Natonsot Mun Hoia Naman Ding Ham (Where will you spend your eternity)
Thusim khat anaum in, hiche thusim achun hitin akisei e, nilhah khat professor pu khopam lam a agva le in, chomkhat jou in lampi ahol mon agam mang tan ahi. Chujou in lam kika khat ah ahung soh doh in avet le chapang khat in uicha ahin kai amun, hichun aman “Chapa! Hiche lampi hi hoilai chena lampi ham?” ti adong in ahile, chapang pan “kahe poi hoilai jot na lampi ham ati.” Chuin aman jong adong kit in “hiche lampi hi hoilai lhun thei na lampi ham?” hichun chapang pan jong “hoilai lampi,” “hoilai chena,” chule “hoilai ajut ham,” kin ema kahe poi ati. Hichun mipa (professorpu) chun, hoilang chapang ngol khat nahia emacha jong nahet lou ham tin ana house in ahi. Hichun chapang pa, amavang thil khat kahea, “Kei nang bang a gammang a suh nading helou mi kahi poi atii!”
Sopite ho! Tonsot huhhing na nakom nailam chan akikoi e. Nangma tonsot hinna lampi ahiloule tonsot thinna lampia che nahi. “Aphat ahung lhung e, hichea chu lhan khuh a umho jousen o (jesu o) ajah ding u, chule hungdoh ding ahiuve; thilpha bolte hocheng hinna a thoukit ding. Chule thilphalou bolte ho chengse themmo change thoudoh ding ahiuve,” hitin Bible in asei e (John 5:28-29). Hoilai mun jon nahi naki het nam? Natonsot mun hoia naman ding kaki het hinam? Hiche professor pu bang a chu, nangman jong thil tampi nahinkhoa nahet Meithei ahi, hinkho epi ham jong henan nate, amavang, hiche hinkho khatseh nenei hin, nathi teng hoilai ajot ding ham.
Koiman athi nung ding hinkho ding akipel doh thei poi; amavang hoilai mun ejot ding vang ekilhen thei ahi. Pakaiin hitin aseie, “keiman thina le hinna namasang ah kakoie… hijeh chun HINNA JOH KILHEN IN” (Deutronomy 30:19). Tunin, hilai ahin nangman najot namun ding nakilhen thei ahi, etiham khat a najot na lampi nakhel nomle.
Thinung adia mun thupipen lah a khat chu vanggam, Pathien lenggam ahi. Hiche mun chu hoitah le vah jing ahi, tonsot chamna le kipana mun ahi. Hiche Pathien toh hinkhom a kipakhom namu ahi. Leiset mihiem ten vang hiche mun chu ahethiem po uve, ajeh Bible in hitin asei e, “mit mukhah lou, na jahkhah lou, mihiem lung a lut khalou, pathienin angailuho dinga agot sa chu ahi” (I Corinthians 2:9). Pathien lenggam thuguh chu kon ahet ding hitam?”Van le lei Pakai… nangman michingte le lungthim themho hengah hicheng thu hi na-ima naocha ho henge naphon doh e,” tin Bible in asei in ahi (Matthew 11:25). Chule hiche “neocha” hobou chu vanggam lut ding ahi (Matthew 18:3). Hijeh chun sopite, kiletsah le kihoitho sah na din mun akon nahung kumlhah a, pakai anga naki neosah le hiche thil loupe tah kiselguh chu tonsot a namu thei ding ahi; pakai in jong hiche lampi chu nakomu peh ding ahi.
Tonsot a jot nading munchom khat chu ahile tonsot dammun. Hichu lunghem lungjin namun, jesu apei doh ho atonsot tonsot a um nading mun ahi. Hiche mun chu diabol le anungjui hodia kisiem ahi; athilphalou bol uchun hiche “meldiel” hi asiem doh ahi (Matthew 25:41). Mihiem koihile diabolpa nungjuia, tahsa ngaichat lama chona, diabolpa alungthima chensah chense chu hiche meidel a chu diabol pa toh ahinkho beitha ding ahi (Ephesians 2:2,3). “Mingolchu athepmona chengsen aki palsah ji, chonset natoh atohdoh hon amatji ahiye” (Proverb 5:22). Dammun jong chu “thina” akiti (Revelation 21:80. Chonset nabol jeha “natohga” chu ahi (Rome 6:23). Tahsalam lunggel chu “thina” ahi (Rome 8:6); Chonset nupsah naa hingchu “thina” ahi (I Tim. 5:6) neo neo a thinan naval lhum ahi.
Pakai Jesu leia ahung kumlhah a cross chunga athisan nang le keidia alon chu natahsan a, chule ama chu nakisan le hiche damun akon na on doh in natin, chule tonsot hinna nanei ding ahi. Ama chu lampi dih, thutah, chule hinna chu ahi (John 14:6). “Koi hile chapa (Jesu) tahsan jouse chun tonsot hinna anei diu ahi; chule koi hile chapa tahsanlou jouse chun tonsot hinna neiloua; pathien gaosap na chu chang diu ahi” (John 3:36).
Sopite hiche sim jouse, nachena lampi chu ngatan. Nangma le nangma kidongin: “ Hoilaia che kahim? Kathi teng hoilai mun kajot diham?” tunin hechen in lampi dih a chejing nahi nam.
Taona: Pakai Jesu, Keiman nangma kapakai le eihuh hinpun kaki san tai. Kalungsung ah hungcheng in. kachonsiet naho akon nei sop thieng inlang, navan gam a cheng thei ding in nei siem tan. Amen.
Hetdinga pha: Pakai lenggam chu ahoinale aloupina tamtah aum e.
You can find equivalent English tract @
