ಅರಾಮಿಲ್ಲತ ಕಷ್ಟಪಟ್ಟಂಡ್ ಬಾರತ್‍ನ ಪೊರ್‌ತಂಡ್‍ ಉಳ್ಳಯಿಂಗಳೇ, ನಾಡ ಪಕ್ಕ ಬಾರಿ ನಾನ್ ನಿಂಗಕ್‌ ಅರಾಮ್‌ ತಪ್ಪಿ (ಮತ್ತಾಯ 11:28)
ದೇವ ಈ ಲೋಕತ್‍ರ ಜನಳ ಎಚ್ಚಕೋ ಪ್ರೀತಿ ಮಾಡಿತ್‍, ಅಂವೊಂಡ ಒರೇ ಮೋಂವೊನ (ಯೇಸುನ) ಕೊಡ್‍ತತ್‍; ಅಂವೊನ ನಂಬುವ ದಾರೂ ಪಾಳಾಕತೆ, ನಿತ್ಯ ಜೀವತ್‍ನ ಪಡೆಯುವ. (ಯೋಹಾನ 3:16)
ಈ ಬಡವ ಮನುಷ್ಯ ಮರೆ ಇಟ್ಟತ್‍, ಒಡೆಯ (ಯೇಸು) ಅದ್‍ನ ಕೇಟಿತ್‍, ಅಂವೊಂಡ ಎಲ್ಲಾ ಕಷ್ಟತಿಂಜ ಅಂವೊನ ಕಾಪಾಡ್‍ಚಿ. (ದೇವಡ ಪಾಟ್ಟ್‌ 34:6)
ಅಂವೊ ಅಂವೊಂಡ ವಾಕ್ಯತ್‍ನ ಅಯಿಚಿತ್‍ ವಾಸಿ ಮಾಡಿತ್‍, ಅಂವೊನ ಎಲ್ಲಾ ನಾಶತಿಂಜ ಬುಡ್‍ಗಡೆ ಮಾಡ್‍ಚಿ. (ದೇವಡ ಪಾಟ್ಟ್‌ 107:20)
ಒಬ್ಬಂಡ ಅವ್ವ ಒರ್‍ ಕುಂಞಿನ ಸಮಾದಾನ ಮಾಡುವನೆಕೆ, ನಾನ್ ನಿನ್ನ ಸಮಾದಾನ ಮಾಡುವಿ. (ಇಶಾಯ 66:13)
ನಿನ್ನ ನಾನ್ ಎಕ್ಕಾಲು ಮರಂದ್‍ ಪೋಪುಲೆ. (ಇಶಾಯ 44:21)
ಒಡೆಯ (ಯೇಸು) ಎಚ್ಚಕ್‍ ನಲ್ಲಂವೋಂದ್‍ ರುಚಿತ್‍ ನೋಟಿ. (ದೇವಡ ಪಾಟ್ಟ್‌ 34:8)
ಯೇಸು ಕ್ರಿಸ್ತ ನಿನ್ನಾಂದ್‍, ಇಂದ್‍ ಪಿಂಞ ಎಕ್ಕಾಲು ಬದಲಾಕತಂವೊನಾಯಿತ್ತುಂಡ್‍. (ಇಬ್ರಿಯ 13:8)
ಯೇಸು: ನಾನೇ ಬಟ್ಟೆಯು, ಸತ್ಯವು ಜೀವವುವಾಯಿತುಂಡ್‍; ನಾಡ ಮೂಲಕ ಅಲ್ಲತೆ ದಾರು ನಾಡ ಅಪ್ಪಂಡ ಪಕ್ಕ ಬಕ್ಕಕ್‍ ಕಯ್ಯುಲೇ. (ಯೋಹಾನ 14:6)
ಪಾಳಾಯಿ ಪೋನದ್‍ನ ತ್ೕಡ್‍ವಕೂ ಅದ್‍ನ ಕಾಪಾಡುವಕೂ ಮನುಷ್ಯಕುಮಾರ (ಯೇಸು) ಬಂದಿಯೆ. (ಲೂಕ 19:10)
