Hinna Bua Namin kijitlut Hinam? (Is your name registered?
Hiche leiset a nahung pen chun, nanu le napan napen ni hetjing nadin Registrar office ah naming ana jit lut lhon in, hiche she chu hilou in mundang tampia naming ana kijit lut e. het thei ding in,
- School ah naming ana kijit lut in
- Natoh namun ah naming akijit lut in
- Gam le inn mun nachoh naah naming akijit lut in
- Gari nachoh naah naming akijit lut in
- Voter’e identity ah naming akijit lut in
- Nain a light nakilah lut teng naming akijit lut e
Hiche amang thei leiset a chen nadia bon mun hijat a namin akijit lut tah le, ngaiton van in nom vangam a naming kijit lut hinam? Nathi nung a vangam a tonsot alungmong tah le kipah tah a chen nadia, tunia naming akijit lut ding chu thupi nasah lou ham? Van in nom a um nadin naming tu le tun kijit lut tan.
Vangam a naming akijit lut thei nading a chu epi nabol ngai ham? Hiche nadinga chu nangma, van a um Pathien cha nahi angai in ahi. Bible in hitin asei e: “Ama anasanga ama mina tahsan chan chu Pathen chate ahithei nadingu thu apetai” (Jn. 1:12). Nangman Pakai Jesu chu nalungthim pumpia natahsana, nahuh hingpua naki san leh, ama cha nahi thei ding ahi. Ama bou ahi calvary cross a nachonsiet khiel a kikhen beh a, nathi khiel a thi. Chuleh, nithum lhinia thina kona athou douh a, tonsot a hingjing pa ahi. Nachonset naho cheng naphondoh a, nakhangdong hinkho ama adia napeh doh leh, aman nachonsiet najouse ngaidam intin, ama cha a nasim ding ahi. Chutieng, ama nalungthim chu chamna le kipa na a alodim sah ding ahi. Koihile Pathen cha a kisim jouse, hiche leisiet ahin kipah un, ajeheham eti leh, van a naming u kisun lut ding ahi ati (Luke 10:20). Koihile chonsiet ngaidam na chang a, Pakai Jesu tahsan jouse chu van a amin u kisun lut ahitai. Bible in asei ma bang in, “Koihile Pathiena kona pengdoh chun, chonsiet abol poi” (I Jn. 3:9), Pakai Jesun ama hochu ngailut najal a hiche chonsiet na leiset mun ahi chonse kit taloua, thienna hinkho chu apeh ding ahi. Pakai Jesu cross a athichun nachonsiet she hilou a nadammo naho jouse jong dam sah dinga thi ahi. Hijeh chun, koi hile ama tahsan jouse chu, natna ho jousea kona kikang sea, dammo taloua, damna hinkho aman jing diu ahi.
Hiti ahijeh chun, vangama amin kisunlut louho chu etidiu hitam. Athi nung uva, tongsot a achan diu hinkho chu khoto aume. Bible in hitin aseie, “Koihile hinna lekhabua amin chonglou jouse chu meilhum sunga kileh lut diu ahi” (Rev. 20:15).
Pakai Jesu thisan chun chonsiet sumanga, ngaidam na napeh ding ahi. Ama cross chun sapsiet nakon nahuh doh a phat thei nachan sah ding ahi. Ama kijepna maha chun nadammo naah kon nadam sah ding ahi. Chuleh, ama athinachun nangma tonsot a nahinsah ding ahi. Hiche leiset ahin naming kisun lut hih jong leh, vangam ahvang kisut lut tei in. Hungin tunin Pakai komah, aman nangma chamna le kipana tahbeh, leiset miten napeh theilou napeh ding, chuleh nathi teng vangam a napuilut teiding ahi. Pakai Jesu tahsan pum in anoia taona hi mang in:
“Pakai Jesu, nangma katahsanin chuleh kahinna pumpi nangma kape. Nathisan chun nei sopthieng inlang, nei sil ngim in kachonsiet nahoa kon. Nacha in neisim inlang, hinna lekhabua achun kamin neisutlut peh tan. Chutieng, keiman kahinkho lhum keiin nacha in hinjing tange. Amen.”
You can find equivalent English tract @
