You are someone special_Dimasa

Rmaolai khe phoribani gibin basain ha, kha nangsisi masi maiba. Eraha elai rephba, “Khriphbo saosi ni khlaihi gibin saosi jama nangdu, serebani khlaihi”. Ang phorislam phorislam phoriba, “KRIPBO SAOSI NI khlaihi GIBIN SAOSI jama nangdu, SEREBANI khlaihi jama nangdu”. Ebo graothaila hamsining gmangthaosisiyaba graothai jakhalao!

Ebo Computer ni jug ha subung ni baslaiha  Scietistrao slamyaba machine jatharkha, subung khe nangjaoma bangyadaokha. Miya-masainjikh bo musi niyakha- khusi habaha, machine basasayaba jinis dongbalaiseningkha, dimlang ha subungde di thepsilai jakha. Saosi gini jarni sao hamsisi dengdu bo grao gibi, damba-suba blaihi, mlaoba-miniba mlaihi, elaiyaba buthu jang subung ni muh nojor ha blaijaolaphure, thikhabo bangdaohi jing lamahyung ha gronyarao khe subung buthu mithiya.

USA ni North Western University Medical School ni Dr. Donald Forman ni mothaphi, chemical ni daraha subung ni dam 160 jadu. Waimu jang dongbaha saoha chemical 90 cents sening dongba. Mulug sgangphalangba khe naikhade subungde musibo niyakha. Ansa jathing khrao jathing asaba khusi habo bonsi baophrangphuya japhaikha, bonsini blaima khe somaj mithiya, bonsini grao khe khnaya odehe bonsi habsao ha musi hamthai nujaoya. Bonside musibo niyakha!

Baibel ha, melma gmayabani daogari khe Jisu sainthiba. Ebo daogari khe Gospel Luke ni gonthai 15 ha maidu. Melma raokhiyah ni khrip jang rjasi melma dongba. Thikhabo melma masi gmaba. Bo bisabri majisgu melma khe dangkhlaihi melma masi gmayaba khe smaima thangba. Melma khe smaibaha hamsining khinthaibo dongba, thikhabo bo gmayaba melma khe smaimaning nangjaoba. Yahonthaoha bo melma khe maiba, bo phagrong ha bainhi, noha labuba odehe noh hahrirao khe longthimhi bonsi khe thiba: “Ang jang baosi khajala, gmayaba melma khe ang maiphinkha”. Melma masi seningmu thikhabo masi khebo bo nangjaoba. Jisu yahon ha thibakho, “angde hamba raokhiyahse: hamba raokhiyahde melma ni khlaihi hahng rikha” (John 10:11).

Ningbo melma gmayabalai jalaphure, noh niphrang gjain ha thaolaphure. Thikhabo hamba raokhiyah ni khlaihide, Ningbo saosi nangyabase. Boni khlaihide ningde habsaoni khrip jadithanebo nangdaothaoyabase, boni hahyu thanebo nangjaodaokho. Baibel ha elai thidu, “jing phapi jahi dongba sainkhali haning, Krista jinni khlaihi thiba” (Romans 5:8). Gorasali Isaiah gede niphrang jahibo Bo thiba: gakher jisaiyaba nana khe buma blaophunang, boni hoha hajaiyaba nana khe khasaonang niya? Ahn, bonsi blaolaphure, thikhabo angde bonsi khe blaonang niya” (Isaia 49:15). Bode nini basaoha bisar khlaidu. Ning asaba jathaihabo duha donglathing.

Boni muh nojor hade hambi, ningde GIBIN HAMTHAISE

Phoriyarao, ebo lairephsa khe lemkhlamani sgang ha, ebo khe baola. Ningde mlai mithiyayaba musi niyayaba niya, bsao mithijaoyayaba niya. Ningde musi niya thihi ning baolaphure, saosibo ning khe khmao habya baolaphure. Thikhabo saosi ning khe khasaoyaba ode khmao habyaba dong odehe bojang baosi ning  Gabara Jisu jang dongsmaine nangjaodu. Ningde Boni khlaihi NANGYABA SAOSI se. Jisu ning khe khasaodu. Ning khe sgomane khlaihi Bo thiba. Bo ning khje maph khlaimane dongba, santhi, khajama, ar ning nangjaoyaba khe sorima nangjaodu. Krista ni khlaihi ning lugu ode sah sikh  japhudu.

Ning thilaphure, “Angde gjain thanglakha, aniha musi asama girikha, ang jarni baisi ni khlaihi leng jakha, ang khe saosibo jurugin giri” rja rjing subung buthu ansa khrao Jisu Krista gede niphrang asama gdain, gdain hahyu, khajama, sothani maikha. Krista niha bonsi hamba dongthai maikha. Jisu Krista niha ning graosmai dangkhade ning ebo buthu khe mainang. DINI NING DUHA NING, ebo buthu jatharnang.

BIHTHAI: “Gabara, angde phapise. Ang khe maph khlai. Ang jar khe jurulaphuya, odebani khlaihise ang niniha phaiba. Ning ang khe khasaodu thihi ang londu ar ning ani khlaihi thiba. Lailangyaba basain khe slaiphumane ang khe juru odehe ang habsaoha dongdusi ning jang rikhphaphumane juru. Ani sgoyah ode madai thihi ang ajaoladu. Ani hahyu khe ninthane yaophaladu. Jisu ni bumu jang, Amen.

Ar mithidaosingmani khlaihi eraha rikhi: contact@sweethourofprayer.net

You can find equivalent English tract @

You are somone special