ದಾರೆಲ್ಲಾ ಅಂವೊಂಡ ಮೇಲೆ ನಂಬಿಕೆ ಬೆಚ್ಚಿತ್‍ ಅಂವೊನ ತಕ್ಕಾರ ಮಾಡ್‍ಚೋ ಅಯಿಂಗಕೆಲ್ಲ ದೇವಡ ಮಕ್ಕ ಆಪಕುಳ್ಳ ಹಕ್ಕ್‍ನ ಅಂವೊ ಕೊಡ್‍ತತ್‍. (ಯೋಹಾನ 1:12)
ಅಂವೊಂಡ (ಯೇಸುರ) ಪೂರ್ತಿಯಾನ ಕೃಪೆಯಿಂಜ ನಂಗಕೆಲ್ಲ ಕೃಪೇರ ಮೇಲೆ ಕೃಪೆ ಕ್‍ಟ್ಟ್‍ಚಿ. (ಯೋಹಾನ 1:16)
ಆಚೇಂಗಿ ನಂಗ ಅಂವೊನ ಮೀರ್‌ನಗುಂಡ್‍ ಅಂವೊಂಗ್‍ ಗಾಯ ಆಚಿ, ನಂಗಡ ಪಾಪಕಾಯಿತ್‍ ಅಂವೊನ ಜಜ್ಜ್‍ಚಿ: ನಂಗಕ್‍ ಸಮಾದಾನ ಬರಂಡೂಂದ್‍ ಅಂವೊ ನಂಗಡ ದಂಡನೆನೆ ಎಡ್‍ತಂಡತ್‍; ಅಂವೊಂಡ ಗಾಯಯಿಂಜ ನಂಗಕ್‍ ವಾಸಿಯಾಚಿ (ಯೆಶಾಯ 53:5)
ನಾನೇ ನಲ್ಲ ಕೊರಿಕಾಪಂವೊ: ತಾಂಡ ಕೊರಿನ ಕಾಪಾಡುವಕಾಯಿತ್‍ ತಾಂಡ ಜೀವತ್‍ನ ಆ ನಲ್ಲ ಕೊರಿಕಾಪಂವೊ ತಪ್ಪ. (ಯೋಹಾನ 10:11)
ಯೇಸು: ನಿಂಗ ಪಾಪತ್‍ನ ಬುಟ್ಟಿತ್‍ ದೇವಡ ಪಕ್ಕ ತಿರುಗಿ, ಪರಲೋಕ ರಾಜ್ಯ ಬೆರಿಯ ಬಂದಂಡುಂಡ್‍. (ಮತ್ತಾಯ 4:17)
ಒಡೆಯನಾನ ಯೇಸು ಕ್ರಿಸ್ತಂಡ ಮೇಲೆ ನಂಬಿಕೆ ಇಡ್‍; ಅಕ್ಕ ನಿಂಗಕೂ ನಿಂಗಡ ಮನೆಕಾರಂಗಕೂ ರಕ್ಷಣೆ ಕ್‍ಟ್ಟ್‌ವ. (ಅಪ್ಪೋಸ್ತಲ 16:31)
ನಾಡ ಪಕ್ಕ ಬಪ್ಪಯಿಂಗಳ ನಾನ್ ನೇರಾಯಿತು ಪೊರಮೆ ದೂಡಿತ್‌ ಇಡುಲ್ಲೆ. (ಯೋಹಾನ 6:37)
ಅಂವೊ ನಾಡ ಮೇಲೆ ಪ್ರೀತಿ ಮಾಡ್‍ನಗುಂಡ್‍ ನಾನ್ (ಯೇಸು) ಅಂವೊನ ರಕ್ಷಣೆ ಮಾಡುವಿ; ಅಂವೊ ನಾಡ ಪೆದತ್‍ನ ಅರಿಂಜಗೊಂಡ್‍ ಅಂವೊನ ಕೊಡೀಲ್‍ ಬೆಪ್ಪಿ. (ದೇವಡ ಪಾಟ್ಟ್‌ 91:14)
