jesus loves jesus help_Konyak

Ütangte peikei ( Jesus ) numan topalan hüyange hangki yih kipalan ,üshei  Ütangte peikei ,hüyange taowe numam toloi meitam phaning ( Mathew 11: 28).Hangjingne Kahwange kahtoknyu  te hüke kenpuwe aoyinne ite ütinglak lakei yamahlak hüyangpoi jintepu üyin ngohlak jingne iye yoi halom pha (John 3:16)

Toinanpalan-e ite nyik , hüyange I ye-i (Jesu) Janpu pha;  iman shange pongpu üshei mepu iye iman yintam.( Tüowelaihem 34:6 ). I ( Jesus ) ngaokeng phawe Iye iman meitam huyange mangjong mepu iman  yinnetam ( Tüowelaihem 107:20). Nyuyong-e yoiha toloimeine tampu kih-e taowe nang toloimei tamlak (Isaia 66:13).

Taowa nang aope-o yepelak (Isaia 44:21). Youngwanpa hangshin meipu nangjingne yamme tuoyah (Tuowelaihem34:8) Jesu Khrista menyih , tenyih hüyange jinte ükum yenang jakihmuh ngohnang (Hebrew 3:8).Jesuwe iyangki “ Lamnyu hüyange ütingpa hüyange jinte pu üyinna tao.Tao yekai ma-a Üpa tangte aowe-o peine yeok .”(John 14:6)  Hangjengne kahta Üha yamlak hüyange aoyin mah ngoh yinlak jingne pei ( Luke 19:10).

Hüyangpoi hangshinne  I yah hüyange I  minme meng, tuolante Kahwang  Üha ne menglak wong iye pha lak( John 1:12). Hangjingne ( Jesu ) i shüpshe kai-e wangngoipu moiman ja phei me ja she iye teman üshei te moiman tamlak(John 1:16). Hupoi teman ünu jingne I maayah,teman-e  Ünu lingpu jingne ite shet . I shaoshi yatenge shangpu jingne teman meitam , Ite yemeipu maapha yangpu jingne teman Üko meimah ( Isaia 53 : 5 )

Taowa nyeeyompa ümei . Nyeeyompa ümeiye nyeelan jingne yoi üyin angtamnanag.(John 10:11). Taokhei “Monglup tuoh”,  hangjingne wangdang ahngching owe peiteki (Mathew 4: 17). Hüyange iman te  I, “ Youngwanpa Jesu te mengtüoh huyang e nang hei nenok yinlak (Lempulan 16:31).Üpawe Üte phayangpu  üshei Ü- tangte peinang. Ü-tangte aoyin pei taowe jange  yeteilak (John 6: 37). Kahwange I , “ Aoyine Üte  (Jesu) ken taowe yintamlak huyange aoyinne taowa youngwanpa she shing yinne anglak. (Tüowelaihem 91:14)

Hüyange tao (Jesus ) taiye numan jingne nyoijing tum kuma-a tao leih yelak , huyange taowe numan Ü-phei yah teilak. Taowe ümeken me ngoh tüoken me numano ngohlak  (John 14:3). Hangjingne ünu küw –a lipu ngohnang , hüyangpoi teman youngwanpa Jesu Khrista me Kahwang jajang japu hunghaowa jinte pu üyin ngohnang.( Rome 6:23). Hangjingne üne-o teman wong mannang wante , hipak khakshuwe khrista ünulan jingne li ( Rome 5:6).

Wongpeng haja ni (2000) shao me aope Jesu khrista kahtoknyu te pei , I ye maapu toimei kahtalan jingne ling yang ki , tak pu lem  lem-e ngoh pu mei tum yangki .Kahwang ahngching pungao ümei nyao tum yang ki . Üne l li pu mepu yange ye hüyange tenyih I üyin me ngohnang. Jesu khrista –a menyih tenyih huyange jinte ükum yenang jakihmuh ngohnang. Tenyih-o I shong te aohi pe iye toloime tamnang.

Yoppu: Jesu, tao –e nang te kun nang ki, ü ünu ümeng win pha , hüyange ütak mei tampha. Üte chingmei ,toloimei hüyange mongmei yahkei. Üte jintepu üyin yahkei hüyange moiheiman tampha.Amen

You can find equivalent English tract @

Jesus Loves, Jesus Helps