God loves you_Dimasa

 

Ning khe sere khsaodaothao ning tharmaidu? Ning khe khasaodaothaoyabade jinni Gabara Madai, jinni Sgoyahse (Phunuyaba 1:8, Jenjenyaba 1:26, 27; 2:7). Ebo thaoglao ni Madai, ning khe hamsining khasaobani khlaihi, nini phap buthu khe maph khlaimani khlaihi, Bo jarni Basa Jisu Khrista khe, Khross ha thimane haihaba. (Luke 23:34)

Madai, ning khe sumu jabani olaijasi khasaoba, ning tharmaidu? Sumujabani khasaoba thikhade Bode khasaoyaba Madaise, jarni saogarilai ning khe sangsaiyabase. Nini besede musikhalibo thidaoya ar Madaini khlaihide habsaoni khrip jadithanebo beside muilo bangdaothaoyabase (Mathew 16:26).

Madai ning khe khasaodu, thikhabo phap khusi khede Bo naisledu, ar bisar khlaidu. Phap khuside Madai khe kha dukhu nangridu ode Madai jang degaolairidu. Bisar ni basain hade phapirao khe Jisu elai thima, “Ani niphrang gjain thangla, diabol ar boni deglaraoni  khlaihi salaihi dengyaba thaoglaoni waikhor ha thangmane nisine sahrithai ridu”. .”……thikhabo gibi raode thaoglaoni hayu ha habma”. (Mathew 25:41,46)

Bedehethikhade, sangsaijaojenyaba subung, Adam Madai ni grao khe phaibani khlaihi habsaoha phap, sahrithai, limmah-sahma ode thimah phaiba, jing khripbo phap ha glaiba odehe thaoglaoni waikhor Norok ha thangmane jing bisar khlaijaoba. Thikhabo Madai, marsi marsa khe khasaoba, bedethikhade Boning sangsaiba, ode Adam phap khusi dangbani ar Madaini grao khe phaibani khlaihi hayuh gmayaba khe Krista ni thithai jang gohlam riba ode khrip jadi hamthai maiphintharba (5:1-21, Ephesian 1:3-14).

Ning bisar khlaijaoyamane, Jisu Khrista nini khlaihi thiba, ode ning Jisu niha lonmah dengkhade thaoglao ni khlaihi, Madai jang baosi, ning sorgo rajiha dongmainang. “Bedethikhade phap ni sainrujide thimahse, thikhabo Madaini yaosandide thaoglao ni khlaihi jinni Gabara Jisu Krista  jang dongsmainese”. (Romans 6:23)

Madai ning khe bisilai khasaodu ning nuladu. Ning khe sgomane Bode, Boni deglarao khe haihaya, thikhabo ning khe khasaobani khlaihi Bo jarni Basa masi mamangyaba khese habsao ha haihaba. Jisu thiba, “Bedethikhade Madai habsao khe hamsining khasaoba odehe bo jarni Basa masimamangyaba khe riba, asaba sere bo khe lonre thiyahi thaoglaoni hahyu mainang” (John 3:16). Asaba thikhabo, Madaide gtharse. Ning jekhali khaphinhi Jisu Khrista khe ning jarni phap khe sgomane kha jang mu jang ajaonang okhalise ning khe Madai ajaoma (John 3:3; Romans 3:24-26). Jisu Thiba, “Kha phinla ode Graojma khe lonla” (Mark 1:15).

Odebani khlaihi, kha phinla ode Jisu Khristasening nini phap ni khlaihi thiba thihi lonla odehe Jisu Khrista khe jarni sgoyah ode Gabara thihi ajaola. Jisu Krista ni Thi jang Madai nini phap dongbasi khe susatharnang odehe niniha musi mainthi thaonang niya. Ning Madai ni grao khe khnahi Madai ni graoha dongre thikhade Bese Gthar nini dongthai jithai slairinang ode ninthane gdain kha-muh rinang. Bo ning khe gthar khlainang, ode boni khasaoma, khajama, santhi, grikhthai ode raothai jang ning khe gablairinang ode boni rajiha dongmane slingrinang.

Lugurao, duhaning khaphinhi Madai niha phaila odehe ning khe khasaoyaba Gabara Madaini grao khe manila. Ningbo hajaigasi ni khlaihi sening hajaiba, ning dorga habo thilapure ar bo basain khe ning mithiphuya. Thikhabo Madaila khasaoyabase, thaoglaoni khlaihi salaimane Madai ninthane hajora ridu. Madaini khasaoma niyahide, ning waikhor ha dangsengjaomase, “oraha nini besai thibo thidaonang niya ar waibo thidaoya”Mark 9:47,48). Thibani yahon hade maph giri, thikhabo Madai jang  bisarde khlaijaoma (Hebrew 9:27). Jisu Khristade thihi baijapinyabase ode hahyuse. Ning thibani yahonhabo ning khe baijariphin nang ode ning khusi dangbani mothaphi ning khe bisar khlainang (John11:25; John 5:24-29). Baolaphinla ode duhaning yaphri surla. Thiba ni basain hade, Madai jang gronlaima nangma, boni bisar ar thaoglao ni khlaihi.

Jar khe ning phapi thihi baola. Ninthane sgoyah nangdu ar Gabara Jisu Khrista, Madai ni thampsima ar bisar basain ar phap niphrang sgophuginyaba  Ninthanebo sgoyah, Jisu Khrista nangdu. Nini phap khe maph khlaimane, Madai niha duhaning ebo bihthai khe nini khaha bihla.

BIHTHAI

“O Madai, ang khe maph khlai, angde phapise, angde thiginyabasemu thikhabo ani baslaiha Jisu thilakha. Ang ani phap buthu ni khlaihi maph sainladu ode niniha phaidu. Jisu Khristade Nini basase thihi ang londu, dukhu rijaoba ode Khross ha thiba ode phipba ode ani khlaihi baijaphinba. Khasaohi ang khe Jisu Khrista ni  thi jang gthar khlai ode nini sah-sikh salam. Ang Jisu khe ani sgoyah ode ani Gabara thihi ani khaha lamjaodu. Dini niphrang nini khlaihi dongmane juru. O ani Abai, ani besai khe sgobani Jisu ni bumu jang hamjaoma ridu! Amen”.

Gthang Madai ni sah-sihkh jaba maiba bislai hamdu! Ang khe sgobani Jisu ne hamjaoma ridu.

Ar mithidaosingmani khlaihi eraha rikhi: contact@sweethourofprayer.net

You can find equivalent English tract @

God Loves You