5 / 100

Live-to-die_Dimasa

Download PDF Tracts

Thimane thahnghi dongba? Niya, thaoglaoni khlaihise (Live to die? No, live forever)

Science dini hamsining mithiriphalangdu, nohkhasao ni basaohabo mithisoriphalangdu thikhabo thithai ni basao ha mithiphlariphuyakho. Doctor, Scientistrao ode philosopher rao thithai ni basao ha ar thibani yahon hala bedehe bokhe saikhuphalangdu. Scientistrao subung bedehe habsao ha thahnghi dongba odehe subung ni saomang ni basao ha mulug ne mithi phlariphalangdu, atom ni basaoha ar proloi ni basaoha sainthidu thikhabo ebo khinthaosisiyaba thithai, khriph ni sao ha thikhginyaba ni basaoha kheisa sening mithiba. Saosi gini thithai ni basao ha kheisa mithidu ar mithisingma nangjaodu ode subung buthu scientistrao ni grao khe jonlaidu. Sahma, gramah, limmah, khoja-muja, khinmah, dukhu, khabaimah, ode nangjaomah, jing ebo habsao khe garhi thangkhali sosibo ebo buthu khe mithiphuya. Buma ni hoh niphrang hajaikhaning, sain ne hamjaoma ridu, eboni proman thithai jang yaoma remlaibalaise. Ebo khe saosibo hamjaodaophuya ar hamjaoyabo japhuya. Baibel ha elai thidu, “Khriphbo phap jakha odehe Madai ni muima bangyadaokha”. Phap ni sainrujide thimahse” (Romans 3:23; 6:23). “Khrip subungbo alangsi thima ode yahon ha bisar jama” (Hebrew 9:27). Sainside jing khripbo thima, habsao ha dongba haning jing Madai jang degaolaidu thikhade, jing thaoglao ni khlaihi Bo jang degaolaihi dongma. Hayuh ni yaosandi khasaoma, khajama, mjangma, gibi, santhi ode minithai  khe jing thaoglaoni khlaihi maiyama odehe thaoglaoni khlaihi thithai ni dukhu, waimu, andar, saojang, lajima ode khabaima jang dongmaima.

Saosi subung thimah ni derga khe khuruba ode subung buthu ne “thahnghi  DONGMA NI LAMAH” khe thidaoyayaba  jinni sgoyah Jisu Khrista phnurikha, “thithai ni raothai khe sjamridada hamba graojma jang thiyaginyaba hayuh khe jinthane bo phnurikha” (2 timothy 1:10). Boni basao ha kharimin jatharba ode bo hajaihi kharimin phikhaogin jahi B.C ode A.D  jalangba. bo jinni phap ni khlaihi thihi thahngthai ar thithai ni basao ha dephlaiba, bokhe phiphba, odehe Madaini raothai jang baijaphinrijaohi phap, thithai, norokh, odehe mangkhlung khe dephlaiba. Bo thihi baijaphinba thihi boni rikhyahsarao proman riba, odehe dinibo Jisude thahnghi dong thihi mulug ni subung rja rjing sakhi ridu, “Ang thahnghi dongba, ode ang thiba, ode thahngphinba, ode ang thaoglaoni khlaihi thahnghi dong, Amen. Odehe norokh jang thithai ni phraogong ani yaoha dong” (Phnuyaba 1:18).

Jisu Khross ha thibani sainkhalibo jar khe maigrugru jahi yaophalaba. Marsirao ni khlaihi Bo thithai khe nainaiba. “Thithai jang Bokhe sdamsomane khlaihi daibol hajora naiba. Odehe bonsi thithai jang khinsinghi remthaijaoyaba niphrang golahm riba” (Hebrew 2:9,14,15).

Jisu Khrista habsao ha thahnghi dongba sainkhali, hayuh, thithai ode thaoglao ni basaoha gbangning sibringkha.  Bode thihi thahngphinyaba ode hayuh thihi, biyadi hamayayaba khe hamriba, gthikhe mthangphinba, muh gana khe nuphinriba, nathongrao khnaphinba, khora khe hemphinrihi khriph niha nujaophinba. Bo Madai khe lonbani basaoha slinriba ode gmangthaosisi khlaihi subung ni nangjaoma buthu khe soritharba. Ode Bo, habsao khe garhi thangbani yahon ni grao khe sibringba. Bo khajahi jinni phap khe horkhulaba odehe jinni dukhu-hadi khe Khross ha batharlaba. Jisu baijaphinba ode jing Bokhe lonba ode Bode lamah, gibi, ode hayuhse thihi jing tharmaidu.

Lamah- Jisude Bupha niha labuyaba gthang lamahse, khriph dukhu hadi niphrang golahm ridu, bedethikhade thithai sophaikhalibo ning khinnang niya, ar thaoglao ni hayuh mainang thihi asa jadu.

Gibi- Jisude gibise, bokhening nini bese nangjaobase, ar gibi ning, ning khe phap ar khinma niphrang golam rimase.

Hayuh-  Jisude thaoglao ni hayuhse, hamyayaba jathai buthu jang sthaiphuya.

Laoyahining thithai ni deglarao nini bese khe langmane, gothna-biphot goron rima, glim-gsa ha hokhlaima, rarima-phurima. Thaoglaoni khlaihi thithai ha thaomani sgangha, Jisu Khrista khe nangjaola. “Angde baijaphinyabase, ode hayuhse, sere ang khe lonre, bo thihi thangkhabo, thahnghi dongmase” (John 11:25). Gabra Jisu Khrista khe lonla, nini phap niphrang kha phinla, odehe ning Bokhe jarni sgoyah thihi ajaola. Jisu Khrista khe gthi niphrang baijariphinyaba gthar ni bese ning jang dongphanang ode thithai nini basao ha musi khlaiphunang niya.

Phai, khna ode sling. Gibi se ning khe phap ode thithai niphrang golahm rima, Bose ning baijaphinyaba ode hayuh, ning khe boniha phaimane jmadu.

Bihthai: “O Gabara Jisu, ang hajaigasi sening hajaiba ar ebo hajaigasi laoyahining jamma thihi ang tharmailakha. Ang jar khe phapi thihi tharmailakha. Ani don-somphothi, ani luguraobo ang khe sgophunang niya. Mudi-gundi jang ang dini niniha phaidu. Ang phap niphrang kha phinkha. Ang khe khasaohi maph khlai ode ang khe susa. Ning jang goronlairimane ang khe salai. Amen.”

 

 You can find equivalent English tract @

Live to die no live forever