpü douei vangngai koei peipai shakei vamtüke. Bupa kahdok nyu lei pei pü homei den ao B.C hatu A.D shei pong hantü ke, bupa jennei mang shing di hatü kahvang ngan homei bupa yangeilei hatu hapa homei yangnyu nyuhen hatu di pü pong han hatu vangshoching hatu molo aw nyi pong han. Büpa dipü küphü yangei leipu büpalei nanglak thü i etüke hatu kahdok nyü kü nyü bü shennyak thui shennyih thah shi büpa yangei lei ei yemmu nyüpeih shei hing lemnyuke.

Shakei Vampu 1:18 hatu yemmü nyüpü hük, ngei diyei nyüteke hatu veitük ngei den dok kü den yemmü nyüpeih hatu ngelei lakei dipü hatü yimching sabi nyüpeih.

Jisu khrista bupa nyingku manpu lei tü shophang kü detüke hatu büpa dipü shak kü aok pü dangei yangei leitüke hapa homei büpai kahshih hatu Shepe thu vaupong hütüke ( Hebrew2:9,14,15)

Jisu khrista kahdoknyu lei nyü hepak kü bupai shennyak thü kü yangnyü yem danghen jong hatu bupai mechem ao nümah numen hen doü thü dük ei nyüteke. Büpai dükpüthü, di pü thü ao yangei lei hü, mükphing püthü kao mük ap shouh, thongi nüdan püthü kao thong ap shouh, hatü lakkho lano püthü ao meihü. Jisui shennyak thü kü amphong üamphongi shaüh pü nanya kahvang kümon hinglem tüh shei nyühei nyüteke. Büpai jen shing vaishi büpalei yangnyu shophang kü shangphong pühomei jennei mang peü kolang hatü bupa dipuküpü yangei leipü kü jen hinglem nyeih hatü büpa yu jen shing vaishi lemnyü Shong, shah hing hatu yangnyu .

  • Lemnyushong lappu: Jisu khrista yü jennei yangnyü yem lemshong. Bupai jennei yangnyu ba kahvang doüei müei dei nyeih, jen di pükü nünyem hen mehenangku jen ba kahvang mü nyühen yangnyu yem danglang phei.
  • Hing shang pü lappü: Jisu khrista yü shahhing didai pü laangha yangaok pü, bupai jen mang küpu yang lang yeih.
  • Yangnyu: Jisu khrista yü dohpü nüshü pü yangnyu yem, bupalei yangnyu mechem ao nü di oak pü mupa ao pungpü nüshüpü, hatu daulang shem shepu.

Nungei yangnyu kü dipü Lem lao lao i koei peiküning oak, vongshühi düngpai hatu yü-i dihen oak hahepak kü nungei laangha müchemao nüdohpü shangmang pong mang kü ngei jisu khrista yemtüh. Bupai ngei yü dipü küphu yangei leipuba hatu amphong ngei kü hinglemtüh shei e mehe nang kü amphong dijao yem münyühen shei e( Johan.11:25).

Amphong peikei hatü pangtuh.shahhingi jen mang kübü hatü dihen kübü yanglang nyeih. Jisu khrista üpa dipü kübüyangei lei bupai jen kü nyük nyüke.

Phoppü : Bambu Jisu, ngulei yangnyu – aa  hük mon – aa – i , hatü hapa lomi peih tai hen shei ngei teih ei dang tih. Ngei mang shennyak hih shei ngei teih ei dang tih. Ngulei mop hatükephuthu  kamei i ngei nuyang aok pih. Ngei nüng tao ei mong kamba-i peinyeih .Ngu lei mang baülah nyeih, chingmeilemnungei mang tuk she hatu baü tuk she. Nung ponghen shing ngei ku thumshih. Amen.

Nyeinya shahchang shing: Contact@sweethourofprayer.net

You can find equivalent English tract @

Live to die no live forever