ನಾನ್ (ಯೇಸು) ಪೋಯಿತ್‍ ನಿಂಗಕಾಯಿತ್‍ ಒರ್‍ ಜಾಗತ್‍ನ ತಯಾರ್‍ ಮಾಡಿತ್‍, ನಾನ್ ಇಪ್ಪ ಜಾಗತ್‍ಲ್‍ ನಿಂಗಳು ಇಪ್ಪನೆಕೆ, ನಾನ್ ಪುನಃ ಬಂದಿತ್‍, ನಿಂಗಕಳ ಕಾಕಿಯಂಡ್‌ ಪೋಪಿ. (ಯೋಹಾನ 14:3)
ಪಾಪತ್‍ರ ಸಂಬಳ ಚಾವ್‍; ದೇವಡ ಇನಾಮ್‍ ನಂಗಡ ಒಡೆಯನಾನ ಯೇಸು ಕ್ರಿಸ್ತನಗುಂಡ್‍ ಕ್‍ಟ್ಟುವ ನಿತ್ಯ ಜೀವ. (ರೋಮ 5:6)
ನಂಗ ಶಕ್ತಿ ಇಲ್ಲತಯಿಂಗಳಾಯಿತಿಪ್ಪಕಲೇ, ನೇಮಿಚಿಟ್ಟ ಕಾಲತ್‍ಲ್‍, ಕ್ರಿಸ್ತ ಅಕ್ರಮಕಾರಂಗಕಾಯಿತ್‍ ಚತ್ತತ್‍. (ರೋಮ 5:6)
ಯೇಸು ಕ್ರಿಸ್ತ, 2000 ಕಾಲಕ್‍ ಮಿಂಞ ಈ ಲೋಕಕ್‍ ಬಾತ್‍. ಅಂವೊ ಎಲ್ಲಾ ಜನಕೂ ನಲ್ಲದ್‍ ಮಾಡಿಯಂಡ್‍, ಎಲ್ಲಾ ವಿದ ಕಾಯಿಲೆನ ವಾಸಿಮಾಡಿಯಂಡಿಂಜತ್‍. ಅಂವೊ, ದೇವಡ ರಾಜ್ಯತ್‍ರ ವಿಷಯತ್‍ ನಲ್ಲ ಸುದ್ದಿನ ಬೋದನೆ ಮಾಡ್‍ಚಿ. ಅಂವೊ ಚಾವ್‍ಯಿಂಜ ಜೀವವಾಯಿತ್‍ ಎದ್ದಿತ್‍, ಇಂದ್‍ ಸಹ ಜೀವವಾಯಿತ್‍ ಉಂಡ್‍. ಅಂವೊ ನಿನ್ನಾಂದ್‍, ಇಂದ್‍ ಪಿಂಞ ಎಕ್ಕಾಲೂ ಬದ್‍ಲಾಕತೆ ಅನ್ನನೆ ಉಂಡ್‍. ಇಂದ್‍ ಸಹ ಅಂವೊಂಡ ಪಕ್ಕ ಬಪ್ಪಯಿಂಗಕ್‍ ಅಂವೊ ನಲ್ಲದ್‍ ಮಾಡ್‍ವಂವೊನಾಯಿತ್ತುಂಡ್‍.
ಪ್ರಾರ್ಥನೆ:
ಯೇಸುವೇ, ನಾನ್ ನಿನ್ನ ಪ್ರೀತಿಚಿಡುವಿ, ನಾಡ ಪಾಪತ್‍ನ ಮನ್ನಿಚಿಟ್ಟಿತ್‍, ನಾಡ ಕಾಯಿಲೆನ ವಾಸಿ ಮಾಡ್‍. ನಾಕ್‍ ಸಮಾದಾನ, ಆರಾಮ್‍ ಪಿಂಞ ಸಂತೋಷತ್‍ನ ತಾ. ನಿತ್ಯ ಜೀವತ್‍ನ ತಂದಿತ್‍ ನನ್ನ ಆಶೀರ್ವಾದ ಮಾಡ್‍. ಆಮೇನ್‍
You can find equivalent English tract @
