Healing is yours_Phom

Shennyak hük ei mophimo, kehikon hatü napüpeü nyu lang mao, büpalei yangnyu kümongong , nyioshemmei, chingmei nadangoak nyu. Bupai chingmei, nyioshemei danghen shing vaishi kahdok nyü mophimo tükei longi khenyüke, shejao hathü peü nanglei neshüpü mang doumon vaitainyüke. Kahdoknyu mophimo homei büpa lei laangha kü nyioshem mei shouh pü hatü yembüm kü tüngpü, dipü koei pei nyeih shei nünying nyu.

Mechem kahvang i shennyak lingpü shang büpai bupa anshi Mon nevai shejao mongong kü, chingmei kü hatü nyiomei kü yangnyu yem shoühtu yambum meishi lüngtüke. Mechem shennyak i büpalei yangnyu kü moihiman mahtük pümon nevai halangmao yembum hatü laangha kü dipü nyempu mongshang pülei-aaleitüke

Kahdoknyu kü tin Meihen meli lem longi nyüke, shejoa hapa Meli-i hangko nyü kü hüshem shi meipü nüshouh nyu. Doctors-i hatü kahdoknyu meli-i meipü shoüh pü mu nyei shi din lem jaa vam nyüke hakei pü hanghi nüng-i pong shing kü mei tük pü na-ei doctor lem lao lao yüm ei nyühen.

Bampü kübüthü, Shembüpa Jisü khrista homei din meitükphan  nüng i mon bupa kü hinglem jüma! Shennyak kü meitükbü shouh aok peyü büpamon, büpa-i ngei-yü shembupa am kü dinlempaü meihüioakpü. (Mülangpü 15:26) büpalei makaw homei jen kü meitükpü shouhnyeih. (Isaiah.53:5, Mathi.8:17) shembupa Jisu-I,  hanggovih kohbüthü amphong ngei toüei peikei ngei amphong kü ngioshem mei shouhen shei nyüknyeih (matt.11:26) shembupa Jisu i peü shak kü aokpüdang pü yangnyü yem, üam-i büpakü hinglem nya büpai lahtükpü yangnyu yam danghan.

Nüngi shembüpa jisu khrista kü nungei mang paü deiheitangtü nüngü lompü jelangbüpa vaitu yahjüma büpai nüngkü mang tükpü mon nevai shejo laangha kü nyiosham mei shouh pü mon nevai shejao büpai nungkü büm kü düng pü paü mei tük phan.(Menvih Kesho 103:3,4). Bupai büpalei shahjük homei meitukpü shouh nyeih büpa-i kasha leipü yangei leinyeih (Menvih Kesho 107:20) Shempubalei shah homei hapakei e-nyüke “Jen mangtükpü dang tü daülang-i nyuhen shing vaishi bupai shophang shang-ei laophü lei büm kü jenei mang ko tüke” (1 peter 2:24)

Büpai muchem düngpüthu kü peukushinshang -ei teihtüke, Büpai ngom püthü meihü, iy yan ei düngpü nyüha hük ao meihü. Büpai mük phüng pü thü eei hü, thongang püthü i danhü shahnüe oak püthü i ehü hatü lakho la nopüthü ao kamhü .Büpai di püküpü ao yangei leiaok.Jisu ü mechem ao nüjelei pü, büpalei lak- i nüng kümei tük pü shouh han shenyih ao nüng taomü nyüke.

Shembupa Jisu lei Wong i yü janei büm kü meitük pü shoüh pümon nevai shahjao laangha hatü mongdang kü lüphü kahdoknyü meli hi medük pü shouh pümü nyei shi nyüshem mei shouh nyeih.

Lüphü kadhoknyü meli i numei aokpü din nüngi meitük hahü juma shembüpa jisu touei nungei yangnyu lanei shouh tü bupa pheimütüh.

Phoppü : Shempuba Jisu, nüng ngülei mang shing vaishi mon shophang kü dipü nevai shejao ngei kü düng pü meihühen shing vaishi ao dipeih shei hinglem nyeih ngei kü mangtük tü düng pü peu küpü meihüshih ngei ngelei yangnyu ngei daülangshemshepü yangnyu nüngei heihhü nyeih.

Nyeinya shahchang shing: Contact@sweethourofprayer.net

You can find equivalent English tract @

Healing is yours!