God loves you_Thado

Nalungsetpen koi ahi nahet em? Thiljouse sien, hatchungnung Pathien ahi (Revelation 1:8; Genesis 1:26,27;2:7). Hiche tonsot Pathen hin nalungset dan chu achapa chang khatseh, Jesu Christa chu cross a thia, nachonsiet ho ngaidam ding’a ahinsol lhah ahi (Luke 23:34).

Pathien in epi jeh a nalungset ahi nahet em? Ajeh chu ama lungsiet pathien ahina bana, nang jong ama lim le mela nasiem ahi. Pathiena dia nahinkho, nalhagao hi leisiet pumpi sang’a manlujo ahi, chule thijong thithei lou ding ahi (Matthew 25:16, 26).

Pathien in nalungset’e, amang aman chonset ahot’in chule chonsete thu atan ding ahi. Chonsiet hin Pathien lung asu na in, Pathien toh naki kah a kikhen na asiem ahi. Thutan nile Pathien in chonsete jah’a hitia hi asei ding ahi, “Vo gaosap changho, kakom akon chemang un, diabol le atil le tedia kikoi meilhum sung’ah lut taovin”; “… amavang michonphate chu tonsot hinna’a cheng diu ahiuve” (Matthew 245: 41, 46).

Ajeh chu mimasapen Adam chun Pathien thu ana ngai lou jeh’a, leiset’a chonsetna, gaosapna, dammona hunglhung’a, chule mijouse jong chonsea tonsot gotmun chu chang diu ahitai. Amavang Pathien’in asiemsa mihiem te angailut jal in, Jesu Christa akon ahuh doh in, Adam seingailou akon ana kitol mang phatthei na chu ahin kile doh sah kit e (Roman 5:1-21; Ephesians 1: 3-14)

.nangma themmo nachanlou nadin, Jesu nang khel in ahung thi, Pathien chu natahsan le ama toh tonsot a nachenkhom lhon ding ahi. “ajeh chu chonsiet man thinna ahin, Pathien thilpeh vangchu, Jesu Christa a tonsot hina ahi” (Rome 6:23).

Pathien’in nalungsiet na namuthei na chu- amannangma huh doh din avantil lah khat ahinsol pon, amavang, achapa chang khatseh chu nangma lungset jal in ahin sol lhan ahi. “Pathien’in hibang ahi vannoi leiset angailut ahi. Hijeh chun achapa changkhatseh chu eihin petaove. Koihile ama tahsan chan chu magthah lou’a tonsot hinkiemlou anei ding ahi” (John 3:16). Amavang Pathien chu thutah le athieng ahi. Hijeh a chu nachonsietna nakisih’a, Jesu Christa a lhatdam nachu nakisan teng lebou Pathien in nang nasan bep ding ahi (John 3:3; Rome 3: 24-26). Jesun hitin asei’e, “nalung hei’un lang, kipana thupha chu kisan un” (Mark 1:15).

Hijeh chun, nalung hei’un lang, Jesu Christa kei jal a thi ahi ti nalung thim pumpintahsan un lang, ama chu nahuh hing pun kisan un. Chute le Pathien in thonlou’a Jesu Christa thisan a chu nasopthieng a, bohbang bang’a nababg sah ding ahi. Pathien thu chu najah a ama thu nangai teng, Lhagao thieng’in nahinkho akikhel sah a, hinkhothah napeh ding ahi. Aman, nangma nasuh thieng’a chule ngailutna, kipana le chamna napeh’a, chule thil hiethiem theinale thahatnan vangam napuilut ding ahi.

Loilegol teho, Hatchungnung Pathien, nangma nangailu jing pa thu ngai’un. Nalunghei in lang ama kom hinbel in tun. Hiche hinkho khat bou nanei hi, tule tu’a jong hetman lou kah a thithei ahi. Amavang Pathien amingailut nan nangma avan gam a din nadei’e. Pathien ngaidam na nachan lou leh, meilhum sung’a chu natonsot hinkho naman ding ahi, hilai mun achu, along jong thilou, amei jong mitlou ahi (Mark 9:47-48). Nathi nung teng ngaidamna um talou ding ahi, amavanh Pathien thutan namun nalhun ding ahitai (Heb 9:27). Jesu Christa chu thokitnale hinna ahi. Aman thinna akon nathodoh’a, nachon nabag tah’a nachung thu atan ding ahi (John 11:25; John 5: 24-19). Kingaiton lang nadin mun ding kisiem in tun, ajeh chu nathi teng Pathien tonsot thutanna mun’a nadin ding ahi. Hijeh chu tunin chonse nahi kihet chen inlang, huhhingpu ngaicha ah nahi tijong kihet inlang Jesu chu kisan lechun, aman Pathien gotna le thutan na’a kon nahoidoh sah ding ahi. Pathien kom’ah ngaidam thum pum’in nalungthim pumpin hiche taona hi ana mang’in.

Taona:

Lungsiet thiem Pathen, keima michonse, athiding’a kilom tah kahi. Tunin kachonsiet naho jouse’a kon kisih pum in nakom kahinbel’e. keiman, Jesu Christa nachapa changkhatseh ahi ti katah san in; cross chung’a keijeh a athi, athodoh, chuleh chonsiet ngaidam nachu katahsan’e. Jesu Christa thisan chun neisop thieng inlang, tunin, ncha’din neisiem tan. Jesu kalunsung’ah hung cheng inlang, kalengpa le kahuh hing pu hung hitan. Tunia pat nang’a dia hing din neisiem in lang neikithopin. Kakipah’e Pa kalhagao nahuh doh jeh in. Jesu min in katao’e. Amen.

For more information please contact: contact@sweethourofprayer.net
You can find equivalent English tract @

God Loves You