NING THAOGLAO NI KHLAIHI BARAHA DONGMA NANGJAODU?
WHERE WILL YOU SPEND YOUR ETERNITY?
Masthor saosi haphai gibin ha daobailangbaha lamah gmayabani kharimi thaisi dong. Lambragin lamah ha sophaihi ansa saosi, sisa jang daobaiyaba khe bo goronba. “Apha ebo lamah la bajangede thangyaba lamah?” mastor singba. Ebo lamah bajangede thangladubo? “Ojanggede thangyaba lamah khebo?” “Ang tharmaiya.” Ejang gede nil amah khebo?” “Ang tharmaiya” “Ning gibir ansa, musi khebo mithiyayaba” Mastor ansa khe musuba. “Jadu,” ansa thiba, “Ninglai ang lamah gmaya thihi angde jar khe tharmailadu!”
Lugurao, thaoglao ni khlaihi hahthan masi ninthane dengridu. Sainsi ning thaoglao ni hahyu ni khlaihi niyade thaoglao ni khlaihi bisar khlaijaoma. “Gthirao khripbo Boni (Jisu) khurang khe khnahi jar jarni mangkhlong niphrang baigomani bubli sophaidu, sere hamba khusi dangba bonsi baijahi thahnghi dongnang ar sere hamya khusi dangba bonsi baijahi dang gjai thihi bisar khlaijaonang” elai Baibel ha thidu, (John 5:28,29). Ning baraha thangma, ning tharmaidu? Thaoglao ni khlaihi ning baraha dongma, ning tharmaidu? Bo saosi masthor laining, Ningbo khrip jadi mithitharlapure, hasaoni basaoha gbangning mithilapure thikhabo ning thibani yahon ha ning baraha thaohima ning tharmaiya. Thibani yahon ha jing slaipuya: thikhabo jing thimani sgang ha baraha thangma saikhudalapudu. Gabra elai thidu, “ning hajaibani ar thibani sganghaning ang ning khe saikhukha… odebani HAYUH KHE SAIKHULA” (Deuteronomy 30:19).
Ning bedehe hahthan smaihi maima ar nini sothani ha sohimane lamah slaima baokhade eraha mainang.
Hahthan magin ha, habsao garhi mangkhlung ha sohibani yahon ha hahthan masi Sorgo ba Madaini Raji dong. Ebo hahthande lilithithi ar majangsisiyaba hahthanse, santhi ar khajasisiyaba hahthanse. Orahade Madai jang baosi dongsmaine, Boni hamthai khe khajanese. Khrip subungde ebo khe mithinang niya, Baibel ha elai thidu, “Saosibo khnaba ar nuba giriyayaba japhunang thihi saosibo baophuyayaba, bokhening Bo khasaoma nangyaraone Madai salaiba” (1Khorin 2:9). Thikhala sere bo gibiyaba Madaini Raji khe mithiphuma? “grikhyarao ar ringyarao niphrang ning hoihi dengyaba khe ansarao niha ning phnutharbani khlaihi ang ning khe hamjaoma ridu, Baibel ha elai thidu, (Math 11:25). Odehe “ansarao” lai jayarao sening Madai ni rajiha habphuma, (Math 18:3). Odebani lugurao, ning jar khe ringbi grikhbi baoyaba niphrang akhaibuhi, Gabara Jisu niha maigrugru jahi phaikhade, nini khlaihi Thaoglaoni khlaihi thathihi dengyaba khe ning nunang; oraha thangmani lamahyung khebo Gabara phnurinang.
Hahthan gibin masi jakha thaoglao ni Norokh. Bode andar ni rajise, ode Gabara Jisu khe ajaoyayaro dukhu waimu jang thaoglao thaoglao jang dongthani. Daibol ar boni deglarao ni yawaithaini khlaihi bonsi ne salamba; bonsini phap khusi ni “Waini Norokh” salamba (Math 25:41). Daibol ni grao khnakhade, Subung buthubo daibol jang baosi oraha jamma, “habsaoni Rani ni raothai…… subung ni nangjaoma ar libima khe sorithardu” (Eph 2:2,3). “Bo jarni gjai jang ning phap khusi danglama, odehe bo phapi ni duma jang khathaijaoma” (Prov 5:22). Norokh khe “Thithai) bo thidu, (Phnuyaba (21:8). Ebode phap riyaba “sainruji” (Romans 6:23). Marsini khathai nangjaobalai dongbade thithaise, (Romans 8:6). Hamya dongthai dongbade “thithaise” (1Timothy 5:6) olai dongthai jang, ning khere khere thithai jang molojaoma!
Gabara Jisu akhaibuhi jarni bithi khe jinthane serkhruriba ar sere Jisu Khrista khe lonhi Bokhe ajaore bonsi thaoglao ni dukhu-hadi niphrang golam maima ode thaoglao ni hayuh maima. Bode lamah, gibi, ode hayuhse (John 14:16). “sere basa (Jisu) khe lonkha bonsi thaoglao ni hayuh maikha: ar sere basa khe lonya hayuh maiya: thikhabo boniha Madai ni saja dongma.
O phoriyarao, lairepsa khe phoriba gar. “Angla baraha thangdu? Jar khe singla. Thibani yahon ha ang sumu hahthan ha thaohima?” ang hamba lamahyung khe thangma thihi dinining bisar khlaila.
Bihthai: O Gabara Jisu, ang Ning khe ani Gabara ode Sgoyah thihi londu. Ani khasuha khasaohi phai. Ani khrip phap buthu khe susathar odehe Sorgo ha dongjagothai salam (Thaoglao ni hayuh). Amen.
NANGYABA GRAO MASI: thaoglao ni Madai ni rajiha muima ode majangthai ni gibin gibin hahthan dong.
You can find equivalent English tract @
