JESUNA LEISHI, JESUNA NGACHONMI (Jesus loves, Jesus helps)
Jesuna hanga, “Kakhanang kala ot kharit kaphungbing saikora; iwuili ralu, ina nathumli ngasamkhui ngasakra” (Matthew 11:28).
Khikhalajila Varena apuk-apagvali leishina kahai wui vang awui Naohonaotong (Jesu) chi mi, chithada ali shitkasanga mi kachiva kashiman mavaila katang makhavai kharing samphangra (John 3:16).
Khangazana mi hina ngakaowa, kala Prohona shami, kala kakhanang saikora eina huimi (Laa 34:6).
Jesuna awui tui chihovada athumli raimi; kala shimankikajiwui eina athumli kanshokmi (Laa 107:20).
Avana ning lumkhangasak chithada, inala nathumli ning lumngasakra (Isaiah 66:13).
Ina nali mamalaihai mara (Isaiah 44:21). Proho li mazap yangda awui kapha theikhuilu (Laa 34:8).
Jesu Christa ayala, ajala kala khanao eina tangda chichinga (Hebrew 13:8).
Jesuna ngahankai, “I shongfana, khamashungana kala kharingana; iwui eina maningla avavawuili khipakha marapai mana” (John 14:6).
Kaja miwui naomayarana shiman kahai bingli phakhuida huimi khavai kharana (Luke 19:10).
Awui mingli shitsangda khuikasanga saikorali ana varewui nao ngara ngasakhavai pangshap mi (John1:12).
Awuili pemting kahai wui vang ithumna lukhamashan wui tungli lukhamashan ngarorda samphanga (John1: 16).
Kha ithum khalang wui vang a khama kazana. Ana ithumwui khayon-khamang wui vang khamaa zami, ali hangkhamachin chieina ithumli kharai samphanga; kala awui khamachon china ithumli raimi (Isaiah 53:5).
I kapha yao kahoma na. Kapha yao kahoma china yaobing wui vang mangla chihomi (John 10:11).
Ning ngateilu kajiya kazing wungram nganaishun haira (Matthew 4:17).
Proho Jesuli shitsanglu, chieina nala kala nashi shimkhurla kahui samphangra (Otsak16:31).
Ili khara mi chili Ina mahorhai mara da Jesuna hanga (John 6:37).
Ana ili leishimihaoda ina ali kanshokmira, ina kachuipamli chipamra; khikhalajila imingli shitsanga (Laa 91:14).
Ina kazing wungramli nathumwui pam angaranhailaga, nathumli ina rahokhuiluira, chieina I khaleipamli nathumla leira (John 14:3).
Kachiwui vangkhala kaja moreiwui saman kathina, kha Varewui lemmet chiya ithumwui Proho Jesu Christa wui lungli katang makhavai kharing china (Romnao 6:23).
Ithumna upai makhalei chitharan, Varena retkahai atam chi horzakta Christana morei kaphungbing wuivang thimi (Romnao 5:6).
Proho Jesu Christana okathuili rada zingkum thingkhani lang thui haira. Miyur saikora wui vang Kapha ot sami kala kazatyur kachiva raimi. Vare wungramwui paokapha hashokda, Ana kathiwui eina ringshokhaira kala ringdalei aja rashungda. Jesu Christa ayala, ajala kala khanao eina tangda chichinga. Prohowuili khara mi kachivali ana kapha sami.
Seiha Kasa: Proho Jesu, I nali leishiya, iwui morei pheomilu. Okathui sakazat kala kula sikapai apong kayakhawui eina makar milu. Chingri kahai ringkapha chi khamilu, makashimana mirin chi ila samphang ngaiya. Amen
You can find equivalent English tract @
