NING JANG SANTHI DONGTHING (PEACE BE UNTO YOU)
Santhi- bislai khnathaosisiyaba graothai! Santhi khe khripbo smaidu ode nangjaodu. Rja- rjing subung buthu santhi khe smaidu, thikhabo bangdaohi subung buthu maiglaolai jajaodu. Gnangraobo santhi braiphuya, ringthai-grikhthai jangbo santhi khe maiphuya, bumu ba mahn jangbo maiphuya. Santhi khe ningbo nangjaonaidu, thikhabo nangjaobalai maiyanaidu. Santhi giribani darajang bakhalbaide ning mlaini basaoha thampsi phnunaidu, bakhalbaide ning thilamanebo baobainaidu? Ju-mai jihi linghi ning santhi khe smainaidu, thikhabo ju maini ragi gaokhaning santhibo gmalangladu. Saosi gini Yoga khlaihi santhi smaidu. Saosi gini mlai jang degaohi saojang donghi santhi smaidu, saojang donghi santhi maibade jainbi waimuse bangdaoba. Mel dol ha thangkhabo jarni dongthai jithai jang sening hamyadaoba. Jing nalai habsaoha dongba jibaha bujut jang gablaisi, santhi girihi nadi muilo dong?
Jing sumu jabani ebo lairephsa khe nisine ronma nangjaoba thikhade, Saosi subung jang nisine basao mithilairima nangjaoba; Bosening gibiyaba ar jamdaoyayaba santhi khe riphuba. Bo thiba, “Nisi jang santhi dongthing, Ani santhi khe nisine Ang ridu…. nisini kha, dukhu damaithing, khinthaibo damaithing” ebo habaha gibin musi graothai giri thikhabo Saosi subung ning khe khasaobani khlaihi jarni hahng rihi phroman riba ar ning khe, Bo sao nangba. Jarniha santhi girikhade saosibo ninthane santhi riphuya. Santhi ni bubra ar ninthane santhi rimane graosmai dengyaba Saosi dong. Bokhe santhi ni Raja thidu, Boni bumu Jisu.
Ning thilaphure, “Jisude ani khlaihi gibi niya, nuba giriyayaba goronlaiba giriyayaba niphrang ang bedehe boni niphrang nadi maiphuma? Jisu nini khlaihise thikhade, ning ebo santhi khe maiblaikhamu. Ning sumu jabani dinisosi Bo riginyaba santhi khe maiyakhoba thikhade, ning khe asaba mongsi, Bo jang degaolairidu, bo jakha nini phap khusi. Jing hamsisi kha rihi baodu thikhade gibi mosol khe saikhuba maidu, santhi riginyaba jinthane Boni santhi khe rimane jing khe jirikhbaha jing Boni khurang khe gainsongya. Ebo graothai khe baonai, “dongthai-jithai rgaohi, Ani grao khe ning gainsongre thikhade, dibuni dilai niniha santhi dongmamui, “Dimlang ni barsralai siphmamu”. “Jing jarni phap khe sikhar khlaidu thikhade Bo jinni phap khe maph khlainang ode jinni khrip gjai gron khe susatharnang”.
Duhade nini basaohase. Ning gibi jang ning santhi nangjaodu thikhade, ning sumu khlaima nangma thikhade ning habasao ha dongba jiba ha dangjai-jidjai dongre thikhade ning dongthai-jithai slaima nangma ode Jisu niha maph sainma nangma. Nini ha asaba phap donglakha thikhabo Bode maph khlaidu, Kross ha, Bo jarni hahng ribade ani nini phap ni khlaihining ribase. Madai ning khe bedehe nangjaoba odelaining dongmane smai dangma nangma. Ning elaining dongdu thikhade ning baobathanebo bangdaohi ning gibiyaba santhi jang gablaitharnang ar bo santhi, asakhalibo jamdaonang niya. Nini jekhali phap rgaonang okhlai Santhi ni Raja nini khlaihi gibi jahinang.
Santhi, bimar hamma ode phap niphrang gohlam maimanede gathaisihaning jathardu. Phap niphrang gohlam rimane khlaihi sening Jisu dukhu rijaoba ode Kross ha dikhthaojaoba niya, jinni bimar-hasar niphrang gohlam rimanebo hahng ribase. Ning jekhali Bo khe jarni Gabara ode sgoyah thihi ajaonang okhali nini khaha santhi ar maph riba khe garhibo nini sao khebo hamthai rima. Raja David elai hamthai maibani rjaphthai, “O Gabara, ani kha jang, Ning khe bkhan khlailadu, ar Bo hamthai riyaba khe blaoya, Bode nini khrip phap khe maph khlaidu ode khrip bimar khebo hamridu”. Jekhali ning santhi Raja, Jisu jang goronlainang odehe Boni santhi khe mainang okhlai niphrang khinthai, dukhu-waimu buthu nini kha niphrang gmatharlanglanang. Nini habsao habo ning santhi labuphunang ar habsaoni jba ar hingsa khebo bangyadaoriphunang.
BIHTHAI: “Gabara Jisu, Ningde santhi ni Rajase, odehe ang nini santhi khe nangjaodu. Ani phap khusi jangse ang khe ning jang degaolairiba thihi ang tharmaidu. Khasaohi ani phap khe maph khlai odehe ani kha rgeyaba khe gthar khlai, nini bthi gthar jang ang khe susa. Dini, Ning khe ang jarni Madai ode Sgoyah thihi ajaoladu, Ning ang khe nangjaobalai ang dongnang, thikhabo ang khe juru. Ang khe hamri ode Nini santhi khe ane ri. Amen”
You can find equivalent English tract @
