Nang Min Nyanyange Ngoh Ya ? (Is Your Name Registered)
Aope nang kahtoknyu me wangngai ngi yah peih hüyange li yah peih nang puhpu nyu pa ni-e nang min nyane angnang. Tüo phei me nang jong wante kahtoknyu kenphe me nang min nyane angnang, leppu jame:
- Nang aope laipaan te tai
- Aope nang toishao te yulakeih
- Aope nange nokjing kahphei shaklakeih
- Aope nange yanjem(vehicle) jingne giengjepu yahlakeih
- Aope nange ngin pungme ngin jao ang wante
- Aope nange heei-it lainok yahne iwante
- Aope nange nang jing Voter identity lai nok-ha yahwante
- Aope nange nenok jingne ngütvün yahyapeih
Hütao line taipu kahtoknyu me ngoh lak jingne nang min üken phi me nyan anglak ne nehoi ngai ma-a, hüma-a wangdang jeang a hangke? Wangdang chingme-o nang min nyan anglak jingne wongpong ne ye-ji a? Hüma-a nang li yang phei me, taoken me nang chingmei hüyange mongmei me ngoh oklak jingne üküm yenang pu wangtang angh chingme nang min nyanne anglak wongpong.
Hü-me taoken me nang min nyan anglak jingne nange hang ling lakshi? Tüoken me nang min nyan anglak jingne, nang ni she puhpu üyinne menglak wongpong. Tüopa jeang temane üjao Laitep me i nang: “Hüyangpoi hangshinne I yah hüyange I min me meang tüolan te Kahwang üha ne menglak wong Iye pha” (John 1:12). Nange nang mongjang üsheiye Youngwanpa Jesus te ütinglakpu ne meang ma-a hüyange I a nang yinyipa Kahwang she monge yahpu ne meng ma-a, I Ha ne nang mengpu oklak. Aohiwe nang ünu jingne Calvary tangpem pai yange shange ponge li, hüyange lümshe pupa nyih I yange ye hüyange ape-o üküm yenang pu üyin pha.Nange naha wante muh om pu nang ünu japhei meja she jan pu ne meng ma-a kawange nang I ha ne yahpu oklak. Iye nang mongjang me I me pu mongmei hüyange chingmei maawe tamphalak. Aoyin te Iye I halan ne ling/she teih, tüolanjingne I kahtoknyu me ngoh wante hüke iyangki, “Hüleima-a numan min wangdang me nyan yang pu jingne mongmeitüoh” (Luke 10:20). Aoyinne ümeng win tampu shüpshi tüo, tüote paowe üjaolaitep me I pukihe, “Ünu jonyange ao-o Kahwang mepu yepuh” (1Jn.3:9). Youngwanpa Jesuwe shüpshi phapu a hütao ünu we maapu kahtoknyu aope-o ünu yejon pe jao shipu üyin ngoh lak jingne I üyin phatam. Aope Youngwanpa Jesu tangpem me liyahpeih, Iye nang ünu sha-a kipu ne yeji hüpoi nang daktin pulili o yah tei. Taokhei aoyine I te üting laklakei I me üting lak pu angnang, iman üyin ümei me ngohlak, hüyange yemei oklak daktin lanmepu nehoi laanne tampu tüolak.
Teih-e nyaohah, wangdang me min nyan e yenang pulan jingne üküm (nyih) a hanghi ne meanglak ? Kahta li yang phei me ngao phün pu nyih iman tangme hanghi peilak hüke nyan yange ngohnang, “Hüyange ütam min üyin laitep me nyanne yenge ma-a, I molovün me hinlak” (Ütahtengaipu 20:15).
Jesu iy kaiye nangte shüpshi phatam nang, hüyang-e nang ünu yah teinang. I tangpem me takpu kaie nang mepu phoi wümpu yah teinang. I shaoshi yateng pu we nang daktin meitam pu phatam. I lipu we nangte mongyong ne tam. Youngwanpa Jesu üyin kaiye nange jintepu üyin tüolak.Nang min hütao kahtoknyu me nyan anglak pane yeji, hüyangpoi wangdang mepu üyin laitep me nyan lak jingne inang. Tenyih muh Youngwanpa Jesu tangte peikei nange hütao kahtoknyuwe yepha oklak ütingpa chingmei hüyange mogmei tüolak, hüyange li yangphei me wangdang chingme ngohlak khintak tüolak .
Youngwanpa Jesute üting lakpu phei yop-e khüm pume üpheite woikei:
“Youngwanpa Jesu, tao e nangte üting lak nang hüyange ü üyin lanshe puwe nang jingne nyoi pha tamnang. Nang üjao iy kaiye ü ünu ümen üshei mepu jaowe tam yangpha. Nange tao nang ha ne yah tampha hüyange sha-a wangdang me ümin nyan e angtam pha. Sha-a mepeiye, ü üyin na nang jingne mengtampha.” Amen.
You can find equivalent English tract @
