Peace be you unto_Thado

Chamna le Lungmon na- Eti ngeia awlna na thucheng hitam! Chamna le lungmona hi leisiet mihiem ten angaichat jing leh ahol jing u thilkhat chu ahi. Mi asang ajan ahol in, amavang amaho akon in gamlhatah ahi. Chamna le lungmona kiti hi mihousa sum a achoh jou lou, michingten ahol doh jou lou u, chuleh mimingthang ten anei jou lou u chu ahi. Nang in jong nana hol jing amavang mujou lou. Hiche chamna le lungmona nanei lou jeh nalung han na michung nasun lhah, ahilou leh nang ma le nang ma kithanom na lungthim em? Chamna le lungmon nahi khamna thei ah kimu inte nati Meithei ahi; amavang, nakham jou teng hiche chamna le lungmon nachu hui a lengmang ding ahi tai. Mithemkhat in mihiem hetphah lou lou le ai ahilouleh lungel na ajat chom choum in ahol uvin. Amavang hiche lou le ai hochun mihem angol doh sah thei e tin lou le ai hechien hon khoul chil na anei nao vachun asei uve. Mi themkhat ma chu jalhang a kon kikhin doh a chomna le lungmona munthip a um a  hol doh di ago uvin, hinlah leisiet mihem te a kon kikhin kan a aching a um chun ama le ama lungthim siet dan bou aphoung doh e. Leisiet a ehin lo ajieh epi hitan tem, nitin boina ah chamna le lungmona enei thei lou leh.

Hiche lekha bu nang kahin peh lo napen uchu ahi le, chamna le lungmon na nei patoh kaki mutoh sah nom jeh u ahi. Aman asei e, “Chamna le lungmon na nang kadalhah peh nahi. Kei a um chamna le lungmon na nag kapeh nahi… nalungsung ah boina um hih hen, chuleh kicha jong kicha hih in.” Hiche ho hi ahom keu a kisei thucheng ahi poi, amavang hiche thucheng ho hi nang adia ahinkho pedoh a angailut na navetsah a, nahinkho ngailua vengbit hingpa kamcheng a kon joh ahi. Chamna le lungmona neipa, chule thonlou a hiche chamna le lungmon na napeding pa ahi. Ama chu chamna leng chapa akiti. Chule amin chu Jesu ahi.

Nangman hitin sei in nate, “Jesu chu kahekhapoi; eti keiman kahet phah lou mikhat kom a chu thil kamu thei dingham?” Jesu chu nang in nahet a ahile nang man hiche chamna le lungmon na chu nanei tah hih di ham. Jesu nang man nahet lou najeh chu ahile, ama le nang kikah a chule aman napeh got chamna le lungmona nale nag kikah ah a-awnglai lentah aum e,  hichu nachonsiet na ahi. Elung laigil uvah mijousen epichu adih ham epi chu adih lou ehe soh kei uve. Amavang hiche sele pha hetkhen na lungthim in bol lou ding thil tampi eihin hetsah ji teng uleh, eihon hiche awgin chu jah nalou ding in anakoul e ngon sah ji uvin ahi. Hiche awgin chun nangma chamna le lungmona pedia nanga jing ahi. Hiche thucheng hohi neokhat ana ngai to in: “Nangma kathupeh ho cheng chunga chun lunglut na ana pe lechu, chamna le lungmon nachu nang a din vadung a tui bang in ana long intin, nachonphatna chu tuipi kinong bang in kinong tante.” Eihon echonsiet nao ephondoh ule amn tahsan um tah a eingaidam uva, echonsiet nahuo jouse a kon a eisoup thieng diu ahi.

Tun nang chung ah akingam e. Chamna le lungnop chu nadei tah tah leh, nangman aphalou thil nahet ho jousea kon kihei mang in lang, chuleh Jesu kom ah ngaidam kithum in. Ajeh chu aman ngaidam na tha anei in, chule nachonsiet najong lungthieng siel a angaidam ding ahi. Ajeh chu aman cross chung a chu nang le kei dia ana thi ahi. Chutieng emalam jouse in ama thu ngai inlang aman adeibang a hinkho man di go in. hichu nabol tieng chamna le lungmona tah tah, nangma in nagel sang a hiojo le phajoa nanei ding ahi. Chule hiche chomna le lunmon na dih tah chun nagma nada lhah lou hiel ding ahi. Nachonsiet na chu nang a kon akitol mang teng, nangman hiche chomna leng chapa chu nahet chien ding ahitai.

Chamna le lungmon na chun natna le chonsiet naho jousea kon nahuh doh ding ahi. Jesu cross chung a athi chu, nangma chonsiet na a huh doh ding she hilou in, nat nale dammo na a kon a jong huh doh dia thi ahi. Nangman ama chu nahuh hing pu le nalengpa a naki san teng, aman nalhagao chamna le lungmon naseh hilou a natahsa damthei najong napeh ding ahi. Leng David hiche ho cheng ana nei pa chun hitin laa anasa e, “Kalhagao Pakai vahchoi in, ama a kon a thilpha namu cheng sumil hih in; nachonsiet na jouse ngaidam a, na nat na a nadam sah pa.” Tahsan na nei tah in Jesu, chamna leng chapa chu namu teng ama a um chamna le lungmona chu kisan in, chutieng, kichat, tijatna, chule lunggim hesoh najou se ama le ama kitol mang in tin, chule hiche leisiet kitha le kimat na, kithet namun ahin nangman chamna le lungmonna chu hethei tan nate.

Taona: “Pakai Jesu, nangma chamna leng chapa nahi, chule nang a um chamna le lungmona chu nitin in kangai cha jing e. keiman kahe tai, kachonsiet na ho in nang le kei kah a a-awng len tah aum doh sah ahi. Hijeh chun ka chonsiet na ho nei ngaidam in lang kalungthim a ase chieng, na thisan chun neishop thieng tan. Nangma kapakai le kaleng ding in kaki san tai. Nang in nasei sei bol ding in kaki pedoh tai, amavang neiki thopi jing in pakai. Amen.

For more information please contact: contact@sweethourofprayer.net
You can find equivalent English tract @

Peace be unto you