Nungei men laitüb i nyangei nyüla (Is Your Name Registered?)
Nung müchem kahdoknyu lei peibüshang nungei nyui pai nüngei men nyuk pü hatü dihan jong lemlaolao kü shouhei tuhnyüke.
Hapakei tuh puvai nüng oak:
- Müchem nung lai-i shemei men nyuk püshang.
- Müchem nungi kam yamhenshang.
- Müchem nüngi kahdoknyu shamshing shak hen shang
- Müchem nungi khari shak han shang
- Müchem nungi bank account app hen shang.
- Müchem ration card yah hen shang
- Müchem nungi voter’s identity card yah hen shang.
- Müchem nungi shemei ow shü hah hen shang.
chem nyu tü lüdai han kahdoknyü leimon nungei men shing laolao kü shütü nyü jema vangsho Ching-ei mükei e-hen?Nung di phe kü yangnyü yem mongong hatü Chingmei kü nyuhenshing vaishi nungei men vansho chingei shüei tuhhen vongpong nevaipu je? Shaang nungei men laitab-ei nyanghen hepak mei nyüke.Nungei men vansho chingei shüei tuhhen shing vaishi madük hen ang?üami puba yahnya hatü hinglem nya hathü peü kü bupalei ha leihen ngan shouhteke.(Johan 1:12) Nung nüngei mang thü teiheidang tü shembupa jisu kü mong kam pa-i manpulei tü mang lah jüma bupa-i nüng kü mang tük tü bupalei ha leihan.Mehenangkü jenei shembupa yü jenei mang mü calvary shophang kü shangpong-ei di hatü nyih jem bapü kü yangei leitü yangnyü yem nyüpüba.
Shejao, mang laanghathü amphong kü bangpü hangkü mongte-ong ,shejao vangsholei ammei men nyangei nyupükü mongong tuh shei eteke.(Luk 10:20 ) Üami phong-hinglem ba-i mangtük pü yü nya jomphong-ei men vansho chingei nyang-ei nyunyeih laihingei hapa kei-e nyuke kahvangi bühpü upayao shoushi mang nethahnyih mehenangkü kahvangei sheile bühpü mangkü bupai nutoh-i mang thah-ei nenyunyih (1 Johan 3:9) jisu Krista shophang kü dipü homei nungei mang mon nevai halangmao nungkü dunghan din ao peü koei lütai tuke.
Shaphen pü nyih amei men yangnyu laitab kü nyangei nunyu juma muchem ao nemet pü awphongei amshukkhen (Shakei Vampü20:15) Jisu lei iy homei nung mang tük bü tang nyih büpa shophang kü appü homei nüng kü mohiman shoühnyih.Büpa ponghah pü homei nung eku dunghen din pü kolang tüke.Büba dipü homei nung di hen kü nyam bu ha mahtük nyüke. Nungei shembüpa yahtü büpa kü hinglem mei nyüjüma nungei men kahdoknyu lei mon nevai shejao nungei yangnyu leitap kao nyangei jongkahen hatü nungei yangnyu yem danghan. Hanankü nungei hing shang pü yangnyu yem danghu jüma nung büpa touei heihtuh.
Phoppü : Shembüpa ngei nungkü yangnyu lanei shoühnyeih hatü nung kü hinglem nyeih.Nungei iy homei ngelei mang peü paü tükshih.Ngei nungei ha vaihütüh hatü ngelei men yangnyu laitap ku nyangei tühshih.Hatü ngei düngei nungmü nyuhen sheaühshih.Amen.
You can find equivalent English tract @
