The one who gave his life for you_Dimasa

Madai jarni saogarilai jasosi subung khe sangsaiba.  Subung, Madai jang dongphalaiba sainkhali, Santhi jang khajama boni niha dongba odehe saobo hamsisi dongba. Thikhabo jekhali bo phap ha glaikha okhali Madai jang degaolaikha, odehe boniha santhi ode khajama girikha, dukhu-hadi jang gablaikha, saomang ha sahma-sumah sophaikha, odehe bese ha, saomang ha lengojora maiyakha. Bo subung khe sgophinmane ode bo gmajaoyaba khe mairiphinmane khlaihi, jinni Gabara saomang ode thi jang, Jisu ni bumu jang, ebo habsao ha maithai jang rjingin maithai sgangha hajaiba. Bo, phap girihi hajaiba, Bo phap khusi dangyahi ebo phapi habsaoha dongba, subung buthu ni hamba khusi dangmane khlaihi Bo khrip raji ode sohor ha thangba. Bo gana khe nuphinriba, nathong khe khnaphinriba, abra khe jophinriba, khunti jayarao khe hamriba, sgo-sgain jang dukhu rijaoyarao khe sgoba odehe dukhisaraone hamba graojma khe sainthiba.

Thi seryasi phap maph japhuya. Darani mothaphi elai thidu, bese ni gohlamde thi jang sening maima, jinni Gabara Jisu, marsi marsa ni khlaihi jarni thi khe renmane bisar khlaiba, odehe Khross ha thimane Bo jarni hayuh khe yaophalaba. Rome ni siphayarao Bo khe saomang gablaisi dukhu riba; odehe boni  khro ha busuni khrothu thuriba; goda jang suba, jaoba. Yahon ha bo khe daobra ha dikhthaiba.

Gabara Jisu, phap khe mithigrongya, phap khusi dangrongya ar boni ha phap kheisabo giri, thikhabo jinni gjaini khlaihi dukhu rijaoba, jinni gjaini khlaihi jaorephjaoba. Bo dukhu rijaobani khlaihise jing santhi maiba. Phap ni sainrujide thimahse. Marsi marsa jarni phap ni khlaihi maiginyaba dukhu khe Gabara Jisu ajaotharlaba odehe Kross ha thilaba.

“Jing phapi jahi dongba sainkhali haning, Madai boni khasaoma khe jinthane phnukha odehe Khrista jinni khlaihi thiba” (Rom5:8). Jisu Krista Kross ha thiba sening niya, thikhabo gdaha grao thilabalaise jaba, Bo thithai jang norok khe khe dephlaibase ode saintham jang Bo baijaphinba. Jisu baijaphinba, nohkhasao ha gakhulanghi Sorgo ha thangba ode dinibo jinni khlaihi thahnghi dong.

Khasaoma ni lugurao! Nini khlaihi dukhu rijaoba khe nini khasuha baohi naikhade, ning baosongsi baoyaba gilitharmase. Odehe ning mudi-gundi jang Madai niha nini dang gjaini khlaihi maph sainkhade Bo nini gjai buthu khe maph khlainang odehe ninthane santhi, khajama ode lengoma rinang. “Jing jarni  phap khe sikhar khlaidu thikhade Jisu Khrista ni thi jinni khrip phap khe susathardu. Bode joban slaiya jinni phapkhe maph khlaidu” 1John 1:7-9).

Jisu Khrista jinni phap ni khlaihi sening Kross ha thiba niya, jinni limmah-samah ni khalihibo thibase. Jing jrai-jro jayaba ar jini limmah-samah khe Bo ajaotharlakha” (Math 8:17). “Boni mainthi jang jing hamtharkha” (Isa 53:5).

Subung phap khusi dangbani khlaihi sahrithai nangba, sahrithai nangbani khlaihi limmah-sahma subung niha glaiba. Jinni limmah-samah ni khlaihi Gabara Jisu Khrista thilaba. Jisu ni mainthi jang jinni samah-sumah hamdu thihi jing londu thikhade jing limmah-samah niphrang gohlam maihi dongphunang.

Khasaoma ni lugurao, Gabara Jisu nini khlaihi Hahng riba ode thahngphinba ode dinibo nini khlaihi thahnghi dong thihi ning londu thikhade ning dinihaning  nini phap niphrang ning gohlam mainang ode Boni thi jang limmah-samah hamnang. Gthar donthai donghi, Sorgo ha thangpugone, Jisu Krista ning khe khasaohi longdu.

Jisu Krista ni thithai jang hamba hamthai khe ning maima nangjaodu thikhade ebo Bihthai khe ning bih.

“Gabara Jisu, ani phap ni khlaihi Ning Kalvari Khross ha ning jarni hahng khe riba thihi ang londu, ani phap khe maph khlaih. Nini thi jang ang khe gthar khlai, ang Ning khe ani sgoyah ode Madai thihi ajaodu, ang nini sah-sikh jahi dongma Amen”  

Ar mithidaosingmani khlaihi eraha rikhi: contact@sweethourofprayer.net

You can find equivalent English tract @

The one who gave his life for you