Kahvangi Nüngkü Bamnyeih (God Loves You)
Nüngkü üami longi Bamnya, nüng-i nyingei nyüla? Hapüyü jeiyong shempüba Jenlüngpu.(Shakei Vampü:1:8) (kahbhao 1:26,27:2:7 ). Dohpünüshü pü kahvang phahji Bampü homei Büpai Jisu khrista Büpalei hahlom shophang kü dihen shing vaishi shom, hapa homei jenei mang tük bü dangnyeih.(Luk 23:34).
Kahvangi nüngkü mehekei bamnya? Jenei bakahvang i nüngei yangnyü ü kadoknyü kü nyü bü dao lem mapai yao nüshet nephen aok,hatü büpa i nütoh pünyoshem laangha kü shuoh. (Mathi.16:26)
Kahvang i nungkü bamnyeih , shejao Büpai mangkü juhit nyeih , hatü mangkü shahphen phan. Hapheikü büpalei laknyong philei nyupüthü kü, Amphong thaüvaü hetdaipüthü, ngei toueipü lüdaituh, hatü kahshih hatü büpalei phongshanthü shing tempü nedohnetenpü awlei shütuh.Hathüyü nedohnetenpü hanghi shingei shühen, shejao daülangpüthü vanyangyem touei shühen.(Mathi. 25:41, 46)
Mahenangkü Adam i shong Pü ba kü kahvangei van nupang, hapa homei kahdoknyülei mang thah hütü düngpü hatü dipü peitüke.Hapa homei hangko nyü peü mang shennyak lei. Hatü ha homei dohpüneshü pu moloaw lei dainyüke Adami vannüpangbü homei mangthah, shejao jen kü Bampü jenlüng pü ba kahvang i püpalei hahlom shom, Bupa homei jenshing vaishi phaji bampü nyokei shoühtüke (Rom 5:1-21) (ephesia 1:3-14)
Jisu nüng shing vaishi di.Nüngi büba kü hinglem jüma dohpüneshüpü vangsho chingei püba-i mühen.Mehenangkü mangei lat-ü dipü, shejao ang kübü kahvang thintho-ü khrista Jisu homei SHEMBüPA kü yangnyu nyüke.(Rom.6:23)
Kahvang i nüngkü müshük Bampuang! Mehenangkü Büpa-i bampü homei nüng mangkübü yanglang henshing vaishi vangsho phongshan nuvai shejao bupalei halom ha kahdoknyu lei shom (Johan.3:16). Shembüpa daülang shemshipü hatü üam-i büpakü hinglem nya hatü mang kübü yangei nyunya büpai dalüng shemshe pükü dahshak hühan.(Johan.3:3) (Rom.3:24,26) monglepei shahjang Mei Ku hinglem tuh (Mark.1:15).
Hanangkü üpa shophang kü nüngei yangnyü shing vaishi di püba nüng lompü yemleipüpa vaiei yahhahtuh.Hatu mang kübü angei leitü shembüpa kü hinglemtuh.Kahvangi jisu lei iy homei nüngei mang peu paütük, hatü nüng-i büpalei shah dantü ven bangei nyujuma.kahvang laangha daülang pü homei nüngei yangnyü Ku jeilei bü yahphan hatü mongdang ja yahphen. Hatü büpalei ongchingling-ei nyühen shing vaishi büpai nüngei yangnyü kü bampai, mongongmongle pai chingmei vangmei-i hatü büpalei kehikon nganhivongi nüng ei yangnyu müphan.
Bampü kübüthü, kahvang laangha shah Bangtuh. Yangnyu jaa lingei kahvang tou-ei nyokei leituh . Nüngei yangnyu hük mon, müjü dihen nyingei nüshu, nüngi yangnyu yam danghen dendenlem tanghen shing vaishi kahvang phahji bampai hepak mei shouh nyuke. Kahvangei pü mang tük pü ang nadangphei kü nüngei laangha yü mechemao nemettaipü ow phong ei shokhen (Mark.9:47,48) Diphei kü mang dükpü neshü shejao shah phen pü Mon ponghen. (Hebrew.9:27) Jisu khrista yü yangeileipu yangnyu yem.Büpai nung dipü nyih nüngi dükpü Doüai mu shah phenpahen. (Johan 11:25)(Johan.5:24,29) hanangkü nüng kahdoknyülei yangnyu meishi nyüyang kü hapa shah phen pü nyih ponghen teih-ei tang tü yangnyüyem danghen mü nyutuh.
Nüng mang shennyak. Nüngkü shahphen pü nyih ngoi kan, hapa nyih nüngi yangnyu yem danghüjüma shembüpa Jisu khrista kü mang lahtuh, hatü büpa i nüng kü mang tük phan. Nungi mang tük bü danghen shing vaishi nungei mongdang kampai shembupa kü hapakei phopei nyutuh.
Phoppü : Bampu opa, ngei mang shennyak, ngei shing vaishi nung di, ngei kü mang tük shih. Ngei puong pü peü tuh phong tü ngei nüng toüei pei kü nyeih. Ngei hinglem nyeih, ngei kü yemlei pu shouh phen shing vaishi nungei ha lomha shophang kü di. Chingmei lam nüngi nüngei iy homei ngei kü mang tük tü, ngei nüngei hapeü lei hühshih. Shempuba ngei nung kü nyuk nyeih.Shenyih mü leitü ngelei yangnyu kü nüng yemlei püba vaikei.Nung mü nyühen shaühshih.Shempuba ngelei laangha yang pü shing vaishi nung kü menvih nyeih.Jisu lei men Ku phopnyih. AMEN.
“Yangnyu yem kahvangha vaihen müshük lashumei püang.Nung yangpu Jisu ku tüngei menvihshouhtuh”.
You can find equivalent English tract @
