11 / 100

Is-your-name-register_Dimasa

Download PDF Tracts

NING BUMU REPHKHUJAOKHA? (IS YOUR NAME REGISTERED?)

Ning habsao ha hajaihi, nini buma-bupha nini hajaibani ar thibani certificate salamdu. Boni yahon ha nini bumu gibin gibin ha bumu rephkhudu. Graoni grao:

  • Ning School ha gbabaha.
  • Ning sakhuri maibaha
  • Ning hahyam-nohyam braibaha
  • Ning Gari braibaha
  • Ning Bank Account khulibaha
  • Ning Ration card salambaha
  • Ning Voter identity salambaha
  • Ning Electricity noha sisengbaha

Ebo habsao gmaginyaba ha dongbahaning ning gibin gibin ha bumu rephkhujaoma nangdu thikhala, Sorgohala rephkhujaoma nangya? Sorgo rajiha nini bumu khe rephkhujaomane ning duha nagjaoya, ning thibani yahon hade, ning oraha khajama ar santhi jang dongmainang? Gibijangning, nini bumu duhaning Sorgo rajiha rephkhujaoma nangdu.

Oraha bumu rephkhujaomane ning nadi khlaima nangdu? Ning oraha bumu rephkhujaoma nangdu, sorgo ni Madaini nohkhor ni subunglai jama nangma. Eboni khlaihi jing Gthar Baibel ha nainang: “bokhe ajaoyaraone, Bo bonsi khe Madaini sah-sikh jamane hokh riba odehe Boni bumu khe lonma nangma”(John 1:12). Ning gibi jang ning khajang Gabara Jisu khe lonhi jarni sgoyah ar Gabara thihi ajaore thikhade ning Boni sah-sikh japhunang. Ning nini phap ni khlaihi sasthi maiginyabaha Jisu jarkhe Calvary khross ha sasthi rilaba odehe nini khlaihi hang riba. Bo hang sening riba niya bo saintham jang baijaphinba odehe thaoglaoni khlaihi dinibo thahnghi dong. Ansa niphrang, ning phap khusi dangkhlaibuyaba khe ning masi masi sikhar khlaidu thikhade, nini phap khe Bo maph khlainang ode ning khe Bo jarni sah-sikh thihi ajaonang.  Nini kha khe khajama ode santhi jang gablairinang. Odehe bo jarni sah-sikh salamyarao khe Bo habsao ha dongbaha elai thiba, “Khajala, bedethikhade nini bumu khe Sorgo rajiha rephkhukha” (Luke 10:20). Phap niphrang maph khlaijaoyarao Sorgoha bonsini bumu khe Jisu rephkhukha thihi londu. Baibel ha elaibo thidukho, “Sere Madai ni sah-sikh jakha bonsi phap khusi dangyakha” (1john3:9), ebo phapini habsao ha phap khusi ar dangyahi, gthar jahi dongmane Gabara Jisu nangjaodu.olaisening niyakho, Gabara Jisu Khross ha thibade nini phap ni khlaihi sening thiba niya, nini limmah-samah ni khlahibo thibase. Odejang, hamya biyadi maikhabo Jisu ni khlaihi sao hamyaba dongthai lai dongphudu.

Elaise thikhala, Sorgo rajiha bumu rephkhujaoyayarao la bedehe jahi thaohima? Bumu rephkhujaoyayarao thibani yahon ha, bisar ni basain ha jagingiyaba buthu khe, elai rephdu, “Hayuh ni Laisimaha sereni bumu maiya bonsi khe waini kharnai ha lemsing,ma” (Phunuyaba 20:15).

Jisu Khrista ni thi ninthane hayuh ridu- phap buthu khe susakhlaidu. Boni Khross ninthane hamthai ridu- sahrithai gohridu. Boni bumai, nini bimar-hasar khe hamridu. Boni thithai, ninthane raothai ridu… thimah ni khinmah khe gmaridu. Jisu Krista ni hayuh niphrang ning thaoglao ni hayuh maiphudu. Nini bumu khe ebo phirthimaha rephthaohi dengphuya, thikhabo sorgoha hayuh ni laisima hase rephkhuma. Gibiyaba santhi ode khajathai habasao ha maiphuyayaba khe maimane dinihaning ning Gabara Jisu niha phaila odehe thibani yahon ha Sorgo ha thangmanebo ning hajora mainang. Gabara Jisu khe lonhi ebo bihthai khe bih:

“O Gabara Jisu, ang londu ning hayuh khe braisoba . nini thi jang ani khrip phap buthu khe susa, gthar khlai. Ang khe Nini sah-sikh lai ajaola odehe duhaning ning ani bumu khe Sorgo Rajiha rephkhu. Odehe ang habsao ha dongdusi nini sah-sikh jahi dongma. Amen.”

 

You can find equivalent English tract @

Is your name registered ?