Jisu-i Bamnyeih Jisu-i Shauh Nyeih (Jesus loves Jesus Help)
Amphong nyiüpünang pü hatü hanggovih kopü thü ngei touei peikei hatü ngei amphong kü nyiushemnei yah phahen. (Mathi 11:28)
Mehenangkü kahvangi kahdoknyu kü longi bampü nangkü bübai laophü lei halom shouh, üami büpa kühinglem nemahhen, shejao düngeipüyangnyuyem danghen.(Johan 3:16).
Taopai nyük, hatu shembüpai (Jisü) büpai nyükpü dan, büpai shanghah peü kübü büpa yang.(Menvih Kesho 34:6)
Büpai (Jisü) shah shomei jom meihü hatü mahhen kübü jom yang. (Menvih Kesho 107:20).
Nyü hüki laophülei hapeü nyiumeihüpü kei ha ngei Jerusalemei am nyiumeihühen. (Isaiah 66:13).
Hathü deih-ei dangtuh, (Isaiah 44:21).Jepei veihümao Shembüpayü meiangpeih. Büpa kü loipü shennyakü moinhimanpü. (Menvih Kesho 34:8)
Jisu khrista yü menyih,shinyih hatü düngei hükei khan.(Hebrew 13:8)
Jisui jangei e,“ngeiyü lemnyü, shahhing hatü yangnyu, ngei nehompheikü üpaiyao opa touei nepeiaokpeih. (Johan 14:6).
Mehenangkü shennyak hayü mahdaipüthü yemhen hatü yanghen peipeih shei e. (Luke 19:10)
Shejao üami büpa yah, büpalei men kü hinglem, büpai hathü peü kü kahvang hathü leihen ngan shouhteke. (Johan 1:12).
Bübalei phahji mapü kübü jen peü moihiman hük pheikü hük dangteke. (Johan 1:16).
Shejao jeni pungpü nangkü büpa mashateke, jenei mang tata kü büpalei büm mintük; Büpai ponghahpü hanghi homei jen meitükpü dang, hatü büpa mashapü homei jen meitük. (Isaiah 53:5)
Ngeiyü mi yombü meipü.Miyombü meipai mithü shingvaishi laophülei yangnyü lanei shouhnyeih. (Johan 10:11).
Hahepak kübü jisui, amphong mong leptuh, mehenangkü vangsho ongching yopailei peiteke shei baonghen chongpang. (Mathi 4:17)
Shembüpa jisu kü hinglemtuh, hatü nüng hatü amei shemong kamei yanghen. (Phongshanthü Dou 16:31).
Pa-i ngei kü shoühpüthü peü ngei touei peikahan, hatü üpa ngei touei peinya, ngei muchamao nuchangtukhen.(Johan 6:37).
üami ngei kü bam,ngei jom yanghen, ngelei men nyingpüthü ngei jom yanglanghen. (Menvih Kesho 91:14).
Ngei daiei am shing shing hük tempheikü ngei nyipapü yiüei ngei mü nyuhen shingvaishi ngei am yahhen, hatü ngei mulei nyu, halei amphongao nyuhen. (Johan 14:3)
Mehenangkü mangei latü dipü, shejao ang kübü kahvang thintho-ü khrista jisu jenei shembupa ku yangnyu nyüke. (Roman 6:23).
Muchem jen wong nekoh-i nyupa, hepak jiüpü kü khrista mangthü shingvaishi dipeih. (Roman 5:6).
Jisu khrista kahdoknyu lei peiphei ku vangpong haja nyi (2000) daitüke. Bupa kahdoknyu lei nyü hepak kü büpai shennyak thü dungpao meihü tüke, hatü shennyak thü kü büpai shahjang mei homei pa kahvangei ongching jong nyuhtüke. Jisu khrista yü dipü yangei lei bü yangnyü yem,büpa yü munyih,shinyih hatü muchemao nujei lei pu.
Phoppü : Kahvang nyei nüng kü bamnyeih, ngu-lei mang tük shih, ngulei ten thü meitükshih.Nyei kü chingmei nyomei hatü mongmei yahshih.Nyei kü moihiman hatü yangnyü yam yahshih. AMEN.
You can find equivalent English tract @
