Nang-a kahta Ütam phei yoi yoi ne mei puja ngoh nang (You are someone special)
Üne pa nyih aope tao e ngaolanlai te lei ngoh yahpeih, hatüome laknyik lak pa ütem hüke tüo yangki “Kahta lili-e nang-a kahta jashe shing oklak jing ne kahta jane ngohlak wongpong.” Tao ütenja lak üneo yelak pei lei. Hatüo a teman juteih te hangshin ngao tem lak pa shi.
Hatüo konnyutuk me in pu jin me kahta wong a koksang manpa toishao-e okpuhei tüo pu kai-e nanlei ne tem. Üting pa kahta shang pu-a yeshing. Toiling ken me sheko netan hangne o yejipu ne ngai tai pu yang. Kahta lan me konjong üjingha pu hei ngoh nang. Yengnyu te yeng üjingha sehpu kih ngoh nang. I lak jingne yeonge shu nang, kahta ütam a wonhei wangpu me mei pu lan, lok hei lei pu me mei pulan üne ülao lam me mei palan o ngoh nang. Iman a ükhong pangnyu ha mük me meingi neok üne mongha ne temne ok hapoi kahtamaa puao teman phei lam me kem me hüo nang sheyong pu jing a yeshing pe lenne tai nang.
Dr Donal Forman of North Western University Medical School USA kai e ipu a, kahta ja pum a yongyeng me phen ne leiküma a $3.50 ngoh nang. Monglanpu hipak me yongyeng a 90 percents hei ngoh nang. Hükih pu kahtaoknyu me kata lan a hangne o yeji pu ne meang nang. Lwngmei ne jeyah naha ne jeyah iman-e yeong nun pu phei toiling pume iman-e ngang pu a ükhong-e yeshing kuma hangshinne iman mongshih ngai ngoh lak. Iman juteih a ükhong-e yeyah I man-e kahtoknyu monghah ne yetam küma-a iman a hangne-o yeji.
Kahwang ngaolai me Jesu e mah pu nyeeha ngaoleppu jeng ngao yang ki. Hatüo pungao a pungao ümei Luke 15 me ngoh nang. Nyeeyom pae I nyeelan ghoja yome ngoh. Tüolan yome nyee aha ja mah. Iye nyeeha lan tetu phei me tu ang tuoh yang-e nyeeha ja mah pu yam lak jing ne tai. Kem pu lame ütuh maa hao yangki, hüyangpoi mah pu nyeeha-a yem me tüo lak jing ne ngang, ükümne iye tüo yang ki. Üm, mahpu nyeeha ja-a tüo yangke. Nyee yompa jingne yeong wongpong ne meang nang. Jesu e yelak pe-i “Tao-a nyeeyom pa ümei, nyee yompa ümei-e ye i uyin phen pha nang” (John 10:11).
Nang-a mah ngoh pu nyee ja li ngoh neok, nok me pu yeong-e jai-e waken ne ok, hapoi nyee yompa ümei jing ne-a nang yeong-e wongpong ne meang nang, I jing ne nang a kahtoknyu no shepu phei nehoi shemei pupa. I yoi üyin phei nehoi phei shewan pupa ngoh nang. Kahwang nago lai kai-e inang “Teman aope ünu kahta ne ngoh yah peih, Khrista teman jing ne li (Rome 5:8) iye yelak pe Isaiah hipa kaie ngoae tem, “ inyu-e dumhup ngoh pun aha pee win ok lak jeya, ya nao ngoh nyoi mepu naha te yah yi yeng pe ngoh oklak jeya? Üting me yhae pee win ne yeok (Isaiah 49: 15) iye nang jing ne teih nang. Sha-a pu nang yaphen hangke ngoh nangke, nang-e loishe hak nang. Iye lei pume phei wan-e ngi üne-o nang kahta lanphei yoi yoi ne meipu ja ngoh nang.
Lai ipalan hatüo lai man winpe hatüo lai ngao te üting lak yah. Nang a kahta ütm ja jingne hanghi wongpong neo yejipu kahta ne yeji, ükhong e yeshing pu kahta ne yeji üting ting ha me nang-e huke teih ne ok, nang te aohi yeo yeken ne ok, aohi yeo nang te üting she yeteih ne ok. Hüpoi kahta ja ngoh nang, aohi e nang te ken nang aohi e nang shing ok nang, teman mongjang me yahhu pu phei iphei let-e ngoh lak yang. Nang a kahta ütam ja ngoh nang, ijing ne kahta utam yeong-e phei wan pu phei ang lak pa, kahta utam aojing ne nehoi lilac, aohipa I muk lei me yeong mei ngi nang. Jesu-e nang te ken nang. Nang yin lak jing ne, nang umeang win lak jing ne, chingmei pha lak jingne, mong mei phalak jing ne une nang mong hah pu ulum lili pha tam lak jing ne. Khrista phei shei e ngoh yang e iha ne meang tuoh.
Nang e ine ok, tao a yeong jai e tai tuki mong hum lak une hang o kyenang. U unu rah ne ngoh nang, aowe ute ye jum ok lak. “ipu iye yekum pe lungmei une hashih nahalan maa e Jesu Khrista me monghum tuo e ngoh nang. Uyin ula mongmei ching,muktak pee ula tuo nang Khrista me iman e yeong e phei wan pu phei chingnyoi lak tuo nang. Nang uyin jing ne Jesu Khrista te jan kuma a, hatuo a sha atenyihnehoi ngai ne ok.
YUPPU: “Kahwang tao wa ünu kahta, üte ümeng win pha. Ü nying nying ke hang ke yejumok, tüo khei nang shong te yepei ok. Nange ken nang she tao üting lak nang üne nangujing ne li. Üte jumpha len tepu hipak te dokphei luppe tai ok lak jing ne üne nang phei nyih phi uyin me kem lak jing ne üyin lan she nang te pha nang. Jesu min me yop nang”. Amen.
You can find equivalent English tract @
