Nüng ü hayoha ja ei toh lang bü hük hih (You Are Someone Special)
Ngei muchem laihük e pushang.Ngei shah lüng hanei hapakei etüke. Shennyak peü hannei am, hatü hannei am shing ngei shao hapa shah lüng mehe ang shi leiyei etüke. Shennyak baü hannei am, hatü hannei am shing.
Hapa computer denkü scientific doü thü homei shennyak ei doü thü peü düklang nyüke.Doütükbü shei nyü bü shennyak mehe ao nanglei nüshu pü leidai nyüke. Mehenang kü doü peü machinei mon dük lang pü nyüke. Shennyak homei dük aok püdou hanei nyüke hapayü lok pü haipü, ngapü japü hatü yü shennyak peü ei mük- i e shi aok pü dangnyü ke shejao shennyak-i hapa düngei teih shi nünyü nyü.
Laihing ei mahdaipü i shah lap pü nyang ei nyüke.Hapa luk lai phong 15 kü danghen.Mi Khong khohük (100) yümpü shennyak hük nyü tüke.Hathu khong kü hük mahdai tü nyütüke. Bü ali pü an pü shü (99) tühphong tü bupai mahdai pü hük yemei dai tüke. Büpai hapa mahdai pü mi yem ei daipü lem kü tok longi pong tüke, shejao büpai mang dang thah shi khe-ei yemtüke hatü büpai toh pülei dang ei phang chongei paitü mongong nyüke hatü mechem büpa shemei ngoipüshang chingyothü nyükei hapa kei e shoüh tüke, ngei mü mong ong tuh mehenang kü ngei mahdai pü mi dangtüke. Miyombü shing vaishe mah daipu hük üng longi shongnyü.Jisu khristai hapa kei e tüke, ngeiyü miyombü meipü. Miyombü meipai mithü shingvaishi laophülei yangnyu lanei shoüh nyeih ( Johan.10:11)
Nung mahdaipü mihük leshi shününg oak.Shejao miyombü shingvaishi nünglom jaüng Shong nyü.Büpa shingvaishi nüngü büpalei yangnyümao long pü daü vang yongkhih.Laihing i hapa kei e nyüke. Shejao kahvang i bampu jen kü büpai hüpayü jen nedohi mang kü nyu shi khrista jen shing vaishi dipeih ( Rom.5:8) shao büpai ishaiah thi i vam homei yao hapa kei etüke, Hümlongnyü laophülei ammaku jüppü naü be aokhen je? Hatü laophüi buh hahpu hapeü kü nebam hen je? Nye laophulei hapeü bebe nüng paeh vailang mao ngei nüng nebetük pih ( Isaiah.49:15) Nung müba laphen kü nyülang mao büpa nung jong ei nyü nyüke.
Bambü Kephüthü, nungi hapa lai apü tüh tuk she kü nungi hapa hingshang pü lem hük teih ei dang tüh. Nungü hanei am shennyak i yao nunying pü vainüng aok nevaiju noknyü i yao nünying pao vainung aok. Hahepak kü nungi hapa kei ngei kü bampu nevai jü ngei nying pü nüshü ang shei teeh ei nyü nüng aok.Shejao nung kü bampu hatü nung nying pü shembupa Jisu khrista-i nyuk nyü ke. Bupai nungkü bamnyeih, bupa-i nüng yang hen shing vaishi di, bupa-i nungku mang tük hen shingvaishi yiu, hatu mongong nyioshem mei shouh tüke.
Nungi ngei yü mang ei aavaiyei mong lem nüshüi tai shi lüdai phei shei teih hah ei nyü pao vai nung aok. Shejao üam müshüki shembupa kahvang yahnya jomphong i yangnyu jamongong nyioshem mei, mükhong ja, yangnyu kü aok pu dangpu hatu yangnyu jangpü shapu kü nyuhen dangnyeih. Mechem nung nungei yangnyu bupa kü lanei shuoh tü nyuhen shang nung i yao hathu miohiman danghen.
Phoppü : Shembupa ngei mang shennyak Ching mei lem lüngei mang tük shih ngei nying ku mehe yao nüdük oak hanang kü ngei nung toüei peikünyeih. Nung ngei shingvaishi shophang kü di peih shei hinglem nyeih. Peih dai pü nyih thü kü nung nünyingi nyü püku mang tük shih, hatü ngei lei yangnyu dohpü ngoishi nungmü nyühen shaüh shih. Nung ü ngü lei yemleipu, hatü ngülei yangnyü nungku lanei shouh nyeih. Amen.
You can find equivalent English tract @
