God loves you_Konyak

Nangte aohi-e  sheyong  she ken, nang –e  shing ya? Hatüo  a kahtok wangdang ling pupa Ütahpa kahwang  ngoh nang (Ütahtengaipu 1:8, kahtamyenghan 1:26,27,:2;7). Hangjingne  hatüo kahwange  nangte  yeonge kenpuwe  nang ünu wintϋoh lak jingne Jesu khrista i halompa tangpem me takke toi lak jingne iye shon.(Luke23:34)Nang-e shingya hangne teshine Kahwangwe nangte ken pushi? Hangjingne shüpshe Kahwangwe nang-a i lepume lingngai pu jingne, kahtoknyu me ngoh pu üshei phei nang üyin yaha yine tampu Kahwang jingne toinyu ngohnang. (Matthew 16:26).

Kahwange nangte kϋn nang, hüpoi ϋnu lingpu lan te nu nang, hϋyange imante ngao phen pu ngohlak .Ünu ompu kaiye kahwang  mong hahne yetam hϋyange kahwang mepu kahta yanne tai.Ngao phen punyih khrista-e ϋnu kahta lante hϋke ilak ,”Numan phoiwϋn-pu  shahpalan , ϋ-me pu  yantϋoh ,` Kahshih hϋyange i shongmokpalan jingne hanghe  pa ϋkϋm yenangpu vϋn tϋmme ngoh nang tϋote yutϋoh. Hϋyangpoi  khakshupu lanna  jinte pu ϋyin  ngoh lak nyoite  tailak .(Mathew 25:41,46). Hangjingne  Adam kaiye kahtoknyu te ϋnu  pei  hϋyange ünu kaiye kahta lilite phoiwϋm pu , dak pu ϋne  lipu kahtoknyu te pei. Adam-me ompu ϋnu kaiye ϋkϋm yenang pu molovϋn te taine ngoh. Hapoi Kahwange I ye ling pu kahta te kenpuwe, mahpu  moiheman khrista kaiye yine tam yangke (Rome 5: 1-21 ) Ephesians 1:3-14)

Kahwang phei wangdang me jinte ngoh lak jingne i li .Hüyange ϋnu kϋwa lipu ngohnang hüyangpoi teman youngwangpa khrista Jesu me kahwang jajang japu hünghaowa jintepu üyin ngohnang ( Rome 6:23). Lei yah kahwange nangte hangshin-e kun pu shi. Nang yin lak jingne Iye wangdang shongmokpa yeshon. Hüpoi iye yoi halom pa, nang yinye lak jingne kahtoknyu te shon hangjingne iye nang te kenpu jingne. Jesu i yangki ,”Hangjingne kahwange kahtoknyu  te hϋke kenpuwe aoyinne ite ütinglak lakei yemahlak hϋyangpoi jinte pu üyin ngohlak  jingne iye yoi halom pha .(John 3:16). Tüokhei aoyine khrista –a üyinyetampu pa she yeyah lakeih kahwange nang yahne yeok lak. Kahwang-a Üjao pa hüyange khakshupu pa(John 3:24-26). Jesu i yangke “Numan ünu mepu monglϋptϋoh hϋyange  pungao ümeite üting laktϋoh.”(Mark 1:15)

Tϋokhei monglϋptϋoh  hϋyange ϋting laktϋoh Jesu khrista  nang ϋnu  jingne pei pu pa she. Hüyange nang mongjang me Iye nang yinnetampupa  she yahtϋoh. Ütingha me kahwange nang Jesu iy me mako yenang pe poiye jao  pha lak nang aope kahwang ngao jai lakeih ϋne i nying me kemlak-eih, yaha  ϋjao-e nang ϋyin  jelei tamlak  üne  mongjang ϋla pha tam lak . Kahwange jaotamlak hüyange i Ahngjing jingne nang –a i mepu kunpu ,mongmei ,chingmei konjong hϋyange Ünganwong-e ma tam pha lak.

Kunpu shϋmnyu ,shϋmpa lan, nang te kϋn pu Ütah pa kahwang ngao jai tϋoh. Monglϋptϋoh hϋyange  i shong  te peitϋoh. Nange me üyin ja hei ngoh  nang. Nang mook she li-ne ok aope huyange hangke nang yeshing. Tüokhei kahwang shϋpshi kaiye  nang üyin yaha yinpu tüolak jingne iye sha-a hipak phanang. Nang kahwang nangte ünu  manwin pe ngoh pune meng kümaa, hatüo me iman  hahpu yong aope-o yeli hϋyange  vϋn aope-o yemei .( Mark 9:47-48). Liphei  me ümeng winpu yetüolak hüpoi ngaophun pu peilak (Hebrew 9:27) Jesu khrista a yangeyipu hϋyange üyin ngohnang. Tükhei ngao phϋn laka yoi yoi?( John 11:25,John 5:24-29). Sha –a  teih yange lingtϋoh .Lipu hipak me kahwang mepu nange ngaophenpu yeshekϋma ükϋm yenangpu uyin tϋolak.

Nanga ünu kahta hϋyange yintamlak wongpong she teihyah. Hangjingne Youngwanpa Jesu khrista kaie nakshih nanga ϋnu hϋyange kahwang ngao phenpu üyong mepu yinlak .sha-a kahwangte nang mongjang tingkhak pu phei nang ünu winpha she yoptüoh.

Yoppu: Youngwangpa kahwang tao ünu  kahta  te ümeng winpha ü nanlei ne Jesu Khrista liyangki. Ü ϋnu üshei ang yange nang dangte pei nangki tao yin tamlak jingne nang iy  Üjao pa kaie tao poi-e jao tampha hϋyange nangha ne meangtampha . Ümongjang eptampha nang ümongjang me üyingye pa she yah oklakne. Tenyih metange tao nangha ne meng lak jingne üte wong yahkei. Minyong pha nang  Jesu kaie üyinye tampu jing ne. Amen.

Üyin kahwang ha ne meang lak hangshin meipu ,Nang yin nyitampu jingne jinte Jesu  khrista te minyong phatuoh.

Yelak pe shinghuma–a  contact@sweethourofprayer.net net me shenpong pu  oklak.

You can find equivalent English tract @

God Loves You