Nangma Miman Lu-tah Nahi (You are someone special)
Nikhat lekhabu neokhat kasim leh, lunglut umtah thucheng khat ka mudoh in, hitin asei e: “Mijousehi mikhat adin mikhat ahi, mikhat pou pou ahithei nading in.” chomkhat kaki ngan, kathah sim kit in, “MIJOUSE hi MIKHAT adin MIKHAT ahi, MIKHATPOUPOU hithei nading in.” lungthim kaithoutah thucheng hitam hiche hi.
Tulai computer khang ahin, mechine jaat choum chom in mihem tha akhel gam tan, mihiem aman lut dan koiman ageldoh pha ta poi. Natoh namun ah mihiem hohi koiman eman asim tapoi, mechines hojoh min agel sang jo in, tuisanglen a tui votkhat tabang a kigel manluloutah hinkho ahitai, hiche mihiem hinkho hi. Leisiet a aminthang hobou min ahe in, atam jo mihiem te vang hi koiman ahepha tapoi.
Dr. Donald Forman, hi America a North Western University Medical School ah doctor ahi in, aman asei nah achun, mihiem tahsa le asung um hohi abon in America sum a $ 3.50 ahin. Amavang tulai khang lhahsuh khang ahin mihiem tahsa le asung um ho hi abon in americate sum somko (90) bou aman tai. Leiset khantounale akitol dungjui in mihiem hinkho hi emacha ahi tapoi. Tulai hin khangdon hihen tehse hijongleh, echan gei hamkhat a boithei nanei hijong leh, koiman athu-u alah peh tapou vin, chule koiman anah sah tapoi. Hinlo umlou nakhang ahitai.
Bible ah, jesun kelngoi avah mang thulhem ana sei in, hichu Luke bung 15 akhun akimui. Kelngoi ching khat anaum in, ama chun kelngoi kakhat (100) anei in ahi. Hiche kelngoi jakhat lah achun kelngoi khat anavah mang in ahi le, kelngoi chingpa chun akelngoi somko le ko (99) hochu dalhan kelngoi khat chu ahol doh din anache in ahi. Kisuh khat nathei, thinathei tampi unjong leh kelngoi ching pa chun akelngoinou chu muna tei ding in ahol in ahi. Chomkhat jouin, akelngoi nou chu ahin mutan ahile aman jong kipah tah alengkou ah ahin tah doh in inlam ahin jotpi in ahi. Chuin aheng akom hochu akou in ama ho kom achun hitin asei e: “Neikipapi un ajeh iham etile keiman kelngoi avah mang’a chu tunin kamutai ati.” Kelngoi khat bou ahin, amavang kelngoi chingpa dinga chu manlutah ahi. Jesu hitin ana sei e: “keima kelngoi chinpha chu kahi: kelngoi ching phatah chun akelngoi tedin ahinkho apeh doh in ahi” (John 10:11).
Nang jong hiche kelngoi vah mang’a inlampi hoilai ham tia dah le lea anaum nahi Meithei ahi. Amvang kelngoi chinpha tah pa ading in vang mimanlutah nahie. Leiset le asunga umho jouse sang a kelngoi ching phatahpa ading chun nang naman lu joi; ama hinkho sang in nang naman lu jo in ahi. Bible in hitin asei e: “eiho chonsiet’a inaum laitah uchun, Jesu eiho din ana thin ahi” (Rome 5:8). Pathien in themgao Isaiah mangchan hitin ana seije: “Naobua peng naocha chu anun sumil jongleh, keiman nangma kasuhmil lou ding nahi ati” (Isaiah 49:15). Aman nang nakhoh sah jinge. Tule tua nadinmun etabang hijong le pathien adin naman lue.
Pakai adin miman tamtah nahi. Nangma miman lutah nahi.
Hiche lekhabu hi napeimang masang in, hiche thudih hi anangaito in. nangman hitin gel Meithei in nate, keima ema kahipoi, koiman emading jong eitipoi, koiman kaum nalam jong ahepha poi nati Meithei ahi. Amavang ven! Nangma nangailua nakhohsah jing mikhat aume, keihon kangaichat pen uchu ahile nangma le nangaupa kimuto sah ding hi ahi, ama chu Jesu Christa ahi. Jesua din nangma mikhat nahie, huhhing dinga mimanlutah nahie, ama dinga naman lut dan le naman tam dan chu ahikho chan pedoh a thingam ahi. Jesun nangma nalungset e. ama nangdin athii; nangma nangaidam din thinna kon athoudou doh in, chamna, kipana, chule nangaichat jouse subulhing din nangma nahol jing e. pakai toh kikhuh jop inlang, ama cha hin.
Nangman hitin gelmeithei in nate, “keima setna lam ah kache gamlha val tai, chonthanghoi, jonthanghoi soh in kaum in, koima ekithopi ding aumpoi.” Amavang ven! Mi asang aja, ateh akhang tampi Jesua kinep na that, hinkho thah, chamna le lungmonna, kipa na, chule hinkho epiham ti kimu doh tamtah aume. Jesua akon hinkho manlutah akimu doh un, manlutah hinkho anei ta uve. Nang jong pakai komah kitep na neile chun hiche manlutah hinkho chu nanei thei ding ahi. Tu le tua jong nang chung a jong lhung thei ahi. Kingaiton.
Taona: “Pakai, Chonse kahi, neimgaidam in. keiah ema aumpoi, hijeh chun nakom kahin jon e. neingailut jeha keidia nathi katah san e. achesa hinkhoho nung sun a hinkholhum’a nang ma nung juidin neiki thopin. Nangma kapakai le eihuhhing pun kaki san tai. Jesu min in katao e. Amen.”
You can find equivalent English tract @
