NO KECHACHIE KIRA PUO PEVOTA?
Kepetha thetsimia puoe rühou kemehü kepa puo nu rüvo di la puo chau pfhülie si mo tuota. Puoe vor chatiechü puo tsokelie ki nhicunuomia yo puo puo pfü ze rühou tuo di ze keselie. “A nuo cha lu-u ze ro kitsa puo votaya?” idi nhicuyo ketso sie, ru luyoe sie, “A si molie” ita “Di siro cha hauro kia?” idi ketso lashü. “A si molie” ita. “Di siro cha hauro Kia?” idi ketso lashü. Sirei nhicuyoe la sie “A si molie” ilata Themiaue kemekrieta mo, la sie “Lue Kia? ishü derei, “A si molie” chuta. Süla kepethaue sie, “Nuo nyatshü zayo puoe ha, no mhapuorei si kemo ‘idi puta. Nhicuyoe sie, “U, derei a mhapuo siba. Süu n tuoi di a thuo a pedzüwa mokecü” ishü.
Kekhrie kezeu, telhekechachiee n mhodzü nu khapie ba zo. Noe kechachie kerhei moro kechachie pejokewa nie puo moro kekreiu an votou zo tuo. “Mekhru nu kezhüko Puo (Jisu) pfhe si di la sier ketuo tei puo vorzhie” mu uko sielie tuo, sidi kevi kechüko rhei la sie kerhei nu votatou mu kesuo kechüko rhei la sie pejoketuo nu vota tuo”, ikecü Baibel-e puya (Johan 5:28,29). No kitsa puo vazhü shi si ba nyü? Kirapuo nu telhe kechachie pevotieya shüi no si ba nyü? Kepetha thetsiu tuoi noe kelhou hanu mhakekra si ba lievi, kelhou caülako si phi ba lievi, derei n se sie kirapuo vatieya shi si ba mo lievi zo.
Kijü hanu kelhouu sietsa kelhou puo keba süu therhie kelie jü zo, süla we puo moro kekreiu kedalie di lhoushü morosuote.” Pulakeshu 30:19 nunu Niepuu die sikelie, “A kerhei mu kesia pie nie mhodzü nu shashü ho….. kerheiu kedalie luo” ishü.
Mhanuü niee vo ketuo thechüu kedituoü liro hakemhie di kedalievi. Kijü hanu mekhruu sietsa kijü thechü kemeyie puo liro teigei morei Ukepenuopfü Kédi rüvie nu. Thechü kesokezie mu zivi kecü rüna puo, noune mu kenei tsikecü chü u la kese pie keba pu. Miahoumiaruomia süu siketsokelie jü zo, kekreilamonyü Baibel-e pupiekezhü, “Umhi pie ngumo, u nyie pie sishü mo zo, morei themia melou nu le mo, süusü puo khrieyakezhako la Ukepenuopfü kesepie zhü” (Koriu Kerieu 2:9). Di siliro suomia nie Ukepenuopfü kedi pekhre se ketuou si lie vita? “Tei kiju Niepuu … Noe kesi kelemiako ki we keviewate mu sidi se nuoranuomiako pesi pengushü” idi Kepenuopfü die nu ngulie (Mt 11:25). “Nuoranuo” süko thuo Kepenuopfü Kedi nu leliekevi zo. Süla kekhrie kezeu, noe n therhu tha kerkrie nunu rünuo la Niepu Jisu ki vorlie liro, telhekechachie nu u la kedipuo khapie bashi silie tuo, mu Niepuue thuo n cha thapie sünu sh üshü zo tuo.
Telhekechakechie thechü kekreiu la liro, Mizie. Thechü suüe zeiboui mu nousuo nouzhie rübei zo, sünunu Niepu Jisu meliekewamia pechüpenyü bata tuo. Thechü suüe satan mu puo dieliemiako zhorüli ki ze di kese pie ba, uko kerüzhü thuo mizie pesiekelie (Mt 25:41). Themia rei terhuokesuou siedzi chüketamia, teikhrie gei ketuo kediu sie pie di chüüphou menguko mu unoule menguko nu tuoketamia sünu vo zo tuo ” (Ef 2:2,3). “Kerüzhümia u rüzhüu thuo u teshülie tuo, mu puo kephouma rhüko puo teshülietuo” (Mhasi 5:22). Mizie hapie “kesia” ireiya. (Pesik 21:8). Kephournau zhakhra-e kesia zo (Rom 6:23). Uchüuphou kelee kesia zo. (Rom 8:6), kephouma kerüzhüko nu lhoukecüe “Kesia” zo (Timothi Kerieu 5:6), rülili di kephoumae u mezulietaya.
Niepu Jisu zo tsur di Puo zie pekrukeshü süusü kehoupuorei Puo pelekeliemia kechachie kemezhieketuo-u therhielietuo, sidi kechachie kerhei ngulie tuo. Puoe chau, ketho-u mu kerheiu zo (Jn 14:6). “Nuou (Jisu) pelekelie khe kechachie kerhei nyite mu Nuou pelekemomia kerhei ngu lielho, sikecüumonyü Kepenuopfü noupfhüu puo gei batc” (Jn 3:36).
Kekhrie kephrümiako, n chau nunu thashücie, N thuo n ketsoshülie, “A kitsa vatazhie ha? A se sie thechü kiu nu volietieya ha?” Thie no rüvie vo kezhüu puotoukecü chau nu vozhüü kecü sitou di chüliecie.
Kecha: “Kekhrie Niepu Jisu, a N liepie a Niepuu mu Kelakelieu chüliete we. A nou lerliecie. A kephoumako khrü mpouwa di a bu rei Teigei (Kechachie Kerhei) nu volie keshü chülieyi. Amen.
Nieko pesikeshü:
Kechachie Ukepenuopfü Kedi nu puo tha kekreikreikecü kekra ba-zapuzayie rei kekrei mu u zievi rei kekrei. “Kechachie nu thechüko si salienyüro” nie vor di hieko ze keselievi.
You can find equivalent English tract @
