The one who gave his life for you_Konyak

Kahwange yoikih e kahta linge ngai. Kahta Kahwang phei shupjempu ngoh, I me chingmei huyange mongmei ngoh, huyange I pumhei tangta o meiye ngohyangki. Hupoi, aope Iye ünu om, Kahwang phei shup- jempu I mepumah, I mong mepu chingmei hüyange mongmei o mah. Üyin püm hei yaha me toloimei pu yetüo ok. Hatüo kih ngoh pu kahta nyuha yine tamlak jingne hüyange hanghipa Kahwang mepu yanteiye ngohpu mepu üyin tüo oklak  jingne, temanne yao we tampa Kahwang hatüo kahtoknyu te iy hei mei ne meang e Jesus Khrista me lentepu wangpeang 2000 shao me puhyangki. I me ünu yenangpe puhyangki. Hatüo ünu we maapu kahtoknyu me ünu yenang pu üyin ngoh ngohyangpheime I chingshao lan hei bangchinglan me nyoipu kahtalante toimei linglak jingne neikone kem. Iye mük pom pa ngine tam, na panpa jaine tam, ngao ükpa ngao ngaine tam, ngunpalan mei tam, laaom dakpu lan mei tam hüyange toiha lante pungao ümei nyüowe tam.

Kahwang pa iy yeshai kamaa teman ünu wa ye winok hahshepu.Ngaokhum me I pu a temanYoungwanpa Jesuwe kahta nyuhalan jingne I iy shai tamlak jingne hüyange I tangpem me lipu kaiye ngao phün. Roman keang phetlane Ite shao shipha; hüyange huh phei pu shaoshaoh I shang me shaohne tam; sheang shaoh yah hüyange I teshet.Taophei me I tangpem me tak netam. Youngwanpa Jesu, aowe ünu yeshing pupa nemeng, aowe aope-o ünu toiyeling, hüyange aohipa me ünu yenang pupa, hüpoi teman ünu jingne I maayah.Temane ünulingpu jingne Ite shet. Hüpoi, Iye  shaoshi yateang, shangpu nünne okpu kaiye teman  meitam. Hangjingne ünu küwa lipu ngohnang.Youngwnpa Jesu we kahta nyuha we ünu lingpu mepu yinlak jingne Iye ümeng khongkum pu kiyange tangpem me liyangki.

“Hüyangpoi teman üne-o ünu palan ne ngohwante, teman jingne Khrista lipuwe, hatüo we teman Kahwange I yoi kenpu jeang teman te saki phanang” (Rom 5:8).Youngwanpa Jesu tangpem me lipusha-ha ne yeji, hüyangpoi Iye shaotan te muh ngao e angpukih, Iye lipu hüyange shangpu tangme okpu ngi hüyange lüm shepupa nyih yange yiyangki. Shaa wangdang me teman jingne nyoi jing ümei tum yange tane ngoh nang.

Künpu shimnyu shimpa lan Aope nange teman jingne Jesu shangpu teih tüolakeih long kih ngoh pu nang mongjang julak. hüyange mükphi phei nange nang ünu jingne youngwan pate ümeng winlak jingne yu ma-a, Iye nang ümeng wintam phalak. Hüyange chingmei, mongmei hüyange toloimei pha tamlak.“I Ha Jesu Khrista iy kaiye ünu üshei jaowe tampha lak. Temane teman  ünu janma-a, temante teman ünu win tam phalak; I me monghumlak hüyange ütingpa ngohnang” (I John 1:7-9).

Jesu Khrista  tangpem me lipu a teman ünu shaha jingne lipu ne yeji, hüyangpoi teman daktin. I ye yah I ye ki (Matt 8:17). “Ite yemeipe maapha yangpu jingne teman üko meitam” (Isa 53:5).

Phoi wümpu ngohpu jingne kahta tangme daktin pu pei yangki hüpoi Youngwanpa Jesuwe teman daktin pu üshei tangpem me Iye kiyangki. Hüma-a Ite yemeipe maapha yangpu jingne teman üko meimah she üting lakpu ne meng ma-a, teman daktin pu mepu yintam pu wangngoi-e tüo yange ngoh oklak.

Kunpu shemnyu shempalan NangeYoungwanpa Jesu aowe nang jingne I üyin pha pupa, yange yiteki hüyange I nang jingne üyin me ngohnang she üting lakküma-a, I shongme nange nang ünu hüyange daktin pu mepu yintampu tüolak. JesuKhrista we nangte jao shih pu üyin woiye wangdang yüook lakjingne kenteihpu phei nangte nyiknang.

Hüma-a Youngwanpa Jesu lipu kaiye nange nahlang pu moiman tüopu kun ngoi

Hütao yoppu pheite woiye yoptouh:

“Youngwanpa Jesus, ü ünu jingne,nang  üyin calvary tangpem me phatam she tao-we ütinglaknang. Ü ünu lan win yangpha. Nang iy kaiye tao jaotam yangpha, nanga ü yinyipa she tao we monge yahnang hüyange sha-a me peiye Kahwang tao a nang ha ne ngohlak Amen.”

Yelak pe shinghuma–a  contact@sweethourofprayer.net net me shenpong pu  oklak.

You can find equivalent English tract @

The one who gave his life for you