Download PDF Tracts
Kelakelie Phipra Thenieko
(The seven steps of Salvation).
Kelakelie ca puo kesi rubei mo derei ca kekra pie puo chüekshüu we.
- Thenoukedikelie morei kejovapie ketsüe kelakelie zo:- “Niepu Jisu Khrista pelelie liro no rei mu n kinuko rei sa kelalie tuo.” (Mhak 16:31). Themia mhathokoe Ukepenuopfü mhodzü nu vi mo sei tuota zo süla kejo kephoumako vapie ketsü) se morosuota. Kerzhü mhathoko la puoe Ukepenuopfü ze kengumvü tuota (Kolo 1:21),
Derei Jisu Khristae themia kejo kephoumako la Krus geinu goukewau pelelie di süko nunu thenoukedilie, süko phralie di vapie ketsü chalie liro puo kephoumako vawataya mu süsie thenou kedikecüu sedetaya. Puoe Ukepenuopfü nuo chüliete (Johan Kerieu 1:79 Jn 1:21); themia keweu rei Niepuu ze di gouwate. Mhasi hauha üse thenoukedikelie morei kejo kephouma vapie ketsü üdi puya. Themiae hanunu tsokemo chü di thata suo derei phipra kekreiu nu pa di si sakelie chü morosuo.
- Dzüloukepfü rei kelakelie Zo: Dzüloukepfüe kelakelie ca nu phipra kenieu. Pelelie di dzüloupfükelieu kelalietuo” (Mk 16:16). Dzüloukepfüe kenanyükecü tho puo zo mo. Mia puoe dzüloukepfü, nunu sia di khruwaya mu sidi Ktirista ze di la sierkelieu.
Mhaca hako nu dzüloukepfü ca ketho dze silie:- .
- Tsie we dzüloukepfü nu u kelaliete (Peter Kerieu 3:21).
- Dzüloukepfü nunu mesaliete (Efe 5:26).
- Dzüloukepfü nunu puo seu ze di khruwa (Rom 6:4).
- Puo seu ze di kezhorhewa …süusü themia keweu pekalotsowa ketuo la (Rom 6:5,6).
- Thenoukedilie di dzüloupfülie …silie liro niee Kemesa Ruopfü mhaphro-u ngulie tuo (Mhak 2:38).
- Ukepenuopfü kakuo nunu shürhokelie rei kelakelie Zo: Kepele kecha nunu kechümia kelalie tuo. “Sitse kepele kecha nunu mhachü kezhüu kelalie tuo mu Niepuu thuo puo bu sielie tuo, tsie puo kephouma huo chüwa shierei vashü puo tsü tuo.” (Jakob 5:15). Ukepenuopfü kekuo nunu shürhokeliee mia puo puo mo-u kha zo pie perhei ruotho chükeshüu, süu mesatsi di Ukepenuopfü bu lieliekeshü chükelieu (Rom 12:1). Ukepenuopfü ngukemezhie nunu kepele nu shürhokelie ngulieya, mu Ukepenuopfü kekuo nu morei kepele nunu shürhokelie-e ngukemezhie nu thaliekeshü chülieya.
- Kemesa Ruopfü nu Baptism nguketie ref kelakelie zo: “… puo thuo u ngukezhie la penuo kesakelie dzülou mu Kemesa Ruopfüu bu chükesakelieu pie puo thuo u kelakelie zo (Tita 3:5).
Kemesa Ruopfü Baptism-e thenoukedikelie geinu ngulieya mo, Süusüe Pentekos zha nhie tuoi pfhe kesa kepu pie zasi chü süla mecümecie mu meyiemeluoya. Pfhekesa pukeliee- peletsiketa zasi. “Niee pelekelie ki Kemesa Ruopfü ngulie ma?” idi Kemesa Paul-e ketsota.
- Khrista la kemezhie keshü rei kelakelie zo: “Siro nie perhiemia bu mhakehoupuo nurei nie kerie zowa hie, mha süusü kataketuomia la zasiketho puo zo derei nieko la zowe Ukepenuopfü. kinu ngukelie nieko kelakelie zasi zo. Süusü nieko bu Khrista pelelie ketuo la rübei zo monyü puo la kemezhie rei salie ketuo la pie nieko tsüwate” (Fill 1:28,29). We kejo chümo di Khrista la kemezhielieyaü liro u zayieu sapekrakelie zo.
- Kemesa Ruopfu nunu uchükemesakelie rei kelakelie zo: “Ruopfüu thuo nie chu kemesalie di nie bu ketho-u pelekelie la Ukepenuopfü nieko kedapie kelakelie nu shüliete” (Theso Kenieu 2:13,14; Theso Kerieu 5:23). •
Phiphra puopuokecü hako pete nu kreikelie kelhou nu ba morosuo. “Mezhükemo hako kinu nie kireiliecie” (Mhak 2:40). Kelakelie phipra soroukoe u chatha ze kelakelie thelau, u mo rhakelie nu volieya.
- Themo-u rhakelie harei kelakelie zo: “Süko rübei zo monyü ruopfü si ngulie kerie nko ha thuo rei u thekepie puo.nuonuo chülieketuou, puo ca u mo rhalieketuou pfhe di u nou nu meheimelo baya zo” (Rom 8:23).
Mha hauhae kelakelie thelau mu haue u Niepuue pekhre di kevor teiu nu chüte tuo; “Süusü thela nhie nu pengu zo tuoü kepele nunu kelalieketau Ukepenuopfü kekuo nunu rükhie se tuokelie zo” (Pitor kerieu 1:9). “Nie nou.chatsa pielie mu metsiphrü ba zolie di Jisu Khrista mia mhingu chü vor ketuo ki nie ngumezhieshütuoü kebau pelekhrupfü ba zolie” (Pitor kerieu 1:13). Kemesa Paul-e kelakelieu thelau ze kekhie di pukecü u bu michie pe zo di u kelakelieu chüseparlie morosuoü shü (Fil 2:12). “Puo kimia puo thuo dojüliete” .(Pesik 19:7). “Ae Khrista Jisu nunu Ukepenuopfü kerkrie kekie zhakhrau tsolie zo tuoü whuovozhü zo’ (Fil 3:14).
Kecha:- Kekhrie Niepuu, a dojü pie N kevor nu shüshüyi. A ze kelakelie ,phiprako nu voshü di a bu rei kelakelie thelau nguliekeshümia chülieyi. Jisu Zanu, Amen.
