HATO LA DEP REGISTER MO IA KA KYRTENG JONG PHI?(Khasi-Is your name registered)

Download PDF

Haba la kha ia phi sha kane ka pyrthei, ki kmie ki kpa  ki la register ia ka kyrteng jong phi bad ki bor sorkar kiba dei khmih ia kane ka bynta. Nangta shuh shuh, ia ka kyrteng jong phi la register ha ki jaka kiba pher bapher ha kane ka pyrthei, kum ban ai nuksa:

• haba la pynrung skul ia phi
• haba la pynrung kam ia phi
• haba phi thied jake lane iing
• haba phi insure ia ka kali jong phi
• haba phi plie account ha bank
• haba phi ioh ia ka card ration
• haba phi ioh ia ka dur ban thep vote
• haba phi ring light ia ka iing jong phi

Lada ia ka kyrteng jong phi donkam ban register ha kiba bun ki jaka khnang ba phin lah ban shong ban sah ha kane ka pyrthei kaban kut noh, haba kumta kumno pat shaphang ka bneng? Hato kam long mo kaba donkam ba yn register ia ka kyrteng jong phi ha bneng mynta hi, lada hadien jong ka jingiap jong phi, phin hap ban im hangta ha ka jingkmen bad ka jingsuk shilynter ka bymjukut kaban ym kut shuh lano lano ruh? Hooid, ia ka kyrteng jong phi donkam ia kaban register hangtei mynta hi.

Kaei kaba phi donkam ban leh na ka bynta ba yn register ia ka kyrteng jong phi hangtei? Na ka bynta ban register ia ka kyrteng jong phi ba Bneng, donkam ba yn pynkha ia phi ha ka long iing jong U Blei. Shaphang kane ngi pule ha ka Bible: “Kat kiba la pdiang ia U, ha kito U la aibor ban long ki khun U Blei, kata ha kita kiba ngeit ha ka kyrteng jong U”(Ioan 1:12). Lada phin ngeit ha U Trai Jisu da ka dohnud jong phi baroh bad phin pdiang ia U kum U Trai bad U Nongpynim bashimet jong phi, phin sa long u/ka khun jong U. Dei ma U Uba la shim noh ha kalbari ia ka jingpynshitom kaba phi dei hok ban shah namar ki pop jong phi, bad Uba la shah iap na ka bynta jong phi. Ym tang ba U la shah iap, hynrei la pynmihpat ia U ha ka sngi kaba lai bad U im ha la karta. Lada phin phla ia kawei pa kawei ka pop kaba phi la leh naduh ba phi dang khynnah, Un map ia ki pop jong phi bad Un pdiang ia phi kum u khun ne ka khun jong U. Un pyndap ruh ia ka dohnud jong phi da ka jingkmen bad da ka jingsuk jong U. Ha kita ia kiba la pynlong ki khun jong U ha kane ka rukom, U la ong, katba dang don ha kane ka pyrthei, “To kmen namar ba la thoh ia ki kyrteng jong phi ha bneng” (Lk 10:20). Ia ka kyrteng jong kito kiba la iohpdiang ka jingmap na ki pop jong ki, da kaba ngeit ha U Trai Jisu, la register ha bneng. Nangta shuh shuh, kumba ka Bible ka ong, “Uwei pa uwei baroh ba la kha na U Blei um ju leh ia ka pop” (I Ioan 3:9), U Trai Jisu U ai kum ha kita ia ka jingaiei ban im ka jingim kaba khuid ha kane ka pyrthei kaba pop khlem da leh shuh ia ka pop. Nangta pat, mynba U Trai Jisu U la iap halor ka diengphna, U la bah ym tang ia ki pop jong phi hynrei ia ki jingpang jong phi ruh kumjuh. Kumta kito kiba ngeit ha U ki lah ban im ka jingim kaba koit bakhiah haba la pyllait ia ki na ki jingpang kibym lah pynkoit shuh.

Lada kane ka long kumta, kaei pat kan long kaba kut jong kita kiba ia ki kyrteng jong ki ym shym la register ha bneng. Shaphang kita kiei kiei kiban sa jia ia ki ha ka sngi bishar, hadien ka jingiap, la thoh, “Te jar ia uba ym shym la shem ba la thoh ha kata ka kitab ka jingim, la bret ia u sha  kata ka pung ka ding” ( Jingp. 20:15).

Ka snam jong U Jisu ka ai ha phi ia ka jingmap da kaba pyndam noh ia ki pop jong phi. Ka diengphna jong U ka ai ha phi la ka jingkyrkhu da kaba weng noh ia ka jingtim na phi. Ki jingjngemsnam jong U ki ai ha phi ia ka jingpynkhiah na ki jingpang jong phi. Ka jingiap jong U ka ai ha phi ia ka jingshlur da kaba weng noh ia ka jingsheptieng ia ka jingiap. Lyngba ka jingim jong U Trai Jisu phin iohpdian ruh ia ka jingim bymjukut. Ia  ka kyrteng jong phi yn thoh ym ha kane ka khyndew hynrei ha ka kitab ka jingim kaba don ha bneng.             Mynta hi ka sngi wan sha U Trai Jisu khnang ba phin iohpdiang ia ka jingsuk bad ka jingkmen kaba shisha ia kiba ka pyrthei kam lah ban ai, bad ruh ia ka kabu ban rung sha bneng hadien ka jingiap jong phi. Da kaba ngeit ha U Trai Jisu, ong ia kane ka jingduwai harum”