the one who gave his life

Ukepenuopfüe Puo rhi nunu themia chüshü. Süla Themiae Ukepenuopfü ze kepekro di puo nou mene mu puo nou puo nei, tsiu puo mo nu rei shürho tsei di ba vor. Derei themiae phoumakewa yawi nu puoe puo Kepenuopfü ze kepekrokecüu pejüwa, puo nou kenei mu nouneu pejüwa, mu sidi nousuo nouzhie die chüta, kechükenyü puo mo gei nyita, sizokemo, puo mo nu, ruopfü nu mu kerheiro nu kerülei kejü chüta. Sükemhie keta thau nunu themiau rhalie di pejükewako pie puo vie chü lashü ketuo la teicie 2000 voketa ki u Chüürhikeshü Kepenuopfüe puo chü puo zie nunu penuo pie kijü hanu shü di lhou vor, puo za Jisu. Kephouma kejü kelhou se di kephouma kijü hanu lhou di rünako nu mu nadiko nu vo di themiako gei mhakavi chü. Puo miciemiako chüpevishü di uko bu mhangu lalie, nyievümia bu mhapfhe silie, keliehuomia bu diepu lalie, mpamia bu vi mesa lalie, terhokesuo bu u kebei ze ketuoko shüphrashü mu dieliekeviu pie ketsopfhümiako pethashü.

Thezieu se mo di kejo kemou vakelie jüta zo. Thezho-u nu thezieu pie u ruopfü ruotho ruorie chükelie pushü, süla u Niepu Jisue themianuounuo pete la pephi pedou sei geinu siashütuoü Puo pepilie. Rommia rupfhü­nuokoe doneiü chü di Puo pechüpenyü, zohou kechie pie Puo tsüre chüshü, kethe pie Puo vü mu kero pie Puo rha. Sikewa sie krus geinu Puo gouwa – gojal pie se Puo gei zhie di.

Niepu Jisue kephouma si ma, kephouma chümo mu Puo gei kephouma tuo mo, u kejo kemouko la Puo bu rüzalie ukerüzhüko la Puo vümvüshü. Kephouma zhakhrau Puo thuo pfhülie di noune khashü. Kephouma zhakhrae kesia zo. Themiae puo kephouma zhakhra ngulie ketuou Niepu Jisu thuo pfülie di krus geinu sia wate.

“Derei Ukepenuopfüe u khriekecü süusü we phouma ketuo nunu Khristae u la siawate” (Rom 5:8). Niepu Jisue Krus se chükecü rübei mo derei Puo thuo pedzü pukeshütuoi kesia mu mizie mho kuolie di zha se nhie rheilasiete. Rhei sieketaue teiko mho siete mu Puoe thie ketso u la rheituo ta zo.

Kekhrie kezemiako, nie Jisu mezhieko le medokeshü sie n nou kekhrü kereu zeüjüta zo tuo we. Mhanuü noe n mhidzü pekrü zo di Niepuu bu n kejo kemouko vashü nu chalie liro Puoe süko vashü di, noune, kenei mu kerülei pie n tsü zo tuo.

“Puo Nuou Jisu Khrista ziee u kephouma kheko nunu u chükemesalieya, mhanuü we u kephoumako phraskülie liro, Puoe dietho mezhü di u kephoumako vapie u tsü zo tuo” (Johan Kerieu 1:7-9).

Jisu Khrista Krus geinu sia keshüe u kephoumako la rübei mo derei u kechükenyüko la rei sa we. “Puo thuo u chünyüko pfüliete” (Mt 8:17). “Puo gei kevüpfüko la we shüholie” (Isaya 53:5).

Themia kephoumako la rüse vorta mu rüse la kechükenyü themia gei vorta. Niepu Jisue krus geinu u chünyüko pfu phreliete. Mhanuü Puo kevüpfüko la we shürho­lieyaü liro kechükenyüko nunu shüphra tsikelie ngulie vi zo.

Kekhrie kezeko, Niepu Jisue, u la Puo phou khashü mu u la rhei rei tuota ükecü peleya liro no Puo zieu geinu n kephoumako mu n kechükenyüko nunu shüphrakelie ngu lievi. Jisu Khristae n khrie n ngumezhie phi di’ n bu kemesa kelhou se teigei volie nu di n kieya.

Mhanuü Jisu Khrista seu geinu theja kevi kebako ngulienyü ü liro hamhie di kechachülie cie:

“Niepu Jisu, No a kephoumako la Kelvari Krus gei N kelhou khakeshü peleya. A kephoumako vashü a tsü cie. N zie nunu a chükemesa mu a chüpevishü cü mu. A N pie a Kelakelieu mu a Kepenuopfü chüliete. Thieyawi nu N nuo chü di lhouta tuolie. Amen”.

For more information please contact: contact@sweethourofprayer.net

You can find equivalent English tract @

The one who gave his life for you