ALO KUGHUNO NONGU GHOLO APELO
Alokughuno kiu toi ngoni-e eno iqu ighai keu tsa kea? Alokughuno hipauye timi ngulho no pulo chekeu ke kutomono hipau phu acheni, ikemu hipau panongu lau putosu lo ani. Alokughuno hipau ye akini (rich) no qhumla, alokutsu ye hipau phumla eno azhe kughushuye hipau qhumla. Alokughuno hipau noghi phu eno zhu cheghi nani, ikemu tomlano aghi luvi ghuthu kutomolo alokughuno hipau kuhake ghenguno, timi kutami lau amlo qi, mlakeu ani kesha? Momu olikhi okuxu puhave nishikeu aghiluvi. Küsüghu chukeu lono alokughuno ithulu nimlaye shi aghiluvi, ikemu ninguno ithi ani, kughono küsilighu kuhave nikeno alokughuno ghi kuhave nani, Alokughuno ithulu nike ghenguno küsü ghu chu eno yoga shi cheni. Timi khunoqono küsü ghu shou aqhi (month) 18 kutolo T.M (practice) lumokeno tipaqo lau no kimighi lu ani. Timi khami palikhi xu anikeu ghenguno (timi kuhakeu alo) shi cheni alokughuno ithulu nike ghenguno Ayeghiqha hipau kudau no shizhu akeu ye pano kuxu lo shi kupusa likhi ithulu ani. Tiye pano Ihoayeh lono sholu acheni.
Akuxu hiye kiu avehupu kea? Ningu ye tsala kipetsu kuxulo alokughuno kuhano akeu ye? Kughengu ningu no kaku hipau nongu lau yelu akeu ye hike ningu lau lakhi piye nishi ani. Tiye Alhou pa likhino kuchou eno ashekha kuhakeu lokughuno otsulu nani. “Pano pi” Alokughuno nongu tsu ani tighenguno nongu mlo kupuna momu musa kevilo. Hipau ye kumsa tsa kumoe, ikemu atsa hipauye patsa ke (Jisu) khu pa kuxu tsuve keno tiye ighono okimiye akeu ke. Paye okivipu ghenguno otucho acheni. Thime kutau ye alokughuno otsu mla, ikemu lakhi akeu je pake alokughuno chekeu eno pano tipau otsu lu nani.Paye alokughuno tsu keu ku chou pa jeye Jisu ke.
Nono pulu luvi. ikemu Jisu ye ighenguno kuchou kumoe, niye khilemu ithumla keu kishino thime ithuluni kea? Jisu ye oghenguno kuchou shi aye, noye kuchouno alokughuno ithulu nani, oghenguno paye olau kuchou shimlano akeu ye none palauno kututa shivekeu axine no tishi vepe ani, paye alokughuno otsu nishi, ani ikemu oxine ghenguno palau no kututa shive ani. Ningu mulo alouno ningu kumtsu no ithi ani, tiye kiu no achipi eno kiuno achipi kumokeno, eno ningu vilo shike lopi keu ningu no chilu eno ithi pulaghi shi aye. Ningu ye kuchouno akini ipove ani. Asutsa,nitsu akeu lau. Khu alokughuno nitsu nishi ani keno. Tsala tsa nono ayezah otsu akeu lo amulo tsu kenapiaye, alokughuno ye aghoki toi, nicheke, amikuchomi ye “azughi tukucho akeu toi niche ke” Tsutsala ningu no ningu xine qo pipheve aye paye kuchouno ningu xine qhivetsu nani eno ningu mikuchokumo lono ningu shikimitheve tsu nani.
Itehiye oshou likhivae, nono kuchouno alokughuno luni shi aye, okuxu lo kiu no alhokusa ipi ithi ani keno tipau lono tsughu (turn away) velo eno Jisu vilo okipimi qhive tsulo pi ini julo paye oxine qo qhive tsunike pulo ani kughengu pano kros lono pa kuxu pe tsuve, tiye oxine ghenguno aghime ithulu niye shi akeu. pano pulu (bear) vetsu tiye oghengu eno ighenguno, tishi aye pano ovilo kiu khu anikeno aghokulu shinike kughathalulo. Nono tipau shi napi aye noye kuchou lokughuno ithulu nani, eno alokughuno hipau ye khilemu oqhivemo nani. Kughono oxine ikhi venikeno, alokughuno tsu che keu, kukau Jisu nolau kuchou shi nani.
Alokughuno huno oxine eno kusukini hipaqo kumutsu shivetsu nani. Jisu aghime shino kros lono thive. Tiye oxine lono khaghiphe tsunikeu likhi kumoe, ikemu okusu lone khaqhi phetsu nike ghenguno, Kughono nono paye Ampeu eno oxakulu ipi ikhilu nikeno, paye oxine qhivetsu nikeu ongulho lo alokughuno tsu nikeu likhi sughi amoe ikemu aphimpi (body) lo shikipivi sughi tsu nani. kuchou shilo kughono nono Jisu sasu kusho nikeno alokughuno tsu chekeu kukau no alokughuno otsu nani, akumusa, amulo ghime eno ghimeqhi keu ye omulo lono hauve nani. Okuxu ye ayeghiqha hipau lo aghukishi eno mithikile akeu lono alokuthu alokughuno eno kulakishi sughi tsulu nani.
Akighini: Ampeu Jisu noye kulakishi kukau, niye alokughuno lunishi ani. Ino ithi ani, ixine ghenguno olau no putosu ve ani kimiyeno ixine qhivetsulo eno imulo Ihokusa qhukimithe tsulo eno akimithe jih pesu ishikimithe tsulo. Ishi niye opesu no Alhou-u eno ixakulu-u shivae. Nono ivilo kiu shilo pikeno shi nike kuto ani tighenguno iqhaqhi phe tsulo ishi pivi tsulo eno alokughuno itsulo. Amen.
For more information please contact: contact@sweethourofprayer.net
You can find equivalent English tract @
