Kahta jame moth, kohshangmanlüm, hakpa lwngpa ne khongkümpu wangngoi ye ngoh yahpeyoi ime mongmei hipak, chingmei hayange pümtangta mei pu yenang. I ye mongmei hüyange chingmei tüolak jingne yeonge ngang hapoi iye shangngün hüyange hipak ünyu lamnyu me winpu jingne yetüo ok. Iye yeshing taokai-e yahame toloimei yemeipe pei hüyange takpu hei yemei pe lipu pei.
Aope Kahwang-e kahta ling, I ye ikih-e I lepume lingpu sha yeje hapoi iye mongmei, chingmei, toloimei, üyin ümei hüyange üyin jin ngoh lak jingne ling. Hapoi aope kata-e Kahwang ngaokeng meng, hüyange ünu om, ime ngoh pu moiheiman lan mah küm pu sha-a yeji hapoi lipu rha yaphen pei, nyampu yaha,mongshang pu hüyange wong yenang pu hei yemeioklak daktin pei.
Tenyih pu wangpeng 20th shepupa hipak (20th century)me muli üla üla ma ngoh nang hapoi aope-o wangngoipu meitümpu yetüo ok. Mulipalante-o muli üla hei daktin üla maapu kaiye mülipalan shüpnyik-e tamnang. Hatüo kihpu juwanme nang mongshange hüyange yashan-e teih ne ok nang dak meitamlak jingne mulipalan ngoh ya she.
Shimnyu shimpa lan, tomanne hatüo me mulipa shehao tamphaning. Nang ütinglakpu phei I tangte peipu ne meng ma-a hatüo wangpu ngohnang. I ya kahtalan jingne mulipa shemeipupa ngoh nang. I min-a Jesu ngoh nang. I ye iyangki “Tao-a nang meitum pupa Youngwanpa”(Woitei15:26). I maayahpu kaiye teman meitam. Teman yewang yengoipu hei teman daktin Iye yahtei (Isaia 53:5; Matthew 8:17), I ye hüke temante nyük nang “ Numan topalan hüyange hangki yih kipalan üshei ü-tangte peikei, hüyange Taowe numan toloi meitam phaning.(Matthew 11:28).
Jesu-we ünu, daktin, phoiwumpu hüyange lipu hei jingtepu üyin tüo okpupa. Iye jan, aoyinne ite ütinglak iman-o jakih-e okpu tüolak. Hatüo jingne nang monglüppu phei Jesu te ünu ümeng janpune mengma-a Kahwange nang yaha toloimei tumlak shüa-a yeje, hapoi nangme pu daktin yah-e teilak hüyange wangngoipu meitum pu tüo lak.
Aoheye nang ünu khongkümpu wintam hüyange nang daktin khongkum meitam nang pushi? Aoheye nang mangjong mepu yin tamnang (Tüowelaihem 103:3-4). I ngaokeng phawe iye iman meitam hüyange mangjong mepu iman yinne tam (Tüowelaihem 107: 20). Ünu pu yanne teman lipheime khakshupupa jingne üyin ngoh lak jingne I ye yoi nying nying ke pee me yoi püm teman ünu ki hüyange ite shütpu makowe numan mei tam (1 peter 2:24).
Dakpu kahta lan ngi wante Jesuwe shüpshe teih, I ye ngondakpalan pen meitam. Jesu mepu wong ngai hüyange iy taiye dak ngohpu sheko meitam, ngao yengao okpu, yekem okpu Jesu tangte yah-e pei daktin khongkum pu I ye meitam. Mükpompa mük nginetam, ngao yejai pulanne ngao jaine tam, yengao okpu lanne ngaowe ok hüyange yekem okpu lan-o kemme ok. Iye tepu lan-o yang-e yene tam. Jesu-a menyih, tenyih hüyange jinte pu jingne jakih muh. Tünyih-o meitam pu phalak jingne I yak shoh pu yeje. Muli palan hüyange muli ümei kaiye iy heimei me meitampu tüone ok, hüpoi shenghei ngin yewin pe meitamlak pa-a wangdang mulipa ngohnang. Jesuwe nang iy mei pum sha-a yeje hupoi nang juteih, yaha hüyange üyin jin pao tamnang.
Tüokhei nang-e sha-a meitum pu taohu kama-a jajashin-e kahtoknyu mulipalanne yeoklak yang she I pu nang dak ümeng jeyahpoi, Wangdang mulipa Jesu tangte yah-e peituoh Iye meitumpu oklak.
Yoppume üphei te woikei: Youngwangpa Jesu, taowe üting lakke teih nang calvery tangpem me ü ünu jingne sha-ha nang lipu yeje hapoi üdak jinne-o lipu ngoh nang. Nang shüpshe kaiye ünu winpha hüyange dakpumepu yinpha üne wangngoipu meitum pu üte yakkei. Nangha ne tao jaoshe-e ngoh lak jingne taowe mongnang. Amen.
You can find equivalent English tract